မင်းတစ်ယောက်ကိုပဲ အလိုလိုက်မှာ! (MYANMAR TRANSLATION)

(၈)

Unicode

အမေ့အကြံထဲဆွဲထည့်ခံရ

သူတို့က ငယ်ငယ်တည်းက အတူကြီးပြင်းလာခဲ့တာလေ...
သူ့အိမ်က သူမရဲ့ဒုတိယအိမ်လိုပါပဲ။
ပြီးတော့ သူမလာချင်သလိုလာ သွားချင်သလိုသွားခွင့်ရှိနေတာပဲလေ။

ဘယ်တုန်းကများ သူမသွားလည်တဲ့အခါ အိမ်တံခါးဖွင့်ဖို့ သူ့ကိုလိုသွားတာလဲ။

နေပါဦး...တစ်ခုခုကတော့လွဲနေပြီ။

ရင်းရှောင်ကျဲတစ်ယောက် မသင်္ကာဖွယ်ရာအငွေ့အသက်တွေကို စတင်ခံစားမိလာတယ်။

မျက်ဝန်းတွေကိုကျဉ်းပြီး သူမကိုစိုက်ကြည့်ကာမေးလိုက်ပါတယ်...

"မင်းက ဘယ်အိမ်ကိုပြောနေတာလဲ...ငါ...ငါအခုနေနေတဲ့ကွန်ဒိုတိုက်ခန်းကိုပြောနေတာလား?"

သူပြောတဲ့စကားမှန်သွားဟန် မုရှောင်ရှောင်းက ခေါင်းကိုတရစပ် ညိတ်ပြနေပါတယ်။

"ဒါပေါ့...မဟုတ်ရင် ငါကနင့်ကိုအိမ်တံခါးဖွင့်ဖို့ဘာလို့ လိုရမှာလဲ...အရူးရဲ့!"

သူမက သူ့ကို "အ ရန်ကော" ဆိုတဲ့အကြည့်နဲ့ စိုက်ကြည့်နေပါတယ်။

သူကလည်းသူပဲ...တုံးချက်ကလွန်ရော။
ဟုတ်တယ်လေ...သူ့မိဘတွေအိမ်မှာသာ သွား‌နေချင်ရင် သူ့ကိုလာရှာနေစရာမှမလိုဘဲ!

မျက်မှောင်ကြီးကျုံပြီး သူမလက်မောင်းကို ပိုလို့တင်းတင်းကြပ်ကြပ်ဆုပ်ကိုင်လိုက်တယ်။
ပြီးတော့...တရားခံတစ်ယောက်ကို စစ်မေးသလို တရစပ်မေးပါတော့တယ်။

"မင်းက ဘာလို့ငါ့ကွန်ဒိုမှာ လာနေမှာလဲ? ဒါက တော်တော်လေးကိုညညဉ့်နက်နေပြီလေ...တကယ်လို့မင်းနေရာထိုင်ခင်းတခုခုလိုချင်တယ်ဆိုရင်တောင် ငါ့အမေဆီသွားနေလို့ရတာပဲ...ဘာလို့ငါ့ဆီမှလာရတာလဲ?"

အခြေအနေတွေက ပုံမှန်မဟုတ် တခုခုတော့ဖြစ်နေပြီဆိုတာ သူရိပ်မိသလိုတော့ရှိလာပါပြီ။
ဒါပေမဲ့ သူ့သံသယတွေကို အမှန်အတိုင်းဖြစ်မလာစေချင်ဖူးလေ...
သူအခုတွေးနေတာတွေက အမှားဖြစ်ပါစေလို့ပဲဆုတောင်း‌ရမှာပဲ!

"ကြည့်ရတာ နင်က ခုထိ မာမားရင်းရဲ့ အကြံအစည်တွေကို သိသေးပုံမပေါ်ဖူး"
ဟုဆိုကာ သရော်တော်တော်‌ပြုံးနေရှာတဲ့ မုရှောင်ရှောင်း ပါ။