الحلقة الأولى
منى:: يامهااا ردي عليااا حرام عليكي الي اديري فيه فيناا وحق ربي ماما مش ناقصها راه
نا:: .........
منى:: قعدت تبكي وماسكتني من كتوفي وتهز فياا نحكي معاكي وراس وخيتي تردي عليا
نا:: دمعتي نزلت وخشيت تحت الورغان وغطيت وجي
منى:: مسحت دموعها وطفت الضي وطلعت وسكرت الباب وراها
ماما:: شن صار معاكي يامنيوه طمنيني الله يطمنك
منى:: قمعزت جنب ماما وعيونها دموع نفس ماهياا ياماما متحكيش ولا كلمة وماتبيش تبحت حتي فياا
ماما:: قعدت تبكي حسبي الله ونعم الوكيل ياربي بنتي تضيع مني ومش قادرة اندير شي شن درت ف دنيتي بيش هكي يسيرلي ليش ياربي
منى:: حضنت ماما وقعدت تمسح علي ظهرها وتبكي الله يربحك كوني قويه ياماما معندنش غيرك ف الدنيا ومها حتقعد كويسه عشان خاطري
منذر:: طلع من داره وجا شورهم كنكم شن في
ماما:: اختك بتريح من يدينا يامنذر
منذر:: وسعي بالك ياامي واستهدي بالله
ماما:: اختكم بتريح من بين يدينا كنكم انتو
منذر :: قمعز قدام ماما ومسك يديها مها حتطلع من الحالة الي هياا فيها وحتقعد احسن من قبل بس كلها مسألة وقت ولازم تصبروا
ماما:: لعند امتا بنقعد هكي لعند امتا
منى:: الباب يدق يامنذر
منذر:: صبا تو نشوف من ونجي
وطلع فتح الباب ولقاه محمد
منذر:: وين المفتاح امتاعك
محمد:: نسيته فوق
مريم:: خشت كنك يامنذر شن في
منذر:: شن بيكون يعني نفس القصة خشو يلا
محمد:: موضوع مها
منذر :: اهااا
مريم:: خشت للصالة ولقت ماما تبكي ومعاها منى تهدي فيهاا
محمد:: لعند امتا ياامي ارضي بالأمر الواقع يعني كل يوم بتقعدي تبكي هكي
ماما:: انتو كنكم مافيش واحد فيكم حاس بأخته ليش
منذر:: ياامي الوضع الي فيه مها لاهو يوم ولاهو يومين بنتك لها سنة وهياا ع الحالة هذي ف دارها وخلاص ومتحكي مع حد
ماما:: مش منها من الهم الي شافاته
محمد:: باهي نحنا شن ذنبنا مش نحنا الي فيهاا هكي
ماما:: انت بالذات تسكت مراتك كانت سبب ف الي صار
مريم:: ياماما حرام عليكي رؤية ملهش ذنب وانتي عارفه
ماما:: انتي تسكتي اختك معاكي ف الدار ومش معدله عليهاا
مريم:: بطلت ونا نحكي معاها ونا نهدي فيهاا ونحكيلها بس هياا حتي كلمة ماتقولها لياا
ماما:: حسو بياا حرام عليكم بنتي لهاا سنة ماقالت ماما لهاا سنة ماقمعزت وهدرزت معانا
منذر:: يعني نحنا الي عاجبنا وضعها مافيش حاجة مادرناها ياامي وانتي عارفه يعني ماخلينا دكتور ولا مستشفى تعبت علينا وكلهم نفس الشي كلهم يقولو هياا ساكته بإرادتها شن ذنبنا
ماما:: اختكم ملهش غيركم بعد عين باتكم الله يرحمه
محمد:: ونحنا ف شن قصرنا معاها كذا قوليلي وانتي عارفه بروحك ان مافيش واحد منا قصر معاها
ماما:: قعدت تبكي لان عارفه كلامهم صاح وان داروا الي عليهم
منى:: صبي معاياا وتريحي ف دارك ياماما عشان خاطري
وصبت ماما معاها ودمعتها علي خدها وخشت للدار وعطتها مني حبت الضغط امتاعها وقعدت معاها لعند رقدت وطلعت وسكرت الدار
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
