الحلقـة التاسعة والعشرون
انس:: طشتي
نا:: جيت حبيبي
انس:: كنك قاعده هنا وين امي ورتاج
نا:: عميمه راقده ورتاج فوق تغير هيا وعيالها
انس:: قمعز جنبي ان شاء الله غير ماتعبتيش اليوم
نا:: مش واجد عادي كنك ف حاجة بتقولها
انس:: كيف عرفتي
نا:: باينه ف وجك
انس:: ف موضوع بنحكيه لكي
نا:: ان شاء الله خير
انس:: اليوم كان ف اجتماع ف العيادة والمدير اختار 3 وحدين عشان يدزهم ف دورة لامريكا لمدة شهرين
نا:: باهي
انس:: ونا واحد منهم
نا:: شنوووو بتمشي وتسيبني يعني
انس:: وطي صوتك تو تسمعك امي
نا:: عيوني تعبن دموع باهي ها قولي بتمشي وتسيبني بروحي
انس:: انا جاي ناخذ ف رايك
عمتي:: طلعت علينا امتا جيت انت
انس:: توا جيت
عمتي:: باهي اطلع ولاامشي لحوشك بيجن الجارات توا
انس:: باهي باه
عمتي:: وين رتاج
نا:: فوق تغير لعيالها
عمتي:: باهي بيش تخشي حتي انتي
نا:: حاظر
انس:: خشي تو بعدين نحكو
نا:: خشيت ونا ساكته وعقلي يجيب ويشيل وتنكدت مشعارف ليش
عمتي:: مهيوه بالله افتحي الباب شكلهن جن
نا :: حاظر هي
وطلعت فتحت الباب ونفتح ونلقا قدامي مرا كبيرة ومعاها بنت وااصدمة ان كانت البنت ( سحوان ) اذكرتنها امتاع الصيدليه قعدت نبحت فيها والشراره تطلع من عيوني
المرا:: مرات انس صاح
نا:: اهاا تفضلي ياخالتي آنسينا
نوران:: الله يانسك
نا:: تفضلوا عمتي جوا قاعده
المرا:: خشت وخشت وراها سحوان
نا:: خشيت وراهن ونا انتمتم البارده هذ شن تبي جاية
رتاج:: بست مهيوه
نا:: رفعت راسي نعم ياعيوني
رتاج:: مع من تحكي
نا:: هههه بروحي كنك شن تبي
رتاج:: من الي جا
نا:: مرا وبنتها شكلهن م الجارات
رتاج:: اهاا ياهي كويس شكلي
نا:: تهبلي هياا خشي
رتاج:: هياا
.
.
.
.
.
.
وخشينا وسلمت عليهن رتاج
.
.
عمتي:: وهذي مهاا مرات انس
ام نوران :: اهاا قالتها لياا ماشالله عليها
عمتي:: هذي نوران بنت عيت فلان
نا:: اهلاً وسهلاً
عمتي:: امتا عرسك
نا:: عيوني قعدن قلوب. وقلت ف عقلي يعني مخطوبة باهي الحمدلله
نوران:: نزلت راسها
ام نوران :: فسخت خطبتها مافيش نصيب متفاهموش
عمتي:: صااح باهي ربي يعوضك خير منه ان شاء الله
نا:: وقتها جاني احباط مش عادي فاطنين لتوم ( توم وجيري) بعد يحبط يقعد يحس ف حد يخبط فيه بقادومه علي راسه ايوووه هضاا كان شعوري وقتها
نوران:: ان شاء الله
رتاج:: صبت ومشت للمطبخ
نا:: مقمعزة ومش بالعتها بككل
نوران:: تبحت فياا بطريقة كيف وجهها تقول ضرتها
ام نوران:: عرفتيها كريمه الي ف نهاية الشارع
عمتي:: هذي الي جوزت ولدها الفترة الي فاتت
ام نوران:: ايووه هذي هياا ماشالله كنتها حامل توا وبحتت فياا
عمتي:: ماشالله حتي مهاا حامل
نوران:: دغري بحتت فيا وقعدت تفنص
ام نوران:: باهي ماشالله ربي ينوضك بالسلامة
نا:: الله يسلمك
ام نوران :: هاا رد بالك تزعلي انس وليدي هضا
نا:: ابتسمت فوق م النفس
عمتي:: لا ماشالله عليهاا من يوم ماجتنا وانس ضحكته ماتفارق وجه بنت اوصول
نا:: استغربت من كلام عمتي لان قبل مانحمل كان كلامها يقطر سم بس ف نفس الوقت عجبني
رتاج:: مدتلهم السفرة تفضلي
ام نوران:: عليش متعبة روحك
رتاج:: مافيش تعب يابتي واجب هضا
عمتي:: وين عيالك
رتاج:: جا سليم خذاهم معاه وقمعزت جنبي
نوران:: برمت علينا دروحها بتهدرز من شن متخرجة يامها
نا:: دكتورة اسنان
نوران:: ماشالله
نا:: انتي تشتغلي ف صيدلية صاح
نوران:: اهاا انس يومتها كان عندي وخذا فيتامينات وحاجات اخرا شكلهن لكي
نا:: اهاا كنت معاه وقتها وقالي انزلي قتله منحبش نخش صيدليات
رتاج:: ماسكة ضحكتها لان حستني نحكي بغل
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Любовные романыرواية ليبية شرقاوية مميزة بقلم الكاتبة Bent_benghazi
