Unicode
ဘယ်သူနဲ့မှ အတူမနေဖူးဘူး!
"ပုံးထဲက ဘာမို့လို့ အဲ့လောက်ဖြစ်ပျက်သွားတာတုန်း?"
ရင်းရှောင်ကျဲ ကလည်း သူမပုံစံကြောင့် ခပ်မြူးမြူးလေးရယ်လိုက်ပြီး ပုံးထဲကို သိလိုစိတ်အပြည့်နဲ့ တိုးကြည့်လိုက်ပါတယ်။
ပုံးထဲက ရင်းမာမား ရဲ့အဖိုးတန်လက်ဆောင်လေးများကို တွေ့ပြီး သကာလမှာတော့ သူလှောင်နေခဲ့တဲ့ မုရှောင်ရှောင်း မျက်နှာကြီးအတိုင်း ရှုံ့မဲ့သွားပါတယ်။
မုရှောင်ရှောင်း : ⊙﹏⊙
ရင်းရှောင်ကျဲ : ⊙﹏⊙
နှစ်ယောက်သား အာစေးမိသလို ဆွံ့အနေပြီးမှ တစ်ယောက်ကို တစ်ယောက် တုန်လှုပ်ခြောက်ခြား စွာ လှည့်ကြည့်လိုက်ပါတယ်။
မုရှောင်ရှောင်း က ကုတင်ပေါ်လှဲချလိုက်ကာ ဗိုက်နှိပ်ပြီး လှိမ့်ပိန့်နေအောင် ရယ်ပါတော့တယ်။
"အောင်မလေး! ရင်းမာမား ကတော့ စံတင်လောက်တယ် တကယ့်ကိုပဲ! ငါတို့ကို ဒီလိုလက်ဆောင်မျိုး ပေးမယ်ဆိုတာ စဉ်းစားကြည့်ရုံနဲ့တင် ရယ်ရလို့ သေတော့မယ်! ဟားဟား ဟား! ဒါကြီးက တကယ် အူတက်အောင် ရယ်ရတာပဲ!"
ရင်းရှောင်ကျဲ က ပုံးနားထိ သွားပြီး အထဲမှာ ဘာပါသေးလဲ ကြည့်လိုက်ပေမဲ့ ပုံးအပေါ်ကနေ အောက်ခြေအထိ ကွန်ဒုံးတွေက လွဲရင် ဘာမှ ရှိမနေခဲ့ပါဖူး....
ဒါက ရာနဲ့ချီပြီး ရှိနေမယ်လို့တောင် ထင်ရတယ်...
ရင်းရှောင်ကျဲ ကတော့ ရယ်ရမလား ငိုရမလား မသိတော့ပါဖူး။
"အဲ့လောက်အများကြီး ငါတို့ ဘယ်တော့မှ သုံးလို့ကုန်မလဲ?"
မုရှောင်ရှောင်း က ကုတင်ပေါ်မှာ လှိမ့်ပြီး ရယ်နေရာကနေ ထထိုင်လိုက်ပြီး လက်သီးလက်မောင်းတန်းကာ သူ့ကို စိုက်ကြည့်ပြောနေပြန်ပါတယ်။
"ဘာကို ငါတို့လဲ? ဘယ်သူက ဒါတွေကို နင်နဲ့သုံးမယ်ပြောလို့လဲ နှာဘူးကောင်ရဲ့"
VOCÊ ESTÁ LENDO
မင်းတစ်ယောက်ကိုပဲ အလိုလိုက်မှာ! (MYANMAR TRANSLATION)
Romanceသူတို့က ငယ်သူငယ်ချင်းတွေ... မိဘတွေရဲ့ စီမံမှုအောက်မှာ စေ့စပ်ခဲ့ရတယ်။ အဲဒီနောက် တစ်ခန်းထဲနေပြီး တူတူအိပ်ဖို့ထိ ဖြစ်လာခဲ့တယ်။ အဲ့ဒီည၊ သူမ တော်တော်မူးလာတဲ့အချိန်ပေါ့... သူကသူမကို မက်မက်မောမောနမ်းနေရင်း သူမနိုးလာပြီး သူ့ကိုရန်ရှာတော့တယ်။ ဒါပေမဲ့သူက အပြ...
