ငရဲဆိုတာ မြေကြီးထဲရောက်တဲ့အချိန်မှမဟုတ်ဘူး...
နေ့စဉ်လူနေမှုဘဝထဲမှာလဲ ရှိတတ်တာပဲ...။
မမြင်ချင်တဲ့မြင်ကွင်းတွေမျိုးမြင်နေရတဲ့ လီယို့အတွက်ကတော့ တကယ့်ငရဲကြီးကိုကြုံနေရသလိုပဲ...။
မင်းမှရောက်မလာခဲ့ရင် ဒီတသက်ပြန်မတွေ့ကြေးဆိုတဲ့ ချိန်းခြောက်မှုနဲ့ပဲလာထိုင်နေရတာ...
လူတကာကပြုံးနေကြသမျှ သူ့တစ်ယောက်ထဲ ပူလောင်ပြီး နာကျင်ခံစားလို့...။
ရှောင်းကျန့်ကမိန်းကလေးဆီတချက်မှမကြည့် သလို၊ ဘေးလူတွေဆီကိုလည်း အကြည့်မရောက်ပေမယ့်....
ရှိသမျှလူတွေအားလုံးရဲ့အကြည့်က ရှောင်းကျန့်တဖြစ်လဲ ယာမာ့ဂုချီကင်းဆီမှာပဲစုပြုံနေတယ်...။
သူ့လက်ချက်နဲ့ပြောင်သလင်းခါသွားတဲ့ မျက်နှာပေါ်ကအမွှေးတွေကိုအခုကျမှနှမျောတသနေမိကာ...
လီယို...ကိုယ့်လက်ကိုကိုယ်ပြန်ချိုးပစ်ချင်စိတ်တွေပေါက်လာတယ်...။
သူသာ လက်ကမြင်းတာမျိုးမလုပ်ခဲ့ဘူးဆိုရင်...
ပေပေတေတေရှောင်းကျန့်က အဲဒီပါးသိုင်းမွှေးတွေကို ဘယ်တော့မှရိတ်သင်မှာမဟုတ်ဘူး...။
ဒီနေ့လည်း ရှည်လျားအုံခဲနေတဲ့ဆံနွယ်တွေကိုလုံးဝညှပ်သင်မထားဘဲ...ဖြစ်သလိုစည်းနှောင်ထားခဲ့ကာ...ကပိုကရိုနဲ့လျောကျလာလိုက်၊ ပြန်သိမ်းတင်နေလိုက်နဲ့...အလုပ်တွေရှုပ်နေတယ်...။
ဒါကိုပဲ ကြည့်ကောင်းကောင်းနဲ့ လီယိုငေးနေခဲ့မိတယ်..။
နုဖတ်ချောမောနေတဲ့ မျက်နှာလေးက စိမ်းမြနေတဲ့ပါးသယ်မွှေးအရိပ်တွေကြောင့် ပိုခန့်ညားနေပြီး...
တပ်ထားတဲ့ ဇီးညိုဖျော့ဖျော့ စာကြည့်မျက်မှန်လေးနဲ့လိုက်ဖက်လွန်းနေတယ်...။
မျက်စိသိပ်မကောင်းတော့ဘူးဆိုတာကို ခဏခဏကြားလာရပြီးနောက်...စာကြည့်မျက်မှန်ကိုနေရာမရွေးတပ်ထားတာကိုမြင်ရတော့တာပဲ...။
အပြင်လူတချို့ကိုလည်း မမှတ်မိအောင်ကာကွယ်ပြီးသားဖြစ်သလို၊ စူးရဲညှို့ငင်တဲ့မျက်ဝန်းတွေကိုလည်း ဖုံးကွယ်ပြီးသားမို့...လီယိုကတော့ သဘောကျမိပါတယ်...။
အဲဒီလိုသာမဟုတ်ရင် ရှေ့တည့်တည့်မှာထိုင်နေတဲ့ ဟာ့နာကိုက အဲဒီညှို့မျက်ဝန်းတွေကြောင့် စိတ်ယိုင်သွားမှာပဲ...။
လီယိုက ကိုယ့်အတွေးနဲ့ကိုယ်ပျာယာခတ်နေပေမယ့်...
ရှောင်းကျန့်ကတော့...အေးဆေးငြိမ်သက်လို့...
တပ်ထားတဲ့မျက်မှန်လေးကို အလည်တည့်တည့်ကနေလက်ညိုးတစ်ချောင်းနဲ့ပင့်တင်ပြီး ယောက္ခမလောင်းဆီကိုလှမ်းကြည့်လိုက်တယ်...။
YOU ARE READING
ေနာက္ဆံုးမင္းနဲ႔ / နောက်ဆုံးမင်းနဲ့
Fanfictionစားမယ္ ေခါင္းေတာ့စားမယ္ ယာကူဇာဂိုဏ္းအေၾကာင္းေတြပါမယ္ ဒိတ္ဒိတ္ႀကဲမင္းသားႏွစ္ေယာက္ရဲ႕ ခိုင္ၿမဲတဲ့သံေယာဇဥ္အေၾကာင္းေလးေတြပါမယ္ ၾကည္ႏူးမယ္ ေပ်ာ္ရႊင္မယ္ ဆံုးရံႈးမယ္ လြမ္းေဆြးမယ္ နာက်င္မယ္ အေဝးဆံုးေဝးကြာၾကၿပီးမွ ေနာက္ဆံုးေတာ့ ျပန္ဆံုမယ္ role အရမ္းစြဲၿပီး...
