الـحلقة الـسـابـعـة
وطلعت من الدار ولقيت عمتي صالحة. جارتنا مع ماما ف الصالة سلمت عليهاا ومشيت درت قهوة ومقروض وميه وشلت السفرة ودوب طلعت م المطبخ مزلت ف الممر وماشيه شور الصالة ونسمع ف عمتي صالحة تقول
صالحة:: والله ياناديا ولد خوياا ماشالله عليه وامه كلفتني اندورله وانا دغري خطرت ف بالي مهيوه
ماما:: والله مادام ماطرفك ف اكيده ماعندي مانقول فيه لكن الدوه فيهاا هياا لو توافق ولالا
نا:: من الصدمة لعند طاحت مني السفرة وانكبت القهوة علي كرعياا وقعدت نبكي بس مكنتش نبكي لان حرقتني كنت نبكي لان شفت ايهم قدامي ودموعي قعدن خط وااحد ومعش وقفن
ماما:: جتني تجري بعد سمعت الصوت كنك بسم الله
صالحة:: جت ورا ماما ساهله ساهله تاخذ سوك
ماما:: كنك تبكي حرقاتك ردي علياا
نا:: ساكته ونبكي هه نست اصلاً اني مش قادرة نحكي
صالحة:: قعدت تلم ف السمسيم ( المرش) وشالاته للمطبخ وجابت اسفنجنة وقعدت تمسح ف القهوة
ماما:: شالتني للحمام وغسلتلي اثر القهوة وحطت عليها مرهم
نا:: نبكي وتخطر ف بالي كل حاجة عشتها مع ايهم معقوله انا ناخذ واحد بعد حبيبي معقوله واعره ياناس والله واعره
ماما:: شالتني لداري وخششتني ف السرير وغطتني كنك ياماما تبكي ماتشغلينيش عليك تعذبي فياا هكي مينتك انا حرام عليكي
نا:: حضنت ماما بالقوة ولاول مره نحضنها بالطريقة هذي وكأني كنت نبي نخش فيها ليش تجيبي فياا ع الدنياا ليش . ليش مكتوبلي الشقا ليش فرحتي ديما ناقصة مش كيف باقي الناس والله عمري مااذيت حد ولا زعلته مني ليش ديما انا الي نزعل
ماما:: قعدت مش عارفه شن اديرلي تمسح علي راسي وتقرا ف قرآن
نا:: دموعي حرام كان قالن نجفوا وقعدت نبكي لعند دخت ورقدت
وبعد رقدت غطتني ماما وطفت الضي وطلعت وسكرت الدار ولقت منذر كيف خاش للحوش
منذر:: السلام عليكم
ماما:: وعليكم السلام غريبه مروح بدري
منذر:: سفيان ماسك اليوم روحني بالغصب
ماما:: دار خير والله سفيان
منذر:: كنك باهي انتي في حاجة صايره ولا كيف
ماما:: مهاا
منذر:: كنهاا مهااا
ماما:: امبدري كانت عندي عمتك صالحة وعدت ادير ف قهوة وهيا جاية طيحت السفرة والبنت من وقتها تبكي معش سكتت لعند رقدت
منذر:: كيف هكي بلا اي سبب يعني
ماما:: معش عرفت كنهاا البنت
منذر:: حسبي الله ونعم الوكيل يسير خير خليها براحتها
معاذ:: السلام عليكم
ماما و منذر :: وعليكم السلام
ماما:: وين واخذ وجك انت
معاذ:: كنك ياحويجة ناويه الشر وجا باس علي راسها
ماما:: حول غادي مانبيش وجك
معاذ:: ههههه كيف صار
ماما:: شن قتلك انا امبدري مش وصيتك علي حاجات
معاذ:: خبط علي جبهته والله نسيت توا نمشي نجيبهن لكي
ماما:: لا خلاص معش نبيهن منك
معاذ:: ههههه لا كيف اهو صبيت
منذر:: ممكن ناكل ياحويجه ولا مفيش
ماما:: مرييييم يااامريم
مريم:: نعم ياماما نعم
ماما:: حطي لخوكي وكال
مريم:: باهي شويه وجايه
منذر:: تعالي توا يافرخة جعان
مريم:: غير دبشك قبل انت
منذر:: مش شورك تعالي حطيلي خيرلك
مريم:: اوف منك اوف
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
