الحلقـة الثالثة والثلاثون
امها:: مش قادرة اندس عليها اكثر من هكي
بتول:: ياماما وسعي بالك وماتنسيش ان منذر نبه انها متعرفش
امها:: مصيرهاا حتعرف ان انشلت يانعلياا بنيتي مازالت صغيره هياا الي كانت تعاني ف باتك من بيهااا توا من بيهاا وهياا الي تقولي ياماما منحسش بكرعياا ونا نقوللها م الحادث وقريب نموت
بتول:: حنقعدوا نقولولها هكي لعند ربي يفرج بعدين وطي صوتك را تسمعك
هبة:: كانت تسمع فيهم ومنصدمة ودموعها وكأنهن شيشمة تصب واتمنى الي صار يكون حلم بس مش كرعيها لا كل شي الي كرعيها وكان موبايلها جنبها خذاته ورنت علي منذر وهياا تبكي وحالتها حاله
.
.
.
.
منذر:: اهلين حبيبي
هبة:: تبكي بشكل هستيري منذر اناا معش نقدر نمشي من جديد صااج
منذر:: انفجع من قالك الكلام هضاا
هبة:: قعدت تبكي زيادة وشهقات بكاها يشقن القلب قووولي صاح ولا لا قووولي
منذر:: حبيبي اهدي الشي هضاا مؤقت بس
هبة:: سكرت عليه
.
وقعدت تبكي وتخبط بشكل هستيري ومعدلتش علي يدها ولا كراعها المجبسة خشت ف نوبة بكاء
.
.
امها:: جتهاا تجري وقعدت تمسك فيهاا بسم الله كنك ياماما شن صارلك
هبة:: تبحت ف امها وعيونها دموع بنظرة يأس واسى معش حنمشي ياماما خلاص قعدت مشلولة معش حنقدر نمشي لشغلي ولا نشيل لبابا للعلاج معش نقدر نطلع انتمشى حتي لحمام معش حنخش بروحي معش حنعرف اندير حاجة بروحي امها:: خذت بنتها ف حضنها وقلبي بيموت عليهاا متقوليش هكي ياماما انتي كويسه ومش حيسير الي تقولي فيه
بتول:: سمعت البكاء محوتك بيش قدرت تصبي وتسند روحها ع القيلات ( العكازات) وخشت عليهم هييي هيبي كنك تبكي
هبة:: معش في مني فايده خلاص يامامااا قعدت معاقه اناااا خلاص
امها:: متقوليش هكي يامامااا والله حتردي تمشي وحتعالجي
هبة:: من وين قوليلي كان تقروا تعالجوني زا عالجتو بابا ونحنا الي عندنا حطيناه ف السيارة واهي عدت معش تقوللللللي تعااالجي معش تقووولي خلاص انااا معااااقه قعدت خلاص حيااتي انتهت ودفت امهاا اطلعوا خلوني مانبي حد اطلعواااا
امها:: ياماما اهدي
هبة:: اطلعوا قللللت مانسمعوش ولا شنووو اطلعوا
بتول:: بحتت ف امها عشان تطلع
امهاا:: صبت وطلعت وهياا قلبها يتقطع علي بنتها
بتول:: كانت تشوف ف هبة كيف منهارة ومش قادرة ادير شي ومهما قالت ومهما دارت مستحيل في حاجة تهون عليها مصيبتها ف مكانش عندها خيار الا ان تطلع وتسكر الدار علي اختها وتخليها تعاني بروحها
وتمشي تقمعز جنب امهاا الي دمعتها منشفتش
امها:: شن بندير تواا قوليلي شن الحل
بتول:: ماما اهدي الله يربحك هضاا قضاء ربي ولازم اتقبليه ومتعترضيش
امها:: الحمدلله علي كل حال
بتول:: مش تقول الباب يدق
امها:: من الي جاي توا
وصبت وفتحت الباب وكان منذر مصبي ووواضح علي وجه الخوف والقلق
منذر:: كيف حالك ياعمتي
امها:: شن بيكون حالي وبنتي معش حتمشي
منذر:: وينها باهي
امها:: قاعده ف دارها وتعيط وتخبط خايفه يسير فيها شي ونقعد اندم ف روحي مبتش تخليني معاها
منذر:: عادي نخشلها
امها:: تفضل خش
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romansaرواية ليبية شرقاوية مميزة بقلم الكاتبة Bent_benghazi
