ဘာအက်ကွဲသံ... ဟမ် ... ဝူဟန်ယင်းတိကျပြတ်သားစွာ မောက်စ်ကိုလှမ်းဆွဲပြီး YYကိုပိတ်လိုက်၏။ ထို့နောက် guild channel တွင် ရှောင်ရှောင်လေးတို့ စနောက်ကျီစယ်ခြင်းကို မဖြေရှင်းချင်၍ ဂိမ်းထဲလည်းမဝင်တော့ပေ။
တစ်နေ့လည်ခင်းလုံး သူဂိမ်းထဲမဝင်ပေ။ တစ်နေ့ခင်းလုံး ရှချန်အဖော်ပြုပေး၍ သူလုံးဝပျင်းတယ် မခံစားရဘူး။ နေ့လည်စာအများကြီးစားလိုက်တော့ ညနေတွင် ထိုမျှလောက်မဆာတော့ပေ။ ထို့ကြောင့် သူတို့မစားဖို့သာ ဆုံးဖြတ်လိုက်ကြသည်။
ဝူဟန်ယင်းရေချိုးပြီး အရွယ်အစားပိုကြီးသော ညအိပ်အင်္ကျီတို့ကို ဝတ်ပြီးနောက် suitဝတ်စုံသုံးစုံကို အိပ်ယာတွင် တင်ထားလိုက်ကာ ရှချန်ကိုဆွဲခေါ်ပြီး မေးတယ် .."မနက်ဖြန် ဘယ်ဟာဝတ်သင့်လဲ?"
ကောင်လေးရဲ့ လေးနက်သောမျက်နှာကို ကြည့်ပြီး ရှချန်အတန်ငယ် ရယ်ချင်သွားပေမယ့် တည်ကြည်စွာ ပြန်ဖြေလိုက်တယ် ..
"မင်းဒီသုံးစုံလုံးစမ်းဝတ်ကြည့်မှ ကိုယ်ဆုံးဖြတ်လို့ရမယ်"
ဝူဟန်ယင်းခေါင်းငြိမ့်ပြီး လဲရန် ရှပ်အင်္ကျီကောက်ယူသည်။ ညအိပ်အင်္ကျီတစ်ဝက်လောက် ချွတ်လိုက်ချိန်တွင် ရုတ်ခြည်းသူရပ်တန့်လိုက်၏။ သူ့နောက်ကျောကို စူးစိုက်ကြည့်နေသော မျက်ဝန်းတစ်စုံကို ခံစားမိတာကြောင့်ပင် ... အခန်းအပူချိန်မလျော့ပေမယ့်လို့ သူ မနေနိုင်စွာ တုန်ယင်နေမိသည်။
"ခင်ဗျား အရင်သွားနှင့်"
ဝူဟန်ယင်းဆွံ့အသွား၏။ ရှချန်သည် ခပ်ရေးရေးပြုံးလျက် တံခါးဘောင်တွင်မှီလိုက်ပြီး သူ့ကိုငေးစိုက်ကြည့်တာကြောင့် သူ့မှာဆက်ချွတ်ရမလား ဒီတိုင်းပဲထားရမလား မဆုံးဖြတ်တတ်တော့ပေ...
"ဘာဖြစ်လို့လဲ?" ရှချန်မျက်နှာက အရောင်မပြောင်းသော်လည်း မျက်မှောင်ကျုံ့နေသည်။ သူ့နှုတ်ခမ်းမှ အပြုံးသည် ပိုမိုထင်ရှားလာ၍ လမ်းလျှောက်လာရင်း "ကိုယ့်ကို ကူညီစေချင်တာလား?"
ဝူဟန်ယင်း ချက်ချင်းလေးနက်လာတယ် ... တစ်ဖက်လူ၏ အသံနေအသံထားသည် ဖြူစင်သောမိန်းကလေးတစ်ယောက်ကို အနိုင်ကျင့်မည့် နှာဘူးနဲ့ အလွန်တူသည်။
"ခင်ဗျား ...ဘာ ဘာလုပ်တာလဲ..."
YOU ARE READING
Love you 59 seconds (Myanmar translation)
RomanceOriginal Author- Yun Guo Shi Fei ⟨⟨云过是非⟩⟩ English translater - Midori & Neko ဝူဟန္ယင္းတစ္ေယာက္ မသိရသည္မွာဘာေၾကာင့္လူအုပ္ႀကီးတစ္အုပ္သူ႔ေနာက္လိုက္လာၿပီး "မရီး" လို႔ေခၚတဲ့အေၾကာင္းရင္း? ရွခ်န္ဘယ္အခ်ိန္တည္းကနည္းနည္းေၾကာင္ေတာင္ေတာင္နဲ႔နာခံတတ္တဲ့ ဝူေဒါင...
