Unicode
တစ်ချိန်တုန်းကတော့ အရင်းနှီးဆုံးတွေ ဖြစ်ခဲ့ကြတာပေါ့...
သူမ တို့ပြောနေတဲ့ အကြောင်းအရာကြောင့် လုရိချန်း ကို သတိရသွားပါတယ်။
သူ့ကို နောက်နေ့ကျ သွားရှာသင့်လား?
ဒီလို ပေါ်ပြူလာဖြစ်လွန်းတဲ့ လူမျိုးနားမှာ ခဏခဏအရိပ်အယောင်သွားမပြသရွေ့ လုရိချန်း က သူမကို မေ့သွားလောက်မှာပါ။
ရင်းရှောင်ကျဲ က သူမ အတွေးပင်လယ်ထဲ မြောနေတာကို သတိထားမိသွားပါတယ်။
ဒီကောင်မလေး က သူမ ပြောဖူးတဲ့ ကိုလူချော အကြောင်းကို စိတ်ကူးယဉ်နေမှန်း ခန့်မှန်းမိတော့ အဲ့ဒီလူကို နည်းနည်းလေးတော့ မနာလိုဖြစ်မိသွားပါတယ်။
"အဲ့ဒါဆိုလည်း မင်းပြောတာ ဘယ်သူလည်းလို့ ငါ့ကိုပြောလေ...မဟုတ်ရင် ဒီကျောင်းမှာ ငါ့ထက်ကြည့်ကောင်းတဲ့သူ ရှိသေးတယ်ဆိုတာ မယုံဖူး"
ပြီးတော့ ဒါက သူမ ဒီကိုပြန်ရောက်ပြီး ပထမဆုံးကျောင်းပြန်တက်ရက်လေ...ဒီငတိမလေး အဲ့လိုလူမျိုးနဲ့ ချက်ချင်းတွေ့စရာတော့ မရှိလောက်ပါဖူး!
မုရှောင်ရှောင်း က လှောင်ပြုံးလေးပြုံးလိုက်ပြီး ပြန်ပြောပါတယ်။
"ရှိတယ်ဆိုရင်တောင် နင့်ကို ပြောပြစရာလား! တစ်ခုပဲ ပြောလိုက်မယ်...ဒီကျောင်းမှာ ခန့်ညားတဲ့သူဆိုတာ နင်တစ်ယောက်ပဲ ရှိတာ မဟုတ်ဖူး"
အဲ့ဒီအကြောင်းကိုတော့ ယွီကျဲ က သူမကို ပြောပြထားတာပါ။ တကယ်ကိုပဲ အသိအကျွမ်း များများရှိတာက တကယ်အကျိုးရှိတာပဲ။
"တော်ပြီ တီဗွီမှာလည်း ဘာမှ ကြည့်စရာ မရှိဖူး။ ကိုယ့်ဟာကိုယ်ပဲ သွားအိပ်တော့မယ်...ဟွန့်!"
သ
ောက်လက်စဟာလေးကို ကုန်အောင်သောက်ပြီး အမှိုက်ပုံးထဲ ပစ်ထည့်ကာ ကိုယ်ပေါ်က ဖုန်တွေကို ခါပြီး မတ်တပ်ထရပ်လိုက်ပါတယ်။
"နေဦး!"
သ
ူမ က အထ မှာ ရင်းရှောင်ကျဲ က သူမကိုယ်လေးကို ရုတ်တရက်လှမ်းဆွဲလိုက်တော့ သူမလေးခမျာ ဟန်ချက်မညီတော့ဘဲ ရင်းရှောင်ကျဲ ရင်ခွင်ထဲကို ပြန်ပစ်ကျ လာပါတယ်။
YOU ARE READING
မင်းတစ်ယောက်ကိုပဲ အလိုလိုက်မှာ! (MYANMAR TRANSLATION)
Romanceသူတို့က ငယ်သူငယ်ချင်းတွေ... မိဘတွေရဲ့ စီမံမှုအောက်မှာ စေ့စပ်ခဲ့ရတယ်။ အဲဒီနောက် တစ်ခန်းထဲနေပြီး တူတူအိပ်ဖို့ထိ ဖြစ်လာခဲ့တယ်။ အဲ့ဒီည၊ သူမ တော်တော်မူးလာတဲ့အချိန်ပေါ့... သူကသူမကို မက်မက်မောမောနမ်းနေရင်း သူမနိုးလာပြီး သူ့ကိုရန်ရှာတော့တယ်။ ဒါပေမဲ့သူက အပြ...
