Love you 59 seconds (Myanmar translation)

Ch 53: 'Renyao'

Renyao - ယောက်ျားလေးက မိန်းကလေးဇာတ်ကောင်အဖြစ်ကစားတဲ့သူ။

******

ရှီတန်ကနေပြန်တဲ့အချိန် ကာလမ်းမပိတ်တာကြောင့် မိနစ်သုံးဆယ်သာကြာတယ်။ ရှချန် ဝူဟန်ယင်းရဲ့တိုက်ခန်းဆီပို့ပေးပြီး ဝူဟန်ယင်းကိုအင်တာဗျူးဆီကို လိုက်ပို့ပေးမယ်ဆိုကာ မနက်ဖြန်ကိုးနာရီစောင့်နေမယ်လို့ ပြောခဲ့တယ်။

ဝူဟန်ယင်းခေါင်းငြိမ့်ပြပြီးနောက် ဝတ်စုံထည့်ထားသောအိတ်သုံးအိတ်ကိုယူကာ အပေါ်ထပ်တက်လာတယ်။ အဆောက်အအုံဒုတိယထပ်ရောက်တော့ ဒုတိယထပ်ပြတင်းပေါက်ကနေ အမဲရောင်ကားရှေ့ထွက်ရပ်ထားတာ မြင်နေရသေးတယ်။ မူလက သူ့အတွက်ရှချန်ကိုအဝတ်တွေ မဝယ်စေလိုပေ။ အဲ့လောက်ဈေးမကြီးရင် ပေးသည်ကိုသူလက်ခံနိုင်တယ်။ ဒါပေမဲ့တစ်ထည်ချင်းစီကို အလွန်ဈေးများကာ သူ့ဘဏ်အကောင့်ထဲကငွေတွေနဲ့တောင် တစ်စုံကိုမဝယ်နိုင်ဘူး။ အကယ်၍ နောက်လအနည်းငယ်လောက် အစားလျှော့စားရင်တော့ တဖက်လူကိုပေးရန်ငွေလုံလောက်စွာစုဆောင်းမိလိမ့်မယ်။

သို့ပေမယ့် ရှချန်ဆုံးဖြတ်ပြီးပြီဆိုရင် ငြင်းဖို့ဘယ်လိုနည်းလမ်းမှ ရှာမတွေ့ပေ။ ဝူဟန်ယင်းရွေးချယ်စရာမရှိဘဲ လက်ခံလိုက်ရတယ်။ ပရော်ပဆာရှက တကယ့်ကိုလွမ်းမိုးခြယ်လှယ်နိုင်စွမ်းရှိတယ်။

အိမ်မှာဘယ်သူမှမရှိဘူး။ သူတို့တွေအားလုံးအပြင်သွားတာဖြစ်လောက်တယ်။ တံခါးသော့ဖွင့်ပြီးနောက် သူ့အခန်းသူဝင်သည်။ အရင်ဆုံးအဝတ်သုံးစုံထုတ်ကာ စမ်းဝတ်ကြည့်သည်။ သူတို့အားလုံး သူနဲ့တော်တယ် ... ဒါပေမယ့် နည်းနည်းထူးဆန်းသလိုခံစားရတာ ... အရင်ကတစ်ခါမှ suitမဝတ်ဖူးလို့ဖြစ်လိမ့်မယ်။

စမ်းဝတ်ကြည့်ပြီးနောက် ဝတ်စုံတွေကိုဂရုတစိုက်ချိတ်ပြီး‌သည့်အခါ ကုတင်ပေါ်လှိမ့်ရင်းဖုန်းကိုင်ထားလျက် ပရော်ပဆာရှထံမတ်ဆေ့ခ်ျပို့သင့် မပို့သင့်စဉ်းစားတယ်။ နောက်ဆုံး၌ ... ဝတ်စုံတွေကသူနဲ့တော်တယ်၊ ပြီးတော့ တဖက်လူအိမ်ပြန်ရောက် မရောက်မေးသည့်မ‌တ်ဆေ့ခ်ျပို့လိုက်၏။

မတ်ဆေ့ခ်ျအသစ် 【ပ‌ရော်ပဆာရှ】:

မင်းဝတ်လို့အဆင်ပြေတာကောင်းတယ်။ ကိုယ်အပြင်မှာပဲရှိသေးတယ်။ ညနေခင်းတွေ့ဆုံပွဲရှိလို့ ဘယ်အချိန်အိမ်ပြန်ရောက်မလဲမသေချာဘူး