ဖိနပ်လဲစီးပြီးအိမ်ထဲကိုဝင်လိုက်တာနဲ့ ဧည့်ခန်းထဲမှာကော်ဖီတစ်ခွက်ရှေ့ချပြီး သတင်းထိုင်ကြည့်နေတဲ့မေမေ့ကိုတွေ့လိုက်ရသည်။
မသိချင်ယောင်ဆောင်ပြီး ဧည့်ခန်းကိုဖြတ်သွားဖို့စိတ်ကူးကာ ရိပေါ်ကမျက်နှာကိုခပ်တည်တည်လေးလုပ်ထားမိ၏။
"မင်းအမေ့ကို မောနင်းပါလို့တောင်နှုတ်ဆက်ဖို့ရင်ထဲမရှိတော့ဘူးလား..."
တခုခုပြောလာတော့မယ်လို့သိနေပေမယ့်
နှုတ်ဆက်စကားမဆိုတဲ့ကိစ္စကိုအထူးတလည်နဲ့ပြောလာခဲ့မယ်လို့ ရိပေါ်ကမထင်ခဲ့မိပေ။
"လာပါဦး...ဒီကို၊ မင်းကိုပြောစရာရှိလို့..."
ညကသူအိမ်ပြန်မလာတာကိုမေမေသိနေလောက်မှာဖြစ်ပြီး၊ ကို့ဆီရောက်နေတာကိုလဲသိနေပြီးသားဖြစ်မှာပါ။
ဒါပေမယ့် ခါတိုင်းလိုဆူပူမာန်မဲချင်တဲ့လေသံတွေကင်းစင်နေတာကအံ့သြဖို့ကောင်းနေသည်။
ဘယ်ကပြန်လာတာလဲဆိုတဲ့မေးခွန်းမျိုး၊
အဲဒီကောင်ဆီကိုပဲမင်းသွားနေမှာလားဆိုတဲ့ခနော်ခနဲ့စကားမျိုးကိုပဲကြားရမယ်လို့ထင်ခဲ့တာ။
လက်ရှိအခြေအနေဟာ ခါတိုင်းနဲ့မတူဘဲ ငြိမ်သက်စွာ။
အမေရှေ့မှာခြေစုံရပ်ပြီးမှ ရိပေါ်ကခေါင်းလေးကိုအနည်းငယ်မော့ပစ်သည်။
ပြောစရာရှိတာပြောပါဆိုတဲ့မျက်နှာပေးဖြစ်လာတဲ့သားဖြစ်သူကို ဒေါ်ရွှေသားသေချာကြည့်ပြီးမှတစ်ခွန်းခြင်းပြောလာ၏။
"နောက်လရဲ့အစပထမပတ်မှာမေမေတက်ရမယ့်ညစာစားပွဲတစ်ခုရှိတယ်...
အဲဒါကိုမင်းအစားတက်ပေးဖို့စီစဉ်ထားတယ်..."
"ဘာပွဲလဲ၊ ဒီတစ်လလုံးကျွန်တော့်မှာ ဟောလီးဒေးမရှိတော့ဘူး၊
အနာကြောင့်ရပ်နားထားတဲ့အကြွေးတွေများနေတာကြာပြီ၊ နောက်ပြီးမေမေ့လုပ်ငန်းကိစ္စတွေကိုစိတ်မဝင်စားဘူး..."
"ဟုတ်လား...ဒီနေ့အသံသွင်းဖို့ရှိတာကိုတော့ဖျက်လိုက်ပြီး မင်းအလိုရှိရာကိုတော့လုပ်ခဲ့တယ်နော်...
အဲဒီလိုအထူးအခွင့်အရေးမျိုး မေမေ့ကိုတစ်ခါပဲပေးပါလား..."
သူ့အချိန်ဇယားတွေဖျက်ပြီးကို့ဆီသွားခဲ့တယ်ဆိုတာကိုသွယ်ဝိုက်ပြီး အတည်ပြုလိုက်ခြင်းလို့ ရိပေါ်သိလိုက်သည်။
YOU ARE READING
နောက်ဆုံးမင်းနဲ့ / နောကျဆုံးမငျးနဲ့
Fanfictionစားမယ် ခေါင်းတော့စားမယ် ယာကူဇာဂိုဏ်းအကြောင်းတွေပါမယ် ဒိတ်ဒိတ်ကြဲမင်းသားနှစ်ယောက်ရဲ့ ခိုင်မြဲတဲ့သံယောဇဉ်အကြောင်းလေးတွေပါမယ် ကြည်နူးမယ် ပျော်ရွှင်မယ် ဆုံးရှုံးမယ် လွမ်းဆွေးမယ် နာကျင်မယ် အဝေးဆုံးဝေးကွာကြပြီးမှ နောက်ဆုံးတော့ ပြန်ဆုံမယ် role အရမ်းစွဲပြီး...
