উদয়াচল - তাইক লক্ষ্য কৰাই নহ'ল

৯

Thanks for coming inside
Happy reading.😊

উদয়ৰ দৃষ্টিকোণ

- তই কালিলৈ অফিচ কিয় নাহ?

অচিমৰ জোকোৱা কথাবোৰৰ পৰা হাত সাৰিবলৈ মই তাক সুধিলো৷ সি মোলৈ চাই ধুনীয়া হাঁহি এটা মাৰি ক’লে

- কালিলৈ তাইক লগ কৰিবলৈ যাম৷

- কাক? তোৰ fb friend অক?

- মমমম৷ তাই ঘৰৰ ঠিকনা দিছে৷ মাক লগত লৈ যাম৷ সকলো ঠিক হ’লে সোনকালে বিয়াখন পাতিব লাগিব৷ বিয়াৰ বাবে মায়ে বৰ জোৰ কৰি আছে৷

- তই তাইৰ লগত fb তহে চিনাকি৷ এবাৰলৈ লগ পাইছ জানো?

- নাই পোৱা৷ তাইক প্ৰথম বাৰৰ বাবে সন্মুখত দেখা পাম৷

- প্ৰথম বাৰ লগ কৰিবলৈ একেবাৰে ঘৰলৈ ওলালি যে? কিবা অসুবিধা নহয়তো?

- মই ইনভেচটিগেট কৰিছো নহয়৷ fb ত তাই দিয়া ইনফৰমেশ্যন বোৰ শুদ্ধ৷ মোৰহে

- ফটোবোৰ এডিট কৰা৷ তোক মই আগতেই কৈছিলো ফটো ফেক নকৰিবলৈ৷ তাইও কিবা ভুল ইনফৰমেশ্যন fb থাকিব পাৰে?

- থাকিব পাৰে৷ কিন্তু ফটোবোৰ অৰিজিনেল৷

- কেনেকৈ জানিলি?

- মই দেখিছো তাইক৷ কিন্তু চিনাকিহে দিয়া নাই৷

- অ’৷ তলে তলে৷ মোকহে আজি কৈছ?

- কিয় তোক কৈছো দেখুন৷ তইহে নীলা আচলৰ কথা ভাবি মোৰ কথাত গুৰুত্ব নিদিলি৷

- Ok. কৈছিলি৷ তহঁতৰ মেচেজ মেচেজ খেলি থকা দুবছৰে হ’ল চাগৈ!

- কালিলৈ দুবছৰ হ’ব৷

- সেই কাৰণে ঘৰলৈকে ওলালি? তই Fbৰ কথাহে কৈছিলি মোক৷ কিন্তু গুপুতে গুপুতে ইমান যে আগবাঢ়িছ মোক কোনো দিন কোৱা নাছিলি দেই?

- কম কম বুলিয়ে ৰৈ গ’ল অ’৷

- ঠিক আছে৷ এতিয়া ক৷ কালিলৈ কেই বজাত যাবি?

- আবেলি যাম৷

- তেন্তে আগবেলা অফিচ আহিব পাৰিলি হয় দেখুন?

- প্ৰিপাৰেচনৰ কৰিবলৈ আছে৷ নিজৰ অলপ মেকঅভাৰ কৰিব লাগিব৷

- পাৰ্লাৰৰ এপইণ্টমেণ্ট ল’লি?