الحلقـة الخامسة والعشرون
ونضت الصبح ملقيتش جنبي استغربت لان ديما ينوض فياا بعد بيمشي للشغل و صبيت غسلت وجي وفرشيت سنوني وصليت الصبح ومشيت فطرت وطبعاً راسي احياناً كان يوجع فياا وشويه هكي وخش انس مشيتله
نا:: وين كنت
انس:: كنت نجيب ف التحاليل
نا:: باهي كنه وجك هكي كويسات التحاليل صاح
انس:: قرب مني وحضني ووجه متغير
نا:: حبيبي شن في متخوفنيش فيه مشاكل
انس:: وخر ومسكلي وجي بين يديه خلاص من اليوم انسي الراحة والشغل حتسيبيه
نا:: بحتت فيه ومنصدمة شن قصدك
انس:: مانبيش وليدي يتعب
نا:: عيوني تعبن دموع قصدك انا حامل
انس:: هههه اهااا حامل وحتقعدي احسن ام
نا:: وقتها متصورويش الفرحة الي حسيت بيهااا وكأني ملكت الدنيا وحضنته بالقوووة وقعدت نبكي ( ممكن لاني حسيت بالشعور هضا من قبل وتعبت وعانيت وف النهاية خسرته كنت فرحانه لان انس فرحان)
انس:: ههههه عليش تبكي تواا
نا:: رفعت وجي وبحتت فيه نحبك وحق ربي
انس:: باسني علي راسي وحضني ربي يحفظك
نا:: باهي قولي عليش كنت زعلان مني
انس:: وخرني لا اله الا الله ضروري م النكد يعني تحبي النكد انتي
نا:: لا خلاص سكتت هاه
انس:: نا ماشي للعمل تبي حاجة
نا:: سلامتك
انس:: ردي بالك من روحك وماديريش غداء تو نجيب معايا
نا:: باه
وطلع انس ونا خشيت للدار ونا مش سايعتني الفرحة وخذيت فوني ورنيت علي مني
.
.
.
.
منى:: ايواا
نا:: منيوه باركيلي باركيلي
منى:: علي شنو شن في
نا:: اناا حامل
منى:: ههههه كذبه
نا:: والله الله توا انس جاب التحاليل
منى:: ياخيه مبروووك والله فرحتلك مش قتلك متستعجليش
نا:: مش مصدقة وحق ربي واخيراً
منى:: وانس شن دار
نا:: فرحان بككل ونا فرحت اخراا بعد شفت الفرحة ف عيونه
منى:: باهي الحمدلله يااربي شن رايك تجي لماما اليوم
نا:: مشعارف بلكي تخليها بكرا خير
منى:: باهي عادي براحتك المهم ماتعبيش روحك وتابعي عند دكتورة كويسه
نا:: مازال مامشيتش اصلاً
منى:: اهاا باهي اسمعي خالد جا بعدين انكلمك
نا:: اوك سلمي عليه وع العيال
منى:: يوصل سلام
نا:: مع السلامة
وصبيت ونا فرحانه وقعدت انضم ف الحوش شويه شويه لان راسي كان يوجع فياا وكملت وصليت الظهر وقمعزت ع التي في وشويه وخش انس ومشيتله وكان جايب معاه الغداء وحط هن ع الطاولة امتاع الصالة
نا:: شن جبت
انس:: حوت
نا:: نجيب التباسي لبين ماغيرت دبشك وصليت
انس:: قمعزي هناا مصلي ف الجامع ونا تو نمشي نجيبهن
نا:: ابتسمت وقمعزت
انس:: خش جاب تباسي وكبابي وجا قمعز جنبي وبدينا ناكلوا
نا:: عندك عيادة اليوم
انس:: اهاا علي سيرة العيادة حجزتلك عند دكتورة معاياا بعدين
نا:: ليش
انس:: بيش اتابع حالتك كيف ليش
نا:: اه
انس:: الحمدلله انا بنرقد نوضيني ع العصر ووتي روحك بيش نمشو
نا:: حاضر
وصبا انس غير دبشه وخش رقد ونا لميت المواعين ودرت المطبخ وخذيت دبشي ودبش انس وقعدت انحدد فيه ووتيتله سروال ازرق كحلي وقميص نبيتي ونا وتيت جينز وبلوزة خفيفه طويله بيضا لعند الركبة وطرف نبيتي خفيف واشرب ابيض بالاسود وفيه ورد صغير نبيتي وشنطة وكندرة سود وخشيت دوشت ونا نغسل ف راسي حسيته وجعني بككل وقعد يسطر فياا لبست روب الحمام وجيت نبي انشف شعري طلع دم ف المنشف وكان الجرح يوجع فياا بكل وقعد ينزف ومن الالم قعدت نبكي ومشيت لانس ف الدار لقيته مازال راقد جيت قمعزت جنبه ونا نبكي وحطيت يدي علي كتفه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
