উদয়াচল - তাইক লক্ষ্য কৰাই নহ'ল

৫০

Comment please

এবছৰৰ পাচত

তৃতীয় পুৰুষৰ দৃষ্টিকোণ

পেৰেণ্ট টিচাৰ মিট শেষ হল৷ উদয় সভাকক্ষৰ পৰা উলাই নিৰ্ভয়ক বিচাৰিলে৷ নিৰ্ভয় আৰু তাৰ লগৰসকলে চুটিৰ পাচত গাৰজেন্তৰ অপেক্ষাত স্কুলৰ গেটৰ গেটকিপাৰৰ কাষতে থিয় হৈ আছে৷ নিৰ্ভয়ে দেউতাকক দেখা মাত্ৰ সি দৌৰি দেউতাকৰ কোলাত উঠিলহি৷ উদয়ে আলফুলে ৱাটাৰ ফ্লাক্স আৰু স্কুলৰ বেগটোৰে সৈতে নিৰ্ভয়ক কোলাত তুলি ললে৷ উদয়ে লাহে লাহে নিজৰ গাড়ীৰ পেচেঞ্জাৰ চিটৰ দুৱাৰ খুলি নিৰ্ভয়ক বহুৱাই দিলে৷ নিৰ্ভয়ৰ পৰা বেগটো এৰুৱাই পিছৰ চিটলৈ থৈ দিলে৷ তাৰপাছত সি আহি দ্ৰাইভাৰ চিটত বহিল৷ পকেটৰ পৰা গাড়ীৰ চাবি উলিয়াই থাকি নিৰ্ভয়লৈ চাই সুধিলে

- টিফিন ফিনিচ কৰিলানে?

- মমম৷

কিবা এটা ভাবি সি দেউতাকলৈ চাই সুধিলে

- দেউতা আজি টিফিন তুমি বনাইছিলা৷

- অ'৷ কিয়?

- মই গম পাইছিলো

- কেনেকৈ৷ খাবলৈ বেয়া হৈছিল নেকি?

- মোৰ ফ্ৰেণ্ড পূজাই বৰ ভাল পালে৷

- তুমি টিফিন ফিনিচ কৰিলো কৈছিলা৷

- অ'৷ টিফিন ফিনিচ কৰিলো৷ মইটো কোৱা নাই অকলে খালো বুলি৷

নিৰ্ভয়ৰ কথাত উদয়ৰ ওঁঠত বেঁকা হাঁহি এটি জিলিকি উঠিল৷ সি গাড়ী ষ্টাৰ্ট দি আগবাঢ়িল৷

- পূজা কোন?

- মোৰ গাৰ্লফ্ৰেণ্ড৷

- হা৷

- জাষ্ট চিল দেউতা৷ আজিকালি এইটো কমন৷

- কি কোৱা!

- তোমালোক অল্ড মডেল মানুহে নুবুজিবা৷

- পূজাই সদায় তোমাৰ লগতে টিফিন খাই৷

- আগতে নাখাইছিল৷ যেতিয়াৰ পৰা তাই মোৰ প্ৰপজেল এক্সেপ্ত কৰিলে তেতিয়া পৰা৷

- প্ৰপজেল?

- অঃ দেউতা ইমানো নাজানা৷ মই প্ৰপজ নকৰিলে তাই এক্সেপ্ত কৰিব কেনেকৈ৷ প্ৰপজ কৰাটোত ব্ৰেভ বয়ৰ কাম৷ ছোৱালীয়ে কৰিব নোৱাৰে৷ প্ৰপজ এক্সেপ্ত কৰিলে বাবেহে তাই মোৰ গাৰ্লফ্ৰেণ্ড হল৷