Love you 59 seconds (Myanmar translation)

Ch 51: 'Press Down'

ဟလျက်ရှိသောမီးဖိုချောင်မှန်တံခါးကနေ အထဲကိုထင်ထင်ရှားရှားမြင်နေရသည်။ ရှချန် ရှပ်အင်္ကျီနှင့် ဘောင်းဘီရှည်ကို မလဲထားသည်ကိုဝူဟန်ယင်းတွေ့လိုက်ရသည်။ မီးဖိုခန်း၌ ထိုလူသည်ပါဝင်သောအမည်များကို ပြင်ဆင်ပြီးသည်နှင့် ဆီထည့်ထားသောဒယ်အိုးကိုအပူပေးသည်ကို ဝူဟန်ယင်းဆက်ကြည့်သည်။

ဝူဟန်ယင်း‌ေခတ္တသတိလစ်မေ့မြောနေပြီး တဖက်လူကိုကူညီပေးရန်သတိရလိုက်သည်။ မီးဖိုခန်းကသိပ်မကျယ်ပေ...သို့သော်ဧည့်ခန်းထပ်နွေးနေသည်မှာ မီးဖိုဖွင့်ထားလို့ဖြစ်မယ်။ ဝူဟန်ယင်းတစ်ယောက် ပရော်ပဆာရှဝတ်စုံပြည့်ဖြင့် ချက်နေတာကိုမြင်ရတာနဲ့တင် တော်တော်ထူးဆန်းနေပြီ။

တဖက်လူက ပုံမှန်အတိုင်းချက်နေသကဲ့သို့ အလွန်ကျွမ်းဝင်လှသည်။ဒါက ဝူဟန်ယင်းကိုအံ့ဩစေတယ်။ မျက်နှာကြောသေပရော်ပဆာရှက အခုဇွန်းခွက်ကိုင်ထားသောတစ်ဖက်လက်နဲ့ လိုအပ်သည့်ပါဝင်အမည်တွေကို ဒယ်တွင်ထည့်နေသည်။

"ဒီမှာမနေသင့်ဘူး။ မင်းအင်္ကျီတွေအနံ့စွဲသွားလိမ့်မယ်" တဖက်လူကမီးဖိုခန်းထဲဝင်လာတာ မြင်၍ ရှချန်ပြောလိုက်တယ်။
"အပြင်ထွက်ရင် တစ်ခါတည်းဇွန်းနဲ့ပန်းကန်တွေယူသွား"

"အို့...အိုကေ" သူ့အကူအညီမလိုဘူးဆိုတာသိတော့ ဝူဟန်ယင်းလက်ခံလိုက်တယ်။ ဒါ့အပြင် နှစ်ယောက်လုံးအတွက် မီးဖိုချောင်ကကျဉ်းသည်။

နေရာကိုလှည့်ပတ်ကြည့်ရင်း နောက်ဆုံး၌ဇွန်းတွေ ပန်းကန်တွေထည့်ထားသည့် ကြောင်အိမ်ဗီရိုကိုတွေ့သွားသည်။ သူလှည့်ကြည့်သောအခါ ရှချန်တစ်ခုခုကြော်နေကာ သူ့ရဲ့(ရှချန်)အင်္ကျီလက်ကြယ်သီးများကဖြုတ်ထား၍ အင်္ကျီလက်ထိပ်တွေက ညစ်ပတ်သောအိုးနှင့် ထိလုနီးပါးပဲ။

"ပရော်ပဆာရှ ... ခင်ဗျားအင်္ကျီလက်ပေကုန်တော့မယ်" ထင်ထားသည့်အတိုင်း သူပြောနေတုန်းမှာပဲ အဖြူရောင်အင်္ကျီလက်၌ အမဲရောင်အစက်လေး‌ပေနေပြီ။

"ကိုယ့်ကိုကူညီဦး" ရှချန်အင်္ကျီလက်ကိုငုံ့ကြည့်ပြီး ဇွန်းပြားကို တဖက်လက်ဖြင့်ပြောင်းကိုင်ကာ အားလပ်နေသောလက်ကို ဝူဟန်ယင်းအား ဆန့်တန်းပေးသည်။