Unicode
ကျောင်းပြေးတို့သိမှတ်ဖို့ နည်းလမ်းအသွယ်သွယ်
"အဟမ်း"
လုရိချန်း ရဲ့မျက်နှာက ရဲတက်သွားပြီး အေးစက်သွားတဲ့လေထုကို ချောင်းဟန့်သံတချက်နဲ့ဖြိုခွဲလိုက်ကာ အနောက်ကို ဖြည်းဖြည်းပြန်ဆုတ်လာပါတယ်။
"မင်း အဆင်ပြေရဲ့လား?"
မုရှောင်ရှောင်းက ခေါင်းညိတ်ပြလိုက်ပြီး "အင်း ပြေပါတယ်...အခုဘယ်သွားကြမလဲ?"
"မင်းသွားချင်တဲ့ တနေရာရာမရှိဖူးလား?"
မုရှောင်ရှောင်း က ခဏစဉ်းစားလိုက်ဟန်ပြုလိုက်ပြီး လုရိချန်း ကို စူးစိုက်ကြည့်ကာ အတည်ပေါက်ကြီး ဆက်ပြောပါတယ်။
"အတန်းလစ်ရင် သတိထားရမယ့် စည်းကမ်း နံပါတ်တစ်-
ကျောင်းနဲ့နီးနီးနားနား လျှောက်မသွားရဘူး။ မဟုတ်လို့ ဆရာမတစ်ယောက်ယောက်တွေ့သွားရင် တခါတည်းသေပြီပဲ "
သူမရဲ့ ချစ်စရာဟန်ပန်လေးကိုမြင်တော့ လုရိချန်း တောင် သဘောကျကာပြုံးမိသွားပါတယ်။
"မင်းက တော်တော်အတွေ့အကြုံရင့်နေပုံရတယ် "
"ဘယ်သွားရမလဲ မဆုံးဖြတ်ရသေးခင် အရင်ဆုံးကားဂိတ်ကိုသွားရအောင်"
"ပြီးရောလေ"
မုရှောင်ရှောင်း က ပြောပြီးတာနဲ့ တွေ့တဲ့ဘက်ကို ဆက်လျှောက်သွားပါတယ်။
"ဒီဘက်ကိုသွားရမှာ"
"အော်...အော်!"
သူမ မျက်နှာလေးရဲသွားပြီး သူ့နောက်ကို အမြန်လေးပြေးလိုက်သွားပါတယ်။
ကားဂိတ်က သိပ်မဝေးပဲ အထဲမှာလည်း လူအနည်းအကျဉ်းပဲရှိလို့နေပါတယ်။
မုရှောင်ရှောင်း အတွက်တော့ ဒါက အတွေ့အကြုံအသစ်ဖြစ်နေတာမို့ ကားဂိတ်မှာ ကပ်ထားတဲ့ မှတ်တိုင်ပြစာရွက်ကို လိုက်ဖတ်ကာ ဟိုသည်ကြည့်နေပါတယ်။
"ဘယ်သွားချင်လဲ စဉ်းစားလို့ရပြီလား?"
လုရိချန်း က ထပ်မေးလိုက်ပြန်ပါတယ်။ ဘယ်သွားမယ် ဆိုတာကို သူ စဉ်းစားပြီးသားဖြစ်ပေမဲ့ ရှောင်ရှောင်း ရဲ့ အကြံကိုမေးဖို့မမေ့ပါဖူး။
VOUS LISEZ
မင်းတစ်ယောက်ကိုပဲ အလိုလိုက်မှာ! (MYANMAR TRANSLATION)
Roman d'amourသူတို့က ငယ်သူငယ်ချင်းတွေ... မိဘတွေရဲ့ စီမံမှုအောက်မှာ စေ့စပ်ခဲ့ရတယ်။ အဲဒီနောက် တစ်ခန်းထဲနေပြီး တူတူအိပ်ဖို့ထိ ဖြစ်လာခဲ့တယ်။ အဲ့ဒီည၊ သူမ တော်တော်မူးလာတဲ့အချိန်ပေါ့... သူကသူမကို မက်မက်မောမောနမ်းနေရင်း သူမနိုးလာပြီး သူ့ကိုရန်ရှာတော့တယ်။ ဒါပေမဲ့သူက အပြ...
