الحلقـة الحادية والثلاثون
ونعست ف الصالة ونضت علي صوت موبايلي ولقيته منذر وكانت الساعة 6 الفجر
نا:: ان شاء الله خير ورديت ايواا
منذر:: صوته مخنوق وكأنه يبكي مهااا
نا:: منذر كنك شن في ليش صوتك هكي
منذر:: هببببة يامهااا بتعدي مني حتي هياا
نا:: دموعي قعدن يصبن كيييييف شن تقول انت
منذر:: قعد يحكي وواضح ان يبكي دارت حادث وتواا قاعده ف المستشفى
نا:: اهداا بس وفهمني كيف صار وامتا
منذر:: امبدري رنو. علياا من موبايلها عشان مش قادريين يوصلوا لهلها
نا:: قعدت داسة بكيتي وين قاعد باهي انت
منذر:: قاعد ف الجلاء
نا:: باهي شويه وجايه
منذر:: باه
وسكرت من منذر وقعدت نبكي يااربي احفظهاا ياااربي متحرمش منهااا يااربي وصبيت بسرعه وخشيت علي انس ف الدار وكان راقد قربت منه ونا نبكي مش متخيلة منذر تصيرله نفس المصيبة وحطت يدي علي كتفه
نا:: صوتي مخنوق اننننس
انس:: امممم
نا::نبكي انس نووض
انس:: شن تبي
نا:: قعدت نبكي ونهز فيه تي اننننس نوووض
انس:: فتح عيونه ولقاني نبكي انفجع مهاا كنك شن في
نا:: صبي شيلني للمستشفى
انس:: كنك تحسي في حاجه
نا:: انهرت بكاء وقمعزت ع السرير والكلام محوتك بيش يطلع رن علياا منذر توا وقالي هبة خطيبته دارت حادث
انس:: وجعته وخذاني ف حضنه خلاص بااهي اس بلا بكاء
نا:: خايفه يخسرهااا ياانس خايفه منذر مستحيل يتحمل لو خسرها كيف هبة الاولى خايفه علييه وحق ربي وصوته معجبنيش
انس:: لا متقوليش هكي صبي البسي تو نشيلك هي
نا:: حاظر هي
وصبيت وخشيت غسلت وجي ونحاول مانبكيش وطلعت لبست جينز وبلوزة بيضا وعليها بلوفر اسود واشرب اسود وانس لبس شورت جينز وتيشيرت ابيض ولبس ساعته وخذا فونه وطلعنا ركبنا ف السيارة وطلعها م القراج ومشينا شور المستشفى ونا طول الطريق دموعي ينزلن وخايفه علي منذر وندعي مايسيرلها شي
انس:: معش تبكي خلاص
نا:: خاايفه بنمووت م الخوف
انس:: حط يده علي يدي متخافيش مش حيسير ان شاء الله ادعيلها انتي
نا:: ربي يشفيها
انس:: معش تبكي را انروح بيكي راه
نا:: لا خلاص سكتت هاه
انس:: خليك قويه قدام منذر قويّه مش تضعفيه
نا:: ان شاء الله خير
ووصلنا بسرعه للمستشفى لان الطريق كانت فاضيه وخشيت وشفت منذر مصبي ومنسند ع الساس ومعاذ مقمعز ع الكراسي ومعاهم سفيان صاحب منذر وكان منظر منذر يسخف الحزن ف عيونه ومن اول ماشافني جااني وحضني وخانقته العبرة والدمعة ف عينه
منذر:: بتمشي حتي هياا يامها بتمشي
نا:: لا ان شاء الله هبة قويه صدقني مش حيسير شي
منذر:: قلتلها ماتسوقيش كنت عارف هكي حيسير كنت عارف
نا:: مسكتله وجه منذر خليك قوي سلم خيي وهبة حتنوض ومافيها شي خلي ثقتك ف ربي
انس:: وكل لربك وادعيلها محتاجه للدعاء هياا
منذر :: دمعته نزلت ومسحها دغري
نا:: قمعزت وقمعز منذر جنبي وانس عدا يسلم علي معاذ وسفيان لان كانوا بعاد شويه علينا كيف صار باهي
منذر:: يحكي ودموعه ف عيونه منعرفش حاجة الا ع الفجر رن رقمها رديت ردت علياا مرا وقالتلي صاحبة الرقم دايره حادث
نا:: بروحها كانت
منذر:: هياا وبتول
نا:: باهي وشن صار محد قالك حاجه
منذر:: يحكي بصوت مخنوق ودوب مايحكي بتول مافيها شي كسور بس وتوا راقده وهبة قاعده ف العناية لا الضربة جت ع الجهة امتاعها اكثر
نا:: حطيت يدي علي يدي متخافش عندي احساس ان حتنوض
منذر:: ليش هكي حظي كل الي نحبهم يمشو ليش وخايفين يكون عندها نزيف
نا:: وجعني حاله وقعدت ماسكة البكية متقولش هكي صدقني ربي مستحيل يدير حاجه فيها الشر لنا كله خير هضاا
منذر:: يهز ف كراعه المشكلة قلتلها متسوقيش قلتلها كنت حاس بس هياا متسمعش
نا:: خلاص سلم خيي ادعيلها محتاجه دعاءك هياا
منذر:: حط يديه علي راسه ومطبس ومرافقه علي ركبيه
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romanceرواية ليبية شرقاوية مميزة بقلم الكاتبة Bent_benghazi
