الحلقـة السادسة والعشرون
منى:: لا ياحمار
يحيي:: نبي حويييله اتلقيني نبي حويله
منى:: خويله مريضه بطل
نا:: وجي قعد اسود حسيتها خليه تعال ياخويله تعال
يحيي:: جاني وقمعز ف حضني
نرجس:: مهيوه كويسه انتي
نا:: اهاا مافي شي
رؤية:: واعره صاح
ماما:: بهيم هض
نا:: مافي شي كنكم انتو
وفجأة يخش عليناا معاذ وهوا صوته عااالي ويهزب وكلنا صبينا نجروا نبو نشوفو كنه ونلقوه ماسك مؤيد من وذنه وماسك فتوحي ولد مراد من وذنه التانية وتوحه يبكي قدامهم
ماما:: كنك بسم الله شن في
معاذ:: الفروخ الثلاثة هضووما نلقااهم طالعين برا الحوش كرعيهم نقصهن لهم
نرجس:: كنه شن داير الفرخ هضا
فتوحي:: يبكي وجا بيمشي لامه
معاذ:: ماسكة من وذنه تعال هناا وين ماشي
توحه:: عدا يجري لرؤية وخش ف حضنها
معاذ:: مفتاااح ياافرخ تعال هن
توحه يبكي ويبحت فيه
تعاااال قتلك
توحه:: عدا وصبا قدامه اسف باهي قتلك معش انديرها
نا:: كنهم شن دايرين
معاذ:: الفروخ هضووما ضااربين ولد محمود وفاتحينله راسه والعيل شالوه للمستشفي
ماما:: هيييييي مؤؤيد
نرجس:: انصدمت
رؤية:: سكتت ومعش عرفت شن تقول
( عندنا معاذ ف الحوش كان عصب معناها انسو خلاص والي يحكي معاه كلمة يكسر الحوش فوق راسه عشان هكي مكنش ف وحده تقدر تدوي لا رؤية لا نرجس لاماما )
معاذ:: دف مؤيد جواا خش لدار امي امشي
مؤيد:: معاذ والله معش انديرها
معاااذ:: خششش قتلك
مؤيد:: نزل راسه وخش وهواا يبكي
معااذ:: وانتن كل وحده تاخذ فرخهاا وماتورينيش وجه خير مانقتلهم وطلوع م الشقة مافيش تسمعوا فيااا
نرجس:: خذت فتوحي تعااال ياوجه الكشايف عاجبك هكي وضرباته علي ظهره
ماما:: ماتضربيش ساد الي خذاه
رؤية:: خذت توحه وهياا ساكته وركباته فوق
ماما:: خش وانت ديما طالق لسانك
معاذ:: ياامي ازف كان شفتي العيل منظرة كيف تي وجه كله دم وانتي عارفه هله كيف خايفين عليه تي حصله بعد 12 سنة ويمشو يديروله هكي تخيلي باهي الضربه جت ع رقبته وصارتله حاجة شن نديروا وقتها لكن العتب ع الي يدلع فيهم بس والله من يوم وغادي نربيهم ونعرف شن انديرلهم
نا:: كملت باهي هزايبك
معاذ:: سامحيني ماشفتكش
نا:: لا مش مهم بس الطريقة الي حكيت بيها مع رؤية ونرجس مش حلوه بكل مهما كان هناا اكبر منك
معاذ:: يا را نرفزوني الفروخ ومؤيد كل مره داير حاجة وتوا بيجرلي وراه اللخرين كذا قوليلي كنه حاتم مش زيهم وف حاله
نا:: عيال عادي وديما يسيرن الحاجات هذينا
ماما:: شكله ناسي روحه شن كان يدير زمان يجو عيال لشارع لباتك الله يرحمه ياعمي قول لمعاذ يضرب فينا ماخليت واحد ماضربته
معاذ:: تي انتو كنكم ماتبوش تفهمو اناا عصبت لان الراجل بروحه حا حكالي وقالي شوف حل لخوك وعيال خوتك خير ماانا نضربهم مش اول مره يضربوا العيل
نا:: مهما كان بس مش حلوه ف حقهن سلفهن الصغير يهزب فيهن
معاذ:: تي عليك قصة درتنها عارفهن مايزعلنش نا
منى:: رقع رقع نرجس قاعده وجعتها فوق
معاذ:: وانتي تعالي هناا عيالك وين
منى:: لا ياباتي خطاني اناا وعيالي بعدين عيالي هاديين طالعين لباتهم مش لخالهم
معاذ:: ههههه ريتو الكلبة ريتو
حاتم:: خش يبكي ياعميييمه
قولي ليوسف ضربني
معاذ:: بحت فيها قلتيلي هاديين
كلنا:: هههههههههههه
معاذ:: سوجي تعالي
سجى:: نعم ياعمو
معاذ:: عدي كلمي ماما قوليلها قالك عمو معاذ انزلي
سجى:: حاضر ياعمو
سارة:: وماما ياعمو نقوللها معاذ:: اهاا حتي امك
يحيي:: ينقنق ماماااا ابي مامّه
ماما:: امشي وكلي ولدك
منى:: دوبه واكل غير طروح بس
نا:: سرحت لحظات ومشعارف ليش جا ف بالي كلام البنت يوم عرس خليل وكيف نفرت من انس بس مجرد ماقاطعني مقدرتش نقعد بلاه ولحظتها حسيت روحي ان صح نحبه وابتسمت
مريم:: السلام عليكم
كلنا:: وعليكم السلام
معاذ:: من جابك
مريم:: مراد
ماما:: وينه كنه ماخش
مريم:: قاعد مع محمود جارنا برا
معاذ:: بحت ف امي شفتي هضاا الي نحكي عليه
مريم:: كنكم شن في
نا:: مافي شي تعالي قمعزي
أنت تقرأ
#نقطة_أمل رواية شرقاوية بقلم الكاتبة #Bent_benghaziكاتبة رواية#لعبة_القدر
Romansرواية ليبية شرقاوية مميزة بقلم الكاتبة Bent_benghazi
