الحلقـة الرابعة والثلاثون
منذر:: بعد العيد تقعدي فاكة الجبس
هبة:: وكرعياا اه قوووولي شن انديرلهن شوف حياتك خلاص مع غيري
منذر:: مش حنديروا عرس حفلة بسيطة ف حوشكم وحفلة ف حوشنا للاقارب وخلاص
هبة:: انت ماتفهمش ولا كيف قتلك معش نبيك خلاص متشوفش ف الحالة الي اناا فيها حتي حاجتي مانقدر انديرها متعذبنيش اكثر ماانا متعذبه الله يربحك
منذر:: هيبي كنك انتي يعني ماتبيش تقعدي معاياا ف حوش واحد خلاص كرهتيني تواا
هبة:: ماو لاني نحبك مانبيكش تعاني معاياا شوف حياتك خلاص وانساني
منذر:: بعد يحطوني تحت التراب تو ننساكي
هبة:: منذر لو سمحت
منذر:: انا مش ناخذ ف رايك جاي نعطي فيكي فالعالم بس والعرس حيسير يعني حيسير
هبة:: بالغصب يعني
منذر:: ايووه بالغصب وصبا وين الباسبورت امتاعك
هبة:: شن تبي فيه
منذر:: مش شورك يلا وينه
هبة:: ف الدرج هض بس ساقط ومعش جددته
منذر:: فتح الدرج وخداه وطلع
هبة:: علي قد ماكان ف دموع علي وجهها وغصة ف قلبها بس اصرار منذر عليها حسسها بشي حلو وان مازالت مرغوبه
.
.
.
.
.
امها:: شن صار معاك
منذر:: ان شاء خير عمتي بنقولك حاجة
امها:: تفضل قول ياوليدي
منذر:: نبي نطلع العرس توا بعد العيد
امها:: وجها قعد الوان الوان لان معندهمش امكانيات تواا عشان يطلعوا عرس
منذر:: حس باانها تلخبطت بس مانبيش اندير عرس
امها:: ها مالا
منذر:: بنقرا الفاتحة وندير حفلة بسيطة وخلاص ع الاقل نوفر شويه عشان نعالجها
امها:: فرحت بككل بعد عرفت ان منذر مفكر ف علاجها مش بياخدها هكي وخلاص براحتك ياوليدي الي تريحك ديرها
منذر:: يعني معندكش مشكلة
امها:: من ناحيتي اناا لا بس هبة شن رايها
منذر:: انا حكيتلها وانتي ردي احكي معاها
امها:: خلاص ولا يهمك
وطلع منذر وخشت ام هبة عليها ولقتها سرحانه ودمعتها علي خدها
امها:: قالي منذر يبي العرس توا
هبة:: قعدت تبكي شفتي ياماما شن صار فيااا شفتي مانبيش نعذبه معاياا اناا نحبه بس هواا مايبيش يفهمني اناا خلاص معش في مني فايده
امها:: متقوليش هكي ياماما منذر ولد ناس عشان هكي ماتخلش عليكي بعد الي صار المفروض تفرحي مش تزعلي
هبة:: بس ياماما منذر حيقعد يعاني فياا انا منقدرش اندير شي بروحي وهواا شغله مش ساهل يعني ديما برا الحوش منقدرش ندمرله حياته
امها:: صدقيني منذر ميفكرش زي ماانتي تفكري هكي وهوا يبيكي ومش هامه حالتك
هبة:: بس
امها:: بدون بس ياماما وديري زي ماقتلك وتمسكي بخطيبك لان لو واحد غيره كان سيبك
هبة:: ماو هذي هيااا هوا ليش يخرب ف حيااته عشاني
امها:: هواا عارف روحه شن قاعد يدير وان شاء الله عرسك حيكون بعد العيد
هبة:: سكتت وقعدت تفكر ف كلام امهاا
ومرن الايام عادي هلي يوتو لعرس منذر ومنذر جدد جواز هبة وكمل الشقة امتاعه وقعد يدير ف ابحاث علي حالتها ويشوف ف دكاترة ف مصر عشانهاا
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Roman d'amourرواية ليبية شرقاوية مميزة بقلم الكاتبة Bent_benghazi
