الحلقـة الثالثة والأربعون
اشرف:: متزعلش روحك حتلقى خير منها
معاذ:: مانبيش خير منهاا نبيها هياا
اشرف:: الدنيا هكي قسمة ونصيب ومتقدرش تاخذ منه بنته بالغصب
معاذ:: بس نحبهااا ياااشرف عاارف انت شن معنى معاذ يحب
اشرف:: فاهم عليك والله بس شن ف يدك ادير
كنا مقمعزين انا وخواتي كلنا ورن الجرس وصبت سجى تجري عشان تفتح وفتحت الباب وخش وراها منذر ومعاه هبة وتمشي بالعكازات ( اهاا تمشي بس بالشويه بالشويه ) وخشت سجى تجري علينا ف الدار
سجى:: فرحانه عموو جاا عموو جاا
سارة:: عمو من
سجى:: عمو منذر
ماما:: منذر!!!
نا:: هيييي امتا جا ونا مازال ماكملت كلمتي كان منذر مصبي. قدام الباب
ماما:: صبت بسرعه وحضناته وقعدت تبكي الحمدلله علي سلامتك هضاا وين تهنيت. الحمدلله يااربي
منذر:: الله يسلمك يانونو بالشويه بس خنقتيني
منى:: صبت حضناته
ماما:: تسلم علي هبة ومنصدمة الحمدلله علي سلامتك
هبة:: الله يسلمك
نا:: نبحت فيهم ونبكي فرحانه عشان منذر روح وف نفس الوقت فرحانه لهبة
مريم:: صبت بسرعه وحضناته لعند قريب طاح
منذر:: هههههه قتلتيني
وصبو عيال خوتي ( فتوحي . توحه .حاتم .وسارة .وسجى .ويوسف .ويحيى ) ويضبطوا فيه ويضحكوا لان منذر غالي عليه للاطفال وديما يلعب فيهم
نا:: حطيت ماري ع الفراش ومسكت ف يد مريم وصبيت وجا منذر شوري ويضحك حضنته وقعدت نبكي بعبرتي كان منذر بالنسبة لياا غير عن خوتي كلهم ومن يوم ماسافر ونا ف حاجة ناقصتني
منذر:: الحمدلله علي سلامتك قعدتي ام اه
نا:: ههههع الله يسلمك وانت قعدت خال للمره الثالثة
منذر:: الحمدلله خلاص عاد بلت بكاء وقعد يمسحلي ف دموعي
نا:: رديت حضنته من جديد ربي جبر بخاطرك وصبت من جديد علي كرعيها
منذر:: قرب من وذني وبصوت واطي ماسمعتش الا انا وبنقعد بات اخراا
نا:: قعدت نضحك ونبكي ف نفس الوقت الحمدلله يااربي
ماما:: خلاص عاد بلا نكد وفكتني منه
نرجس:: مدت يدها الحمدلله ع السلامه
منذر:: الله يسلمك
رؤية:: الحمدلله علي سلامتكم
منذر:: الله يسلمك
نا:: مريم جيبي كرسي لهبة
مريم:: هياا هي
نا:: شنخبارك توا
هبة:: الحمدلله احسن
ماما:: وشن قالو الدكاترة
منذر:: خلاص كم شهر وترد كيف ماكانت واحسن بس قالولها تمشي بيهن عشان ماتتلفش الاعصاب لعند يتحسنن
كلنا:: باهي الحمدلله
مريم:: تعالي قمعزي
هبة:: صحيتي
وقمعزنا كلنا
نا:: كيف عرفت انهم هناا
منذر:: خطمت ع الحوش قبل ولقيت محمد وقالي انهم هناا
ماما:: ليش ماقلت انك مروح
منذر:: قلتها لمعاذ بس حبيت انديرلكم. مفاجئة
ماما:: حضناته احلا مفاجئة ربي يحفظك
منذر:: مؤيد وينه ماشفتش
ماما:: واخذه مراد معاه
مريم:: رايح سامن صاح يابنات
منى:: صااح اهاا
نا:: عادي مش واجد
منذر:: هههههه خلاص باهي عارف روحي سامن
مريم:: حتي هبة سامنة كانت انحف
هبة:: انحرجت وابتسمت
منذر:: بحت فيناا كلنا هبة حامل
ماما:: ماشالله ماشالله الف مبروك ان شاء الله بسلامتك
منى:: مبروك يااخيه
مريم:: لا مش معقوله منذر بيقعد بات
منذر:: وكني ياقرده
مريم:: شي تهبل
كلنا:: هههههههههههههه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Storie d'amoreرواية ليبية شرقاوية مميزة بقلم الكاتبة Bent_benghazi
