الحلقة السابعة والأربعون
العيل:: مسك ف رجل انس من لوطا باااباا
نا:: انصدمت وبحتت ف العيل ورفعت وجي ف انس ونلقى وجه يمشي الوان الوان
انس:: طبس عليه وين هلك
العيل:: كان صغير ومايحكيش يادوب كلمات معينه يقولهن وكان عالق علي كلمة بابا وخلاص
نا:: قعدت نبحت في العيل ونبحت ف انس وحسيت ان ف شبه بينهم وقلبي كان قابضني
انس:: طبس ع العيل ورفعه
وجت مرا شورنا وكبيرة شويه ف العمر وجت شورنا
المرا:: معلش اسفه كتير ع الازعاج
انس:: ولدك هضاا
المرا:: لا هيدا حفيدي ابنه لبنتي
انس:: مده لهااا تفضلي ربي يحفظه
المرا:: خذت العيل من انس بس العيل قعد ماسك ف انس ومايبيش يطلقه بااابااا
انس:: تلخبط
نا:: عيوني تعبن دموع ودرت روحي نلعب ف ماري
المرا:: تعاا لعندي حبيبي هيدا مو بابا
ونا متحملتش ودفيت كروسه ماري قدامي ومشيت ونا ماسكة دمعتي ونبي حد يقولي كذبه بس كنت حاسه روحي مقبوضة وحطيت ماري ف السيارة وطبقت الكروسة امتاعها وحطيتها وركبت. وماسكة ماري ف حضني وبعد 10 دقايق جا انس وحط الحاجات ف الشنطة ورد الكروسة للمحل وركب ف السيارة
انس:: كنك طلعتي
نا:: نحكي بدون مانبحت فيه شي
انس:: في حاجة مضايقتك
نا:: نسقم لماري ق دبشها مافي شي
انس:: شبه علياا الوليد شكلي نشبه باته
نا:: اه
انس:: الباين ان سوري
نا:: عليش تحكيلي باهي تواا
انس:: كنك بسم الله
نا:: ماكني شي
انس:: سكت ومقالش ولا كلمة
وقعد انس يسوق وهوا ساكت ونا نفكر ف اللي صار ومقدرتش ننساه لان قلبي قبضني وحسيت ف حاجة غلط بس مقدرتش نسأل خايفه ننصدم معقوله انس يخوني لا انس يحبني ميديرهش يااربي شنوو هضاا اللي طلعلي وقعدت سارحه ونفكر ومحسيتش الا وانس يكلم فيااا
انس:: حبيبي وين سارحه
نا:: نعم ها
انس:: وصلنا من امبدري
نا:: اه باهي هياا
انس:: نجيك ف الليل
نا:: اه باه
ونزلت ولقيت الباب مفتوح خشيت لقيت عيال خوتي يلعبوا ف الجنان
نا:: سجى تعالي
سجى:: نعم ياعميمه
نا:: وين قاعدين
سجى:: كلهم فوق ف شقة عمو منذر
نا:: عميمه هبة فوق
سجى:: اهاا فوق
نا:: باهي خوذي الحاجات من عمو انس قاعد برا انتي وسارة
سجى:: باه ومشت تجري ساااارة تعالي معاياا
وركبت فوق دغري ونا راكبة كانت مريم نازله
مريم:: اهلا
نا:: اهلين وسلمت عليها
مريم:: اززك لياا حبيبتي هاتيها
نا:: هاكيها
مريم:: خذتها كنها السمحه زعلانه
نا:: كانت راقده
مريم:: ياخيه حبيبتي كبرت الشينة
نا:: اكيده بتكبر
مريم:: قعدت تشبهلك وانتي صغيرة بعد بانن ملامحها
نا:: باهي حولي خليني نركب
مريم:: هاه اركبي
و ركبت ومريم ركبت ورايااا وخشيت عليهم وسلمت علي هبة وامها وبتول اختها وقعدت نهدرز معاهم ونا جوي شين بكل وماما حست بياا
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
عاطفيةرواية ليبية شرقاوية مميزة بقلم الكاتبة Bent_benghazi
