الحلقـة الـسـادسـة
مريم:: الله مش مصدقة حلييته كللله
ملاك:: ياعوينك انا لبزت الدنيا علي بعضها
مريم:: ماو. كان سيبتي الفون وقريتي مكنش هكي صار
ملاك:: ووووه علياا خاطري نعرف عليش ماتحبش اسلام
مريم:: لان صايع ويكذب عليك وحتشوفي
ملاك:: باه باه
مريم:: صقع بككل بنمشي ناخذ نسكافي تمشي معاياا
ملاك:: باه
ومشن شور الكافتيريا وهناا ماشيات مريم سمعت حد كلمها وقاللها حليتي كويس وبرمت و وتلقاه تميم
مريم:: بحتت فيه من فوق الوطا تدويلي انت
تميم:: علي حد علمي اهاا
مريم:: وانت شن دخلك حليت ولا قعدت بلا حل
تميم:: بنطمن عليكي بس
ملاك:: حلت حلت وكويس بكل
مريم:: فنصت ف ملاك انتي اسكتي
تميم:: غير عليش شريرة هكي انتي
مريم:: مش انت متخرج شن تبي جاي
تميم:: والله جاي عشانك
مريم:: فاضي انت يلا يالوكا
وكرت ملاك من يدها ومشن شور الكافتيريا. وتميم قعد مبتسم ويمشي ف يده علي شعره
ملاك:: نعلياا عليك طرف
مريم:: ثقييل
ملاك:: تي هبلة انتي كان تضيعيه من يدك
مريم:: هـ البارد هض وانتي طبعاً مقدرتيش تسكتي حلت حلت وقعدت نعايب عليها
ملاك:: هههههه عنجد وجك بس انتي كيف عرفتي ان متخرج
مريم:: تي امس ف المعهد بعد روحتي جاني و........ وحكتلها الي صار
ملاك:: هههههه عليك طولة لسان فيكي
مريم:: تي هواا الي وقح وحق ربي
ملاك:: غير امتاا بس نشوفك طايحه بوجك وتحبي ونذكرك بكلامك كله
مريم:: لا مانبيش نحب انا اصلاً
ملاك:: هدرزي هدرزي
معاذ:: ياامي وين القميص الاسود
ماما:: ف الدولاب قاعد
معاذ:: مالقيت شي
ماما:: اوف وانت ماتعرف ادير حاجة وجت فتحت الدولاب اهو هضا شنو
معاذ:: الله غالب ياحويجه معش عندي عقل
ماما:: مش منك من هـ التلفون الي 24 ساعة علي وذنك
معاذ:: هههههه صبيلي قهوة علي ماجيت
ماما:: هضا الي شاطر فيه
وطلعت ماما ومشت للمطبخ ومعاذ لبس قميص اسود وسروال بيج وجاكة جلد قهوية وتمبرلاند. سودا ولبس طاقيه صوف علي شعره. هذي الي تقعد نازله واجد من لاوره ( مسميينها الشوال يشفطوا عليهاا. ههههه ) ودار برفان امتاعه ولبس ساعته و خذا شيتاته وطلع خش علي ماما ف المطبخ خذا مق القهوة وركب سيارته ومشا شور الجامعة وكانت عنده محاظرة عدا للهندسة وخش حظر محاظرته ومشا الوقت ورنت مريم علي معاذ عشان يروح بيهاا وقاللها دقايق ونكون عندك ومشالها ف الاقتصاد ونزل قعد يدور فيهاا وشافهاا مصبيه هياا وملاك ووراهن واحد عصب ومشا شورهن والجنون يتنطرن قدامه ومريم بعد شافاته خافت
معاذ:: فرخة مريم
مريم:: نعم جيت
معاذ:: جيت اهاا وبرم ع تميم الي كان يحكي بالفون ولاصق فيهن تفضل يااستاد
تميم:: خلاص اوك نحكو بعدين وبرم وجه اووو معاذ
معاذ:: تميم يامعلم شن ادير هناا يارااجل
مريم:: O.o
ملاك :: فهمتي حاجة .
مريم:: علمي علمك
معاذ:: برم عليهن امشي اركبي ف السيارة
مريم:: باه تعالي معايا يالوكا
تميم:: كيف تعرفها؟
معاذ:: تي هذي اختي الصغيرة ياراجل
تميم:: لالا معقوله مكنتش نعرف والله ونا نقول هضا شن جيبه وهوا ف الهندسة
معاذ:: كيف تعرفها انت
تميم:: نشوف فيهاا واجد ف المعهد لاني نعطي ف محاظرات غادي وشاطرة ومهتمة
معاذ:: منور والله انت شن ادير هناا
تميم:: بديت نحظر. ف الماستر والله اندير ف الاوراق قاعد
معاذ:: باهي ماشالله نستأذن اناا توا وانتلاقو ان شاء الله
تميم:: اكيد خوذ راحتك
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
