الحلقـة الثامنة والعشرون
مريم:: نسيتيه ايهم
نا:: شن خطره عليكي توا
مريم:: جاوبيني
نا:: غيري الموضوع الله يربحك
انس:: وقتها كان دوبه خاش للحوش وجاي شور المطبخ ونحنا محسينش بيه
مريم :: جاوبيني والله خاطري نعرف
نا:: نكذب عليكي لو قلت نسيته ف يوم م الايام كان زوجي وكنت نحبه
انس:: وقتها كررره روحه والدنيا باللي فيها ومشا خش للدار وقعد يدخن
مريم:: باهي
نا:: بس انس عوضني علي كل حاجه ف حياتي ومش مستعدة ف يوم اني نخسره
مريم:: حبيتيه
نا:: فوق ماتصوري نمشي نرن علبه نشوفه كنه تأخر
مريم:: اوك
وطلعت وشفت شكاير قدام المطبخ قلت شكله جا مشيت لدار النوم وخشيت لقيته مصبي ع الروشن ويدخن
نا:: افييييي امتا جيت وبعدين مش قتلك منتحملش ريحته
انس:: اطلعي محد قالك اقعدي
نا:: استغربت ف الرد امتاعه وقربت منه كنك شن في
انس:: مافي شي خطيني بس
نا:: شنو مافي شي شفت روحك ف المرايا ولالا وعاقد حواجبك صايره معاك مشكلة
انس:: مهاااا ماتخلينيش نعلي صوتي مافي شي قتلك اطلعي وخطيني كذا
نا:: مابيتش نكثر عليه طالعه غير دبشك وتعال الغداء واتي
انس:: .........
وطلعت ونا مستغربه ف ردة فعله بس مابيتش اندقق واجد وخشيت علي مريم لقيتها تحط ف الغداء
مريم:: ها وينه
نا:: جا قاعد ف الدار
مريم:: صاح محسيتش ييه
نا:: ولا اناا
مريم:: اهو حطيته الوكال نبي انرن علي معاذ يجيني
نا:: عينك شنو اقعدي معاياا
مريم:: تي طلعت بلا حتي مانقول لتميم
نا:: وين المشكلة جايه لاختك انتي
مريم:: عارفه بس مانييش اندير مشكلة
نا:: تغدي باهي ع الاقل وبعدها انس وهوا طالع للعيادة يحطك
مريم:: باهي نشيل ع الطاولة
نا:: اهاا شيلي
وحطيت الاكل انا ومريم ع الطاولة وشويه هكي وطلع انس وفمعز
انس:: شن اخبارك يامريم
مريم:: الحمدلله انت شن داير
انس:: الحمدلله نورتي الحوش
مريم:: منور باصحابه
انس:: تسلمي
نا:: خذيت صحنه وحطيتله وبدا ياكل وهوا وساكت
وتغدينا وانس طول الوقت يهدرز هواا ومريم ونا مش معبرني بككل للحظة شكيت ان يكون سمع كلامي انا ومريم بس بعدها قلت لا كان سمعه را عادي لان مقلتش حاجة غلط بس مكنش خاطر ف بالي ان سمع نص كلامي مش كله وخش رقد ونا مريم لمينا المواعين وقعدنا نهدرزو لعند اذن العصر
نا:: نمشي نواعي انس
مريم:: نلبس معناها انا
نا:: والله كان تقعدي معاياا
مريم:: والله مانقدر مره اخرا نكون معاطيته العلم نقعد
نا:: براحتك وخشيت للدار وكانت مجمدة طفيت المكيف وجيت ع السرير حبيبي العصر اذن نوض
انس:: مممممم
نا:: حطيت يدي علي لحيته انوسي هياا نوض
انس:: فتح عيونه وحول يدي الساعه كم
نا:: اذن العصر هياا
انس:: وتيلي دبشي باهي بنخش ندوش
نا:: حاظر
انس:: وديريلي قهوة ف الحافظة نبي نشيلها معايا
نا:: حاظر
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
