الحـلقـة الرابعة والأربعون
سمية:: عليش بنخاف ولد خويا ماشالله عليه مهندس بالفيلا امتاعه وشغله وسيارته ومش كبير مواليد84 يعني ماعندهش سبلة
منصور:: بس مطلق
سمية:: والطلاق عيب ولاحرام بعدين كان صغير وقتها يعني شاب عمره 22 سنة مازال مش قد المسؤولية وهيا ماصبرتش عليه
منصور:: انا مانيش قايللها ولا حاجه انهي خلاص
ملاك:: كانت مخطمة من جنب دار امهاا وباتها وسمعت الدوة كلها وفتحت الباب وخشت
منصور:: انفجع وعرف انها سمعتهم ماتعدليش علي كلام امك لو ماتبيهش ماحد حيغصبك
ملاك:: بس اناا موافقه زياد كويس ومش ناقصة شي
منصور:: يبحت فيهاا ومنصدم ملاك انتي متأكدة
سمية:: فرحت كنك مع البنت اكيده مش حترفض ولد خالها اللي شاريها
منصور:: انتي اسكتي لوكا يابابا فكري كويس هضا زواج مش لعب
ملاك:: بابا مانيش صغيرة اناا ونعرف مصلحتي وطلعت وسيبتهم
سمية:: كنك مع البنت ولا بس عشان ولد خويا
منصور:: خطيني انتي وولد خوكي كذاا الي يهمني بنتي انااا
سمية:: البنت موافقه شن حارق دمك انت
منصور:: لاااااا اله الاااا الله اقعدي فيهااا
هبة :: السلام عليكم
كلنا:: وعليكم السلام
ماما:: منذر خش
هبة:: لا حطني وعدا عنده عمليه
نا:: تعالي قمعزي تريحي
ماما:: ساعديها يامريم
مريم:: صبت وسندتها لعند قمعزت
هبة:: شكراً
نرجس:: ها شنو قالك وضع البيبي
هبة:: الحمدلله تمام
كلنا:: باهي الحمدلله
هبة:: شنخبارك توا يارؤية
رؤية:: الحمدلله احسن
سارة :: خشت تجري عميمه مهاا عميمه مهاا
نا:: نعم ياعميمه
سارة:: عمو انس قاعد برا وقالك هياا
نا:: قوليلا خش
ماما:: بلكي الراجل مستعجل خليه براحته
نا:: امبدري قالي بيخش
نرجس:: كان فاضي را خش
رؤية:: مازال بدري خليكي
نا:: خلاص هضاا هواا وماري صقع عليها اصلاً
رؤية:: اهاا
نا:: الحمدلله علي سلامتك مره اخراا
رؤية:: الله يسلمك
نا:: صبيت وطلعت
مريم:: طلعت ورايا ومدتلي الكبوط امتاعي وتضحك
نا:: شن عندك تضحكي شن تبي
مريم:: ههههه ديما كبستني
نا:: طبعاً يلا قولي
مريم:: الاسبوع الجاي عيد ميلاد تميم ونبي ناخذله هديه
نا:: وباهي
مريم:: نبيك اديري اي حجه ويشيلنا انس نبيش العيال يعرفوا
نا:: وعليش خايفه عادي راجلك
مريم:: مش هكي بس انتي عارفه يديروا قصه من كل حاجه
نا:: خلاص حاضر تو انسق مع انس و نقولك
ماما:: حضنتني. نجك لياا وخلاص
نا:: خنقتيتي والله
مريم:: ههههه
نا:: امشي جيبي ماري لبين مالبست اشربي
مريم:: حاضر
ولبست كبوطي واشربي وجابتلي مريم ماري ولفيتها ع الصقع وطلعت
نا:: تصبحو علي خير
كلهم:: تلاقي الخير
ماما:: ردي بالك من بنتك
نا:: حاضر
وطلعت وركبت ف السيارة ولقيت انس عاقد حواجبه والباين ان متعقد ويطقطق باظافرة ع الستيرسو
نا:: امسك ماري بيش نركب
انس:: برم شوري وخذاها من يدي وهوا ساكت
نا:: ركبت وسكرت الباب وخديتها عندي
انس:: حط المارشه دي ونزل الفرينو ومشا ومقالش ولا كلمة
نا:: استغربت لان بعد حطني ماكان فيه شي كنك
انس:: .....
نا:: حكيت يدي علي كتفي انس تسمع فياا
انس:: برم شوري نعم قلتي حاجه
نا:: ف شن سارح
انس:: لا شي بس عندي مشكلة ف العيادة بس
نا:: اهاا كنك مانزلت سلمت علي ماما
انس:: راح عن بالي والله شخبارها مرات خوكي
نا:: كويسه الحمدلله
انس:: من لقيتي عندهم
نا:: صبايا خوتي كلهن ومنيوه
انس:: اهاا
نا:: حبيبي في حاجه
انس:: مافيش شي مادققيش بس
نا:: براحتك
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
