الحلقـة الـعــشــرون
نا:: ايواا السلام عليكم
عمتي:: وعليكم السلام. شن اخبارك واخبار راجلك
نا:: بخير الحمدلله شن اخبار عمي والعيال
عمتي:: الحمدلله يسلموا عليك كلهم
نا:: الله يسلمك
عمتي:: قتلك يامهيوه
نا:: نعم
عمتي:: دزيتلك كرت امتاع عرس خليل مع امك غير مانعرفش حوشك كان هضاا جبته لكي لعندك ويااريت تجي
نا:: بارك الله فيك حنحاول ان شاء الله
عمتي:: يااريت والله وخليل حيفرح عارفه كيف غاليه عليه انتي ويعتبر فيكي كيف اخته
نا:: والله هوا بروحه كيف خوتي واعز والله حنحاول ومبروك عليه ان شاء الله
عمتي:: الله يبارك فيك
نا:: سلمي ع الكل
عمتي:: يوصل مع السلامة
نا:: الله يسلمك
وسكرت منهاا وانا متلخبطة ومشعارف شن صارلي وانس لاحظ الشي هضاا وحط يده علي كتفي
انس:: شن صار كنك
نا:: لا ماصار شي عادي
انس:: من هذي الي رنت
نا:: ........
انس:: مهاا نحكي معاكي من الي رنت
نا:: عمتي فتحية تعزم فياا علي عرس ولدها
انس:: باستغراب ومن هذي نعرف ان ماعندكش عمات
نا:: بنحكي بس خايفه من ردة فعله ام ايهم
انس:: انصدم كييف مزلتي متواصله معاها
نا:: وشن فيهاا المرا كويسه وحنونه وعمري ماشفت منها حاجه زعلتني ونعد فيهاا كيف ماما وعيالها كيف خوتي
انس:: تمام وصبا من جنبي وخش للدار وطبق وراه الباب بالقوه لعند انا نطيت
نا:: اووف يااربي هضاا شنوو انا ماصدقت تريحت شويه ليش هكي يسيرلي ليش وين المشكلة لو مزلت متواصله معاهاا حتي الميت ميريحوه خلاص ايهم ماات مزلتو وراه ونزلن دموعي وقعدت نبكي ااااه ياايهم كان تعرف شن صار فياا من بعدك ياريتك مزلت قاعد وياريتني مزلت معاك كان هضاا را تواا شايلة وليدي ونلعب فياا وقعدت نمشي ف يديا علي شعري عطيني الصبر يااربي
.
.
.
.
.
وصبيت خشيت للحمام ( حشاكم) غسلت وجي بميه مجمدة ودموعي ينزلن ونا نغسل وطلعت ولميت الصالة وشلت السفرة وغسلتها وجيت بنخش لدار النوم. ونفتح الباب. ونلقاه مقفول رقيتلي بكل ومشيت لدار المعيشة وسكرت علي روحي الباب بالمفتاح وانعزقت ع الصالون وقعدت نبكي مشعارف ليش قعدت نبكي هل لاني رايفت علي ايهم وحياتي معاه واتصال امه الي فتح علياا جروح كنت انتناسى فيهن او لاني خفت اني نخسر انس بعد ماتعلقت بيه وقعدت نحبه وبكيت لعند نعست ورقدت ونضت علي اذان الفجر نسمع فيه يأذن صبيت مفجوعة لاني من المغرب راقده طلعت توضيت وصليت المغرب والعشاء والفجر وكان الحوش هاادي ومشيت شور الدار وفتحتها انفتحت وكان ايهم راقد ع السرير من غير تيشيرت والمكيف مجمد وبدون غطاء قربت منه وغطيته وكان جسمه مصقع بكل ونقصت المكيف وخشيت معاه ف السرير ورفعت يده وخشيت تحتها وحطيت راسي علي صدره وقعدت نسمع ف دقات قلبه شعور مستحيل نقدر نوصفه وف اللحظة هذكي ناض انس وشافني كيف راقده ابتسم وغمض عيونه و رد رقد وفتحت عيوني ملقيتش انس جنبي صبيت لقيتها الساعة 10 قلت اكيده مشا للمستشفى صبيت خشيت للحمام( حشاكم) غسلت وجي وفرشيت سنوني ودهنت مرطب لوجي وطلعت فتحت روشن الدار ونضمت السرير وفضيت الطفايا امتاع الدخان كانت معبيه بشكل مش طبيعي شكلا كمل الليل وهواا يدخن وطلعت ولعت ع القهوة وبرمت شويه ع الحوش وولعت ع الغسيل ومشيت فطرت وطلعت لحم وحطيته ف اميه وقعدت نبرم من هناا ومن هناا وظلمت الحوش وولعت المكيف وخشيت للمطبخ وبديت ف الغداء لازانيا كان انس غاليه عليه بشكل مش عادي وكفتة لحم وشربه بيضا طبعاً اناا نعشق حاجة اسمهاا مطبخ ولو نقعد م الصبح لليل عادي منملش ومن كثر ماديما فيه. قعدت سريعه بكل وطفيت ع الاكل وبحتت لقيتها الساعة 2 ونص يعني شويه ويجي انس خشيت دوشت ودهنت كريمة لجسمي ووجي ولبست قفطان خفيف لونه احمر دم غزال صادا فوق الركبة وظهره مفتوح سبعه وكله سيور. خاشات ف بعضهن وصدره علي شكل مربع وجففت شعري وحطيته ع الجنب ودرت كحل علي رموشي من تحت وروج احمر خفيف وبلاشر برونزاج وعبيت روحي عطر وضلمت الدار وولعت المكيف وولعت شموع الزينه امتاع العطر وسكرتها وطلعت وسمعت سيارة وقفت بحتت وشفتها سيارة انس مشيت ولعت ع الاكل وصبيت ف الممر وفتح انس الباب وكان شايل شكاير مشيتله وقربت منه وكان اطول مني يعني راسي يوصل لصدره وخذيتهن منه وانس قعد يشم ف ريحتي
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
