الحلقـة الـخامسـة
مريم:: هااي مهاا نحكي نا
نا:: برمت شورها ومسحت دموعي
مريم:: فيش سرحانة
نا:: هزيت راسي بمعني شي
مريم:: باهي انا بنرقد بعد ساعتين نوضيني عندي معهد
نا:: هزيت راسي
و وطفيت الضي وطلعت من الدار ومشيت شور دار المعيشة نسمع ف مراد يقول لماما
مراد:: ياامي حرام تظلمي المرا هكي وانتي عارفه ان مش ذنبها وعمرك ماظلمتي حد
ماما:: انت قاعد تشوف الي وصلتله اختك من وراها لو هياا انتبهت مكانتش اختك زلقت وطاحت وخسرت ولدها الي كانت تحسب ف الايام بيش تشيله بين يديها
مراد:: انتي بروحك مش مقتنعة بالكلام الي تقولي فيه
ماما:: كلامي واضح ومعنديش غيره
نا:: نسمع ف كلامهم وخاطري نحكي بس مش قادرة مشيت شور المطبخ ودرت قهوة وحطيت معاها مقروض ومشيت خشيت عليهم ف الدار. وسكتو اول ماخشيت.
مراد:: والله جيتي وربي جابك توا كنت نبي قهوة
نا:: قمعزت ومديتلا فنجان
ماما:: وين مريم
نا:: شريت بيديا بمعني راقده
مراد:: امممم قهوتك مافيش زيها بكل
نا:: ابتسمت
ماما:: خوتك مازال راقدين
نا:: هزيت راسي
معاذ:: السلام عليكم
مراد:: عليكم السلام
ماما:: منذر مازال راقد
معاذ:: توا ناض. خش للحمام قال عنده. مناوبة
ماما:: كل يوم بياخذ مناوبة بينهي روحه هضا
مراد:: عارفتيه انتي من يوم الي صار وهوا يلهي ف روحه
معاذ:: خلوه براحته
منذر:: انا طالع ياامي تبي حاجة
ماما:: سلامتك امتا مروح
منذر:: حنروح متأخر سلام وطلع ركب ف سيارته ومشا شور المستشفى
نا:: صبيت خشيت ف الدار وقعدت انوض ف مريم
مريم:: هممممم
نا:: قعدت نبز فيهاا
مريم:: حولت البطانية من علي وجها وهياا معصبة تي من هضاااا
نا:: بحتت فيهاا
مريم:: هياا انتي سامحيني
نا:: قعدت نشير علي ساعتي بمعني وقت عليكي
مريم:: خلاص نضت نضت وفجأة البنت صبت تجري وفتحت الروشن معاااذ ياامعاااذ
معاذ:: نعم هاا كنك تعيطي ياجعبة
مريم:: استني متطلعش عندي معهد
معاذ:: وكنك ماقلتي بدري
مريم:: نحسابكش بتطلع
معاذ:: خلي مراد يشيلك الشباب يرجو فياا
مريم:: معاااذ عااد والله ربع ساعه ونطلع مش مطوله
معاذ:: باهي بسرعة قاعد ف السيارة ربع ساعة متطلعش نمشي راه
مريم:: تماام بااه ومشت تجري
نا:: ضحكت عليهم لان من زمان ماشفتهم يتعاركوا كانت علاقة معاذ بمريم نفسي انا ومنذر بحكم ان علي روس بعضهم
ومشت مريم تجري خشت للحمام. ( حشاكم ) غسلت وجهها وتوضت وفرشت سنونها وطلعت تجري صلت ولبست جينز وكبوط احمر قصير فوق الركبة وبوت نص الساق طيني امتاع الفرو وشنطة طينيه نفس البوت واشرب سكري بالبيج ودارت بلاشر وقلم قهوي خفيف ع السريع و خذت شيتاتها وطلعت كيف المكلوبه وكانت الدنياا مطر وجوو مسقع بككل وركبت ف السيارة
مريم:: الله دفا هناا
معاذ:: لو تأخرتي دقيقه كنت سيبتك
مريم:: عارفتك اديرها طلعت كيف المكلوبه
معاذ:: بحت فيهاا سقمي اشربك باهي منظرك فستري ههههه
مريم:: هههه فتحت المرايا الي قدامها وقعدت تسقم ف اشربها حتي وجي اصفر قاعد
معاذ:: هكي خير وجك
مريم:: والله
معاذ:: توا الي يسمعك يقول تحطي ف عرم مكياج علي وجك
مريم:: مش هكي بس توا طلعت بسرعة
معاذ:: اصلاً الشباب مايحبوش الي ادير ف مكياج واجد
مريم:: ههههه والله خلاص معناها شوفلي واحد من اصحابك
معاذ:: خبطها علي راسها بعد تشوفيلي وحده من صحباتك
مريم:: ههههه غير اعبى علي اعباك
معاذ:: توا الطريق زحمة كله منك
مريم:: لا مش مني من المطر
معاذ::قولي والله
مريم:: والله ههههه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
