Love you 59 seconds (Myanmar translation)

Ch 49: The Sister-in-law Boss

ဝူဟန်ယင်းအိပ်‌မပျော်နိုင်ပေ...

သူအိပ်မရဘဲ အိပ်ယာပေါ်လူးလှိမ့်နေခဲ့တယ်။ သူစိတ်လှုပ်ရှားနေတယ်။ ဒါပေမဲ့ ဘာကိုစိတ်လှုပ်ရှားနေမှန်းလည်းမသိပေ။ အပြင်တွင် အလွန်အေးချမ်းကာ အဆောင်ကအပူပေးစက်ကလည်းအဲ့လောက်မကောင်းပေ။ မည်သို့ပင်ဖြစ်စေ သူလူးလှိမ့်နေတာနဲ့တင် ချွေးစို့နေပြီ...လက်တော့ပ်ကို ပြန်ထားရမှာပျင်းတာကြောင့် ကုတင်ပေါ်မှာပဲရှိသေးကာ တစ်ခါတစ်ခါ သူလှိမ့်တာနဲ့ပြုတ်ကျလုဆဲဆဲပင်။

Love You 59 Secondsသီဆိုခဲ့သော သီချင်းကိုပြန်အမှတ်ရကာ သူ့ကိုယ်သူစောင်နဲ့လွှမ်းခြုံပြီး အသံထွက်ရယ်လေတယ်။ ထိုသီချင်းနဲ့ ထိုလူရဲ့အသံနဲ့ လုံးဝမလိုက်ဖက်ဘူး။

တည်ငြိမ်ပြီး အေးစက်သောဂိမ်းနတ်ဘုရားသဖွယ်ဝူဒေါင်ကြီး ထိုသီချင်းဆိုခဲ့တာကို ပြန်စိတ်ကူးယဉ်ကြည့်မိတော့ ... တကယ်ကိုအသေရယ်ရတယ်။

ဒါပေမဲ့ ဝူဒေါင်ကြီးနားမကပ်ရဲတာမျိုးမဟုတ်ဘဲ ကြက်နာသိမ်မွေ့သည့်ခံစားချက်ကို ခံစားမိသည်။

အိပ်မရသည့် အကျိုးဆက်ကတော့ နောက်နေ့မနက်မထနိုင်တော့တာဖြစ်သည်။ မနက်ပိုင်းအချိန်သည် ၇:၃၀စမှာဖြစ်ကာ အလွန်ဆုံး ၈နာရီထိပေးထားတယ်။ ဝူဟန်ယင်း စောင်ခေါင်းမြီးခြုံ၍ အလန်းနှစ်ခါလုံးပိတ်လိုက်သည်။ သူတကယ်အိပ်ယာမထချင်ဘူး။ သူ့မျက်ခွံတွေလေးလံနေ၍ တွေးနိုင်တာ အတန်းတစ်ချိန်ပျက်လိုက်ရလို့ မနစ်နာဘူးဆိုတာပင်။

အခန်းဖော်သုံးယောက်က သူ့ကိုခေါ်နေမှန်ကြားရသော်လည်း သူမသွားဘူးလို့သာပြန်ဖြေခဲ့တယ်။ ထို့ကြောင့်သူတို့တံခါးပိတ်၍ထွက်သွားကြတယ်။

ဒီနေ့ပရော်ပဆာရှစိတ်အခြေအနေအလွန်ကောင်းနေတယ်။ သူအတန်းကိုအစောကြီးရောက်နှင့်နေကာ စာသင်စင်မြင့်စားပွဲတွင် လက်တော့ပ်ဖွင့်လျက် ထိုင်နေလေသည်။ လက်တော့ပ်နဲ့ဘာလုပ်နေလဲဆိုတာတော့ ဘယ်သူမှမသိပေ။ ဘာပဲဖြစ်ဖြစ် ဒီနေ့သူ့တွင် အလွန်ရှားပါးသော 'နူးညံ့သိမ်မွေ့' သည့်အမူအရာဆင်မြန်းထားကာ အတန်းထဲကမိန်းကလေးတစ်သိုက်ကတော့ မီးတောက်လောင်နေကြတယ်။ သူတို့တွေက "အရမ်းချောတာပဲ...အရမ်းကြည့်ကောင်းတာပဲ ... ကြက်နာတတ်တဲ့seme typeလေးဟ" တို့စသဖြင့်တီးတိုးပြောဆိုကြတယ်။