الحلقة الثالثة
وبمجرد مابدا يشعشع الضي مع قصاد الساعة 6 صبتني ماما دوشتلي ولبست عبايتي واشربي ولبسوا خوتي وخواتي ومشو شور حوش عيت عمي وكانو يركبوا ف الخيمة ونا مزلت مش مستوعبه شي يعني صاح ايهم عدا وسيبني عليش يركبوا ف الخيمة عليش ونزلت من السيارة انا وخواتي وماما وصبابا خوتي وخوتي قعدوا برا مع سلوفايا الي كانو منهارين وخليل يبكي علي طول رقبته وخشيت وقابلتني عمتي وعيونها حمر ووجها مخبش ووانا من اول ماشفتها انهرت وهيااا قابلتني وخذتني ف حضنها
عمتي:: رزوووووني فيه ومهااا خذوووه مني ياامها ايهم خلاص عدااا وسيبناا خلاانااا عايشين بحسرته مززلت صغييير يااوليدي مزلت مافرحت بعياالك
نا:: صوتي مبحوح ومحوتك نحكي ايهممم مامتش ياعميمه هوا قالي مستحيل نخليكي هوااا قالي منقدرش بلاكي
عمتي:: تملس علي راسي وتحكي وتبكي عداا يجيب فيكي ويقولي مضااايق ياامي يقولي مخنوق وناا نقوله عدي جيب مهاا تو تروح ضحكتك معبيه وجهك مكنتش نعرف هذي اخر مره نشوفه خذوووه مني وهواا ف عز شبابه كيف بنقعد بلاه كيييف من يبي يجي يحضني بعد نعصب ونقعد نهزب من بيضحكني اااااه ياااربي لااعتراض علي حكمك بس وليدي قطعة مني ليش يااربي ليش
نا:: قعدت منهاره ونبكي بأعلي صوتي لان كنت حاسه بكل كلمة كانت تقول فيهاا وكنت محروقه من جوااا اااااه يااربي والله مانقدر انتحمل بعااده عليااا هواا الي صبرني علي فرااق بابا من بيصبرني علي فراقه من والله مزلت صغيرره ع الفقد ياعميمه مزلت مافرحت بيه
عمتي:: اااااه يااربي عدا وهوا عريس حبيبي مازال فرحاان بيكي وكان يخطط ويقولي بنعوضها علي كل الي فااات كان يحلم باياام سمحه صبرني ياااربي عطيني الصبر من عندك عطيني الصبر من عندك يالله
ماما:: قعدت تاخذ فياا من حضن عمتي لان انهارت والعزا كله قعد يبكي من الكلام الي قلناه ومن الموقف
نا:: لييش يااماما ياخذوه مني ليش والله مانقدر بلاه يااربي
ماما:: خذتني ف حضنها وحدي الله ياماما هضا قضاء ربي متعذبيش اكثر من هكي كلما تبكي تزيدي تعذبيه قولي ربي يثبته عند السؤال وادعيله بالجنة
نا:: الله يرحمك ويغفرلك ياحبيبي يااريت فيااا ولا فييك يااريت فيااا ولا فييك
ومن كثر مابكيت جيت طايحه علي طولي ومعش حسيت بشي وقعدن ماما وخواتي يجارن ويجيبن ف العطر يحاولن ينوضني ونضت وقعدت نبكي وماما حاضنتني وتهدي فيااا ومشا الوقت والناس تجي وتعزي فياا ونا ف عالم اخرا مانبيش نصدق اني معش بنشوف ايهم نبي نركب فوق ونلقاه يراجي فياا ويضحك نبي نقوللهم معش تكذبو ايهم عايش والي كان يجي ويعزي كان يبكي من الحالة الي اناا فيهااا والله واااعره نصدقها واااعره قبل كم ساعة كنت نضحك ونهدرز معاه وتوا يقولولي ايهم خلاص انسيه ومشا الوقت وجابو الجثمان ف الحوش عشان نشوفوه انا وعمتي وخششوه للمربوعه وخشو منير وخليل وعمتي وخوتي كلهم وجاني منذر لو نبي نخش نشوفه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romantizmرواية ليبية شرقاوية مميزة بقلم الكاتبة Bent_benghazi
