Love you 59 seconds (Myanmar translation)

Ch 63

ကုမ္ပဏီ၌ပတ်‌လျှောက်လျက် ဝူဟန်ယင်းသည် ငတုံးတစ်ယောက်ကဲ့သို့ ရှချန်နောက်လိုက်လေသည်။ သူစိတ်ဆိုးလား မဆိုးလားကို ရှချန်လည်းမေးခဲ့တယ် ... စိတ်ဆိုးဒေါသဖြစ်တာလား ... အဲ့လိုမဟုတ်ပါဘူး။

တကယ်တမ်းတော့ သူစိတ်ဆိုးဖို့တောင် တွေးဖို့အချိန်မရှိလိုက်ပေ ... သူ့ကို ကြက်သေ‌သေသွားစေခဲ့တာ ... မမျှော်လင့်တဲ့စပရိုက်အကြီးစားကြောင့်ပင် ...

အင်တာဗျူးအချိန်ကို ပြန်စဉ်းစားကြည့်တော့ သူဗျာများခဲ့ရတယ် ... ဖုန်းခေါ်ဆိုမှုကနေ လက်ခံကြောင်းရရှိခဲ့တော့ သူအလွန်ပျော်ရွှင်ဝမ်းသာစွာ ရှချန်ကိုအကုန်ပြောပြခဲ့တယ်။

ရလဒ်ကို တစ်ဖက်လူက သိပြီးသားပဲ ... သူ့ကိုငတုံးလို့ တွေးနေခဲ့မှာ ...

ဘယ်လိုမှ ထူးထူးခြားခြားမရှိဘဲ ... တစ်ဖက်လူက ရုတ်တရက် အရေးပါသောကုမ္ပဏီကြီးကို သူ့နာမည်အောက်ပြောင်းရွှေ့ခဲ့တယ် ... ဒီလိုကောင်းတဲ့အခွင့်အလမ်းကို သူ့ထံအပ်နှင်းခဲ့သည်။

သူ့ကိုပေးခဲ့တဲ့ အခွင့်အရေးကောင်းကို ဝူဟန်ယင်းမလိုချင်လို့တော့ မဟုတ်ပေမယ့် သူကျောင်းတတ်လို့မပြီးသေးဘူး ... ဘာကိုမှလိုချင်သော သီးခြားပြင်းပြတဲ့ဆန္ဒမရှိပေ။ ရုတ်တရက်ဒီလိုကုမ္ပဏီကို သူ့ဆီ အတင်းအကြပ်ပေးခဲ့တော့ သူဘာလုပ်ရမလဲမသိတော့သလို ဘယ်လိုစီမံခန့်ခွဲရမလဲလည်း မသိပေ။

"မစိုးရိမ်ပါနဲ့ ... မင်းမှာကိုယ်ရှိ‌သေးတယ်" သူ့ပခုံးကို ရှချန်ပုတ်လိုက်ပြီး ကားတံခါးဖွင့်ကာ ဝင်စေသည်။

ဝူဟန်ယင်းကားထဲဝင်ပြီး .."ဒါဆိုခင်ဗျားဘဲလုပ်တာပိုကောင်းလိမ့်မယ် ... ကျွန်တော့်အတွက် အလုပ်တစ်ခုပိုထည့်လိုက်သလိုပဲ ... ဒါပေမဲ့ အဲ့တာနဲ့ပတ်သက်ပြီး ဘာတစ်ခုမှမသိဘူး။ ကျွန်တော်မယူတာပိုကောင်းမယ်ထင်တယ်"

"မငြင်းပါနဲ့" သူပြောသံကြားတော့ ရှချန်ခပ်တိုးတိုးရယ်ရင်း .."ဒါက လက်ထပ်‌သဘောတူလက်ဆောင်¹အနေနဲ့ ပေးတာ ... အဲ့ဒါကြောင့် မင်းငြင်းပယ်လိုက်ရင်မကောင်းဘူး"

ဝူဟန်ယင်းစိတ်‌ရှုပ်ထွေးပြီးနောက် အမြန်တုန့်ပြန်လာတယ် "‌ကျိန်းသေ‌ပေါက် ခန်းဝင်ပစ္စည်း²ဖြစ်သင့်တာ!"