الحـلقـة التاسعة والأربعون
ملاك:: لا ماتجيش ضروري نجيب اقل شي حاجات المطبخ
معاذ:: براحتك المهم نبي انطلع العرس دغري
ملاك:: غير وسع بالك مرات مش موافقه انا
معاذ:: تقدري اصلاً ترفضي
ملاك:: ياواثق انت
معاذ:: طبعاً
هبة:: تبكي يامنذر حي عليااا نوض نوض
منذر:: كنك بسم الله
هبة:: توتي مشعارف كنه تعال
منذر:: صبا مفجوع ومشا لولده اللي كان ف سريرة كنه اهو راقد
هبة:: تبكي كان يعيط بكل بعدها فجأة سكت ومعش تحرك
منذر:: هههههه وحضنها ياهبلة رقد بس
هبة:: لالا صارتله حاجة سكت هوا
منذر:: والله مافيه حاجه راقد بس فجعتيني وحق ربي
هبة:: قعدت تمسح ف دموعها خفت عليه
منذر:: متخافيش يلا تعالي ارقدي
خالد:: منى يااامنى. تعالي سكتي بنتك
يوسف:: عدا يجري ماما يااماما
منى:: نعم ياماما
يوسف:: يارا تبكي من امبدري
منى:: هياا جايه امشي ارقد انت
يوسف:: مش نعسان
منى:: امشي الساعة 11 تواا يلا
يحيي:: مامااا
منى:: ها انت الاخر كنك
يحيي:: جعاان ماما نبي ناكل
منى:: ييييه علياا لحظة باهي
خالد:: ياااااااامنى ازززرف
منى:: خذت الرضاعة ومشت تجري
خالد:: تي وينك البنت انسحنت بكاء
منى:: جيت اهو كنت انديرلها ف رضاعتها
خالد:: شوفيها باهي
منى:: امسك ورضعها بنمشي نشوف باقي المفرخ جواعه حتي هما
خالد:: كنك والعه
منى:: ماكني شي بس شفت بروحك من يوم ماجت يارا ونا ماشفت الراحة هذا بس لياا ثلاث شهور
خالد:: هههههه حضنها. من لاوره وباسها. من خدها كنها حبيبي معصبة عيالك هضوما
منى:: متعبين وحق ربي
خالد:: تو يكبروا ويقعدولك سند بعدين
منى:: ان شاء الله
يحيى:: جا يعييط ياااماماا هيااا
منى:: يييه علياا جيتك اهو امشي قدامي يلا
ومرن علينا الايام وكل واحد لاهي ف روحه ومر اسبوع وعدو هلي خطبو لمعاذ واتفقو علي كل شي وع ان العرس بعد 3 شهور وملاك ومعاذ طايرين من الفرحة ومن مصدقين ارواحهم اما ام ملاك ف مش عاجبها الوضع ابداً وماتحكيش لا مع ملاك ولا باتها
.
.
ومريم وتميم خلاص اتفقوا وحددوا موعد العرس وبدا كل واحد منهم يوتي ف روحه
.
.
ونا نحاول نلهي ف ماري شويه بس مقدرتش انتأقلم من غير انس وهوا يرن علياا ويحكي بس نا حاسه ان ف حاجز ويحاول كم مره يروح بياا ونا نرفض مش لاني مانبيش بس كنت نبيه يحس ان هوا غلط واللي داره مش شويه والحياة تشارك ولازم يكون عندي علم ولو الامر بسيط مع ان مش بسيط يعني يحط علي اسمي عيل هواا مش مني اساساً بس احياناً الحياة تخليك ترضخ لحاجات عشان متخسرش شخص يعنيلك الدنيا كلهاااا وكنت قاعده. ف الصالة مع ماما وماري تلعب حذانا خش علينا منذر
منذر:: مهاا انس ف الصالون يبيك
نا:: عليك قصة
ماما:: روحي مع راجلك خلاص مش سبب هضاا يخليك اديري هكي ولده بالحلال واكيده مش حيعزقه ف الشارع
نا:: خلاص باهي حفظته الكلام
منذر:: كلام امي صااح وام العيل توفت الله يرحمها يعني مش تقولي تو يردها
نا:: ماتملوش من الدوه انتو
منذر:: صبي توا الراجل يراجي
نا:: صبيت هاه ردي بالك من ماري ياماما لعند نجي
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
רומנטיקהرواية ليبية شرقاوية مميزة بقلم الكاتبة Bent_benghazi
