မင်းတစ်ယောက်ကိုပဲ အလိုလိုက်မှာ! (MYANMAR TRANSLATION)

(၆၁)

Unicode

သူမကို ကောင်းကောင်း ဂရုစိုက်သင့်တယ်

ဒီကောင်မလေးကို လှည့်စားဖို့က တကယ်မလွယ်ဖူးပဲ။

သူတို့နှစ်ယောက်က တစ်နာရီကျော်လောက်ကစားပြီးချိန်မှာတော့ မုရှောင်ရှောင်း က ပင်ပန်းလာတာကြောင့် ဘေးမှာထိုင်ပြီးပဲ လုရိချန်း ကစားတာကို ကြည့်နေပါတော့တယ်။

ထို့နောက် အကြံတစ်ခုရလာတာနဲ့ ‌အကိုဟွေ့ ရှိနေတဲ့ ကောင်တာ ကိုပြေးသွားပြီး ပြုံးကာ ပြောလိုက်ပါတယ်။

"အကိုဟွေ့! ညီမမှာ မေးစရာလေးတစ်ခုရှိလို့!"

"ဘာများလဲ?"
အကိုဟွေ့ကလည်း ပြုံးကာ ပြန်မေးလိုက်ပါတယ်။

မုရှောင်ရှောင်း က ရှေ့ကိုနည်းနည်းတိုးလိုက်ကာ သူတို့နှစ်ဦးတည်း ကြားလောက်မယ့်အသံနဲ့ ဆွေးနွေးလိုက်ပါတယ်။

ပြီးတာနဲ့ လုရိချန်း ဘေးနားကို ပြန်လာခဲ့ပါတယ်။

လုရိချန်း က သူမကိုကြည့်ပြီး
"ပင်ပန်းနေပြီလား? ဒါမှမဟုတ် ဆက်ကစားချင်သေးလား?"

မုရှောင်ရှောင်း က green tea ခွက်ကို သူ့ကို ကမ်းပေးရင်း ခေါင်းခါပြလိုက်ပါတယ်။
"ဒါကြီးတော့ မကစားချင်တော့ဖူး။ တခြားဟာ ပြောင်းကစားကြမယ်လေ"

"ဘာကစားချင်လို့လဲ?"
သူမ ဘာလုပ်လုပ် လိုက်လျောပေးချင်တဲ့ အသံနဲ့ မေးလိုက်ပါတယ်။

မုရှောင်ရှောင်း ကလည်း ခဏလောက်ရယ်ပြီး ပြောလိုက်ပါတယ်
"အလုပ် လုပ်ကြမယ်လေ!"

လုရိချန်း က သူမကို ‌ဝေခွဲမရဟန် ငေးကြည့်နေပါတယ်။

တကယ်တမ်းကျ သူမတို့ ကစားထားတဲ့ အခကြေးငွေအတွက် ဒီနေရာကို နောက်ထပ် ကစားမယ့်သူတွေ ရောက်လာအောင် ခေါ်ပေးမယ်ဆိုပြီး သူမ က အကိုဟွေ့ ကို သွားတောင်းဆိုခဲ့တာပါ။

လုရိချန်း လို လူတစ်ယောက် စိတ်နဲ့ဆို ဒီကစားတဲ့ bill ကို သူပဲ ရှင်းပေးမှာပါ။
ဒါပေမဲ့ ဒါက တော်တော်လေး ဈေးများတယ်လေ။
တစ်နာရီကို ယွမ် ၂၀၀ လောက်ဆို ၅၀% လျှော့ပေးမယ်ဆိုရင်တောင် ယွမ် ၁၀၀ လောက်ကျမှာပါ။
(Note - ယွမ် ၁၀၀ ကို မြန်မာ ငွေ နှစ်သောင်းကျော်ရှိတာမို့ ပုံမှန်ဈေးနဲ့သာဆို တစ်နာရီကို မြန်မာ ငွေလေးသောင်းလောက် ပေးရမှာပါ။)