الـحـلـقـة الــخــمسـون
انس:: قمعزني ع السرير خلاص ياروحي
نا:: عادي حبيبي ماتخفش
انس:: الباب يدق
نا:: تو نمشي نشوف
ومشيت بالشويه ونعرج و فتحت الباب ونلقا قدامي عمتي وف يدها يزن ومعاها رتاج
عمتي:: باين الخوف علي وجهها. يانعليااا شن صايرلكم الحمدلله علي سلامتكم
نا:: الله يسلمك تفضلو
رتاج:: الحمدلله علي سلامتكم شن اخبارك توا
نا:: الحمدلله احسن
عمتي:: انس وينه كويس هواا
نا:: متخافيش كويس قاعد ف الدار
رتاج:: مسكتني من يدي لان حستني مش قادرة انتوازن
نا:: خشي ياعميمه تو نكلمه لكي
عمتي:: خشت وقمعزت ف الصالة ومعاها رتاج ويزن يبحت فينا وساكت
نا:: مشيت بالشويه بالشويه ونعرج لعند وصلت للدار لقيت انس بيصبي
انس:: صوت امي هذي
نا:: قربت منه ومسكته من يده وساعدته يصبي خايفه عليك بكل
انس:: خليني تو نمشي انتي بروحك مش قادرة تمشي كويس
نا:: عادي تساعدني ونساعدك
انس:: هههههه وحط يده علي كتفي ولفني شوره
نا:: حكيت يد ورا ظهره ويدي التانيه ماسكة بيها يده اللي حاطها علي كتفي بالشويه عشان جنبك
انس:: اهوو نمشي بالشويه حتي نا
.
.
.
.
.
وطلعنا من الدار ودوب مانمشو لعند وصلنا فيهم ويزن من اول ماشاف انس وجه ضحك وقعد بينزل من حضن رتاج وساعدت انس لعند قمعز جنب امه وعمتي حضناته وقعدت تبكي
انس:: خلاص ياامي اهوو قاعد مافياا شي
عمتي:: يانعليااا كان صارتلك حاجه را متت وراك منقدرش نفقدك انت وخوك اللي قعدتولي بعد عين باتك
انس:: بعيد السو علياا عليش تفاولي
رتاج:: الحمدلله علي سلامتكم
انس:: الله يسلمك
نا:: قمعزت ومتريحتش لان الصالون كان عالي ورقبتي مش متريحه لاني لابسه ربطة الرقبة
انس:: بحت فياا وشافني حايسه حطس وراكي مخدة
رتاج:: خدت مخده قدمي تو نحطلك هذ
يزن:: بعد رتاج قعدت تساعد فياا نزل يجري من حضنها وعدا لانس ومسك ف كراعه من تحت باااباا
انس:: نعم يابابا نعم وطبس عليه ورفعه
نا:: افطن لجنبك
انس:: بحت فياا وابتسم
نا:: عميمه تشربي قهوة ولا نسكافي
عمتي:: لا مانبي شي تريحي
نا:: لا عاد ماتجيش
رتاج:: خليكي تو اندير اناا
نا:: تو نجي معاكي
رتاج:: خليكي قلت
نا:: ههههه حاضر
ومشت رتاج ودارت نسكافي وحطت كيكة وجابتهن وكلينا وشويه وروحن عشان يديرن الغداء بعد توفاية عمي رتاج وسليم قعدوا يتغدوا لوطا مع عمتي ويزن قعد يعيط مايبيش يسيب باته ف خلاه انس معاه وقعدوا ف الصالة وانس يتفرج ع التي في ويزن يلعب تالاه ونا برمت شويه ع الحوش صح يدي وكراعي منقدرش نحركهن واجد بس منحبش نقمعز
نا:: حبيبي شن نبي غداء
انس:: تعالي قمعزي سادك من امبدري وانتي تبرمي
نا:: عادي مش مضايقه
انس:: اهاا بيش قعدتي تبكي بعدين من الوجع ونا منعرفش شن انديرلك
نا:: ههههه لا مش حنبكي
انس:: قتلك قمعزي اصلاً اتصل منذر تواا وقال جاي هواا وهلك وجايبين معاهم غداء
نا:: قمعزت جنبه هواا ومن جاي
انس:: مراته وامك ومؤيد ومريم وقال حيلحقوهم الباقي
نا:: اهاا وماري
انس:: هههه جايه حتي هياا اصلاً كان سيبوها مش حيخشو
نا:: ههههههه
يزن:: كان يلعب وسحب المفرش الي ع الطاولة وفازات الكرستال يجن متسكرات ع الارض
انس:: تي شن رررررت كويس هكي تواا كويس
يزن:: خاف من انس وقعد يبكي وجاني وارتمى ف حضني
نا:: حسيت شعور غريب بس ف نفس الوقت وجعني وكان منظرة يسخف خذيته ف حضني وحط راسه علي صدري وقعد يبكي
خلاص حبيبي متخافش بابا يبصر بس
انس:: خليه متسكتيش
نا:: عيل صغير كنك معاه انت
انس:: كويس تواا اللي داره هضاا
نا:: مش شورك انت تو نلمه اناا
يزن:: خاش فياا ويبكي
نا:: خلاص حبيبي ماتبكيش متعدلش عليه بابا شين
انس:: انتي من توا بتخربيه
نا:: خلاص باهي
.
.
وصبيت ومسكته بيدي اللي ماتوجعش فياا ولان ثقل ضغطت علي كراعي وحسيتها ووجي انسود بس سكتت ومشيت ونحاول مانعفسش ع السمسيم بس كان منتشر
.
.
.
نا:: اااااي
انس:: كان متكي جا مقمعز مهاا كنك
نا:: حسيتها بكل وقمعزت ع الصالون وكانت كراعي ادير ف دم
انس:: جا قرب مني وطبس علياا ونزل وبحت لقا ثلاث سمسيمات كبار خاشات ف كراعي من تحت وقعد يسحب فيهن
نا:: قعدت نبكي ااااي ياانس واعره
انس:: شويه بس قريب يطلعن
يزن:: حضني وخايف لاني قعدت نبكي
نا:: خلاص حبيبي متخافش
انس:: حولهن لياا وصبا تعالي نغسلهن لكي
نا:: ويزن
انس:: هاتيه وجا بياخذه مني قعد يعيط
نا:: خليه خلاص
.
وف لحظتها دق الباب
.
انس:: اكيده هلك جو
نا:: افتح باهي
انس:: حاضر هي
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romansaرواية ليبية شرقاوية مميزة بقلم الكاتبة Bent_benghazi
