الحلقـة السادسة عشر
ومشيت وسيبته وخشيت لداري ورقدت ع السرير وقعدت نبكي اذكرت ايهم ومعاملته لياا وحنيته وانس الي انا وياه كلمة بكلمة ومحسيتش معاه بشي وكنت نبكي بعبرتي خش علياا انس لقاني نقول
نا:: نبكي ليييش خليييتني ليييش مقدرتش نعيش بلاك مقدرتش
انس::مهااا
نا:: سكتت وخف ومشعارف ليش حسيت ان حيقتلني
انس:: جا قمعز جنبي ع السرير ومسكني من يدي من فوق وقعد يضغط عليهاا كنك تبكي شن درتلك اناا
نا:: نبحت فيه وعيوني مليانات دموع ومشعارفه شن نرد عليه
انس:: مزلتي تحبيه
نا:: انصدمت من
انس:: عارف انك كنتي تحبيه وعمتي حكتلي كل حاجة عليكي وع الي صار معاكي ومنلومكش مصارش معاكي شويه
نا:: قعدت ساكته ونمسح ف عيوني ومعرفتش شن نحكي حتي
انس:: را انتي واخذه علياا فكرة غلط انا صاح عصبي واحيانا نشرب ومنصليش بس اناا لو تقربي مني وتفهميني حتعرفي اني مش هكي انا تحسابيني لعند توا مقربتش عليكي عشان خايف منك ولا واحل فيكي غلطانه بس انا نبي وقت الي تصير حاجة تصير برضاكي لو انتي ارتحتيلي كنتي ع الاقل تقوليلي بعد حاجة تضايقك بس انتي تنفري مني وكأني وحش
نا:: دموعي قعدن ينزلن لان عارفه كلامه كله صاح بس كنت نبيه يتغير لان عمري مافكرت يكون بات عيالي انسان سكار وميخافش ربي
انس:: يكون ف معلومة مش حنصبر عليكي واجد انا راجل متجوز وحقي الي شرعه ليا ربي نبيه ✨
نا:: من اول ماكمل كلامه زدت نبكي اخراا والعبرة خنقتني وشقاتي صوتهن عالي وكأنه قالي بنقتلك
انس:: كنك بسم الله
نا:: معدلتش عليه وقعدت نبكي
انس:: بحت فياا وجعه حالي وكيف اني نبكي ومسكني من يدي وخذاني ف حضنه
نا:: من كثر اني كنت محتاجه حنان محتاجه اني نحبه ومحتاجه حد يهون علياا مقاومتش وحضنته وقعدت نبكي علي صدره
انس:: وخر وانسند ع السرير وقعد يملس علي شعري ويحكي ف داخله ( ليش محبيتينش ونا الي من اول ماشفتك ونا نحلم امتا تكوني ف حوشي ليش مش متقبلتني والله لو نعرف انك لو تغيرت حتحبيني مستعد من اليوم انتغير شن درتي فياا يابنت الناس خليتيني لما تنزل دمعتك انتقطع ومش قادر نخفف عليكي تي اناا يوم الي شفت الشيش مرميات كنت ناوي نقتلك بس حاجة منعتني حبيتك وحلمت بيكي بس انتي صدمتيني
نا:: حسيت بشعور غريب من اول ماقربت منه كانت ريحة العطر امتاعه مختلطة بالدخان فيهاا ريحه حلوه بككل وقلبي قعد يدق بالقوه بس مكنتش نبي نحول ولا حسيت روحي اضايقت بالعكس حسيت روحي ان ف حد يخاف علياا حسيت ان عندي ظهر ننسند عليه ونعست ونا منسندة عليه
انس:: قعد يمسح علي راسي لعند نعست ومعش قدر يحول خافني انوض سحب علياا الورغان ورقد وهوا مقمعز وفتحت عيوني مع الساعة 3 ف الليل ولقيته راقد وهوا مقمعز لاشعوريا لقيت روحي مبتسمة وصبيت وسقمتله الرقده امتاعه ومحوتك قدرت عليه كان ماشالله طول ف عرض وغطيته وصبيت خشيت غسلت وجي وطلعت فتحت الدولاب وخذيت شنطة صغيرة وحطيت فيهاا دبش لياا ولاه والمنظفات امتاعي وامتاعه ومناشف وتيت كل حاجة وصكرتها وطفيت عليه الضي وطلعت مشيت للمطبخ درت سندوتش وكليت ودرت كيكة. بالشكولاطة عشان نشيلها معاياا بكرا و انس غاليه عليه اي حاجه فيها شوكلاطة صاح لياا 3 شهور بس عايشه معاه بس كنا لا ارداياً اندير ف الحاجة الي يحبها حفظت شن يحب وشن يكره بدون مانفطن لروحي وكملت كل حاجه واذن الفجر توضيت وصليت وخشيت رقدت وطلع الصبح وفتح انس عيونه لقا روحه راقد كويس ولقاني راقده جنبه قعد يبحت فيااا وكيف راقده وشعري علي وجي وقرب مني بالشووويه وباسني علي خدي ولحظتها انا نضت بس مفتحتش. عيوني كان نومي خفيف بككل وابسط حاجة تواعيني مشعارف ليش مفتحتش عيوني بس كنت عارفه اني لو فتحتهن حنهزبه وانل مكنتش نبي نهزبه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
