الحـلقـة الثالثة والخمسون
ماما:: مرومه كنك
مريم:: لا شي
ماما:: حست انها شويه وحتبكي خذتها ف حضنها تعالي تعالي
مريم:: حضنت ماما ونهدت بكاء
خالتي:: الستر عليش تبكي مش هذا تميم الي كان ماخذيتيه را مشعارف شن صارلك
ماما:: صادقه خالتك
مريم:: تحكي بعبرة حنطلع من هناا دبشي طلع خلاص حنسيبكم منقدرش بلاكي انا
ماما:: هذي سنة الحياة ياماما اهو ماو حتي نا طلعت من حوش هلي ودرتكم انتو تقعدلك مملكتك حياتك الخاصة وحتنسي حوش هلك
مريم:: تمسح ف دموعها لا مش حننساكم
ماما:: غير تقولي ياما قلناها قبلك بس هذي سنة الحياة
خالتي:: لاااا ياماااري لاااا
ماري:: صكتها عيطه وحده ااااااااااه
ماما:: صبت تجري حي علياا حي علياا
ماري:: تعيط معش سكتت
خالتي:: ساهله ساهله مافيش حاجه
ماما:: شورها انفجعت هياا
مريم:: توا ياشينه تكسري وتبكي عشان محد يهزبك يعني
ماما:: حركات امها وهياا صغيره
خالتي:: هههه صاح والله
ماما:: لمي القزاز يامريم را يجرح حد
يزن:: خش يبكي ااااه تيييتااااا
ماما:: نعم حبيبي كنك تبكي تعال
يزن:: سذي دلبتني هياا قول نا بش ولد مامااا
ماما:: هيييييي سججججي يافرخه
سجى:: نعم يااجديده
ماما:: تعالي هناا تعالي
مريم:: تعال حبيبي خلاص ماتبكيش تكذب عليك هياا راه
خالتي:: ريتي مايطلع منهاا
ماما:: شن قايله ليزن انتي اه مش عيب تقولي هكي
سجى:: اصلاً هواا يلعب معانا وانا مانبيش معانا هوا مش ولد
ماما:: اسكتتتتي خلاص ولا كلمة يزن ولد عمتك كيف مايوسف ويحيي عيال عمتك فاهمة ولالا
سجى:: طرمت شواربها قدامها وسكتت
ماما:: يلا يزونه عدي العب معاهم
يزن:: لالا بيث ابيكي انتي
ماما:: تعال باهي تعال
خالتي:: ماري رقدت يامريم راه
مريم:: هاتي تو نحطها جواا وبالمره نلم الحوسه الي دارتها
وصبت مريم حطت ماري ف الدار وغطتها ولمت القزاز وقمعزت معاهم لعند جينا نحنا
لولولولولولولولولولولولولوولولولي
ماما:: ماشالله ماشالله جيتو
نا:: مبرووك ياااحنه شقتتتك تهبببل بككل وقمعزت وقعدت نحول ف الكعب
مريم:: صاح حلوه قصدك
منى:: تي حلوه وبس اهن البنات قدامك اسأليهن وعربك بصراحه ناس راقيه يفهموا ف الاصول يهبلو بكل
نرجس:: خشت لولولولولولولي هذااا وين تهنيتي الشقه الزينه خذيتي
كلنا:: ههههههههههههههههههههههه
مريم: : قعدت تبكي
خالتي:: لا حول ولا قوه الا بالله سادك بكاء يابنت سحنتي روحك
هبة:: خليها ياخالتي خليها بعد يومين تو تشوفي ضحكتها
ماما:: شن شكلها الشقه
نا:: فيها صالون بالحمام اول ماتخشي وبعدها صاله كبيرة والمطبخ بار و3 ديار وحده النوم و2 فاضيات
مريم:: مالا صالوني وين حطيتوه
نا:: ف وحده منهن والتانيه قعدت فاضيه
رؤية:: احسن ان الشقه كلها باركيه يعني وتي روحك للمسح
نا:: ههههههه من توا وتي روحك لان الموبيليا كلها بيضا
مريم:: عارفه اهاا قالها لياا
نرجس:: البلكونه كبيرة بكل وداير فيها زرع كأنها جنان مصغر
خالتي:: ماشالله ماشالله ربي يهنيك يامرومه جاك علي قصاد نيتك
نا:: حولت اشربي وعبايتي ورفعت رجلياا ع الطاولة يانعليااا معش قدرت انتحمل الكعب
هبة:: خذت الدربوكة وبدت اطق عليهاا
نرجس:: حي حااااي حي حااااي ابدن هي هذاااا اليوم تمينته طلبت المولى ولقيته
مريم:: تبحت فيهن وتضحك
منى:: ميمو وين قالووله سمي قاله امرومه عسل ف فمي
هبة:: العببببي ياااااا
نا:: خذيت الاشرب وربطته ف وسطي وصبيت نرقص
منى:: ان شاء الله المولى يعينها ترقص هي وجنينها
نا:: هههههه را يسمعكم انس يعلق مشنقتي
رؤية:: ولعت ياحااااي عليهااا ولعت ويش يطفيهاااا
نرجس:: ولعت ياااحاي يابابا ولعت والناس طرابه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Любовные романыرواية ليبية شرقاوية مميزة بقلم الكاتبة Bent_benghazi
