The Ultimate Business Lady [Myanmar Translation ]

Chapter 19

Unicode

Ch-19  မကောင်းတဲ့ရည်ရွယ်ချက်နဲ့ ရောက်လာသူ

လင်းရွှမ် ပါးစပ်အငြိမ်မနေနိုင်သည့်မားမားလင်ကို တစ်ချက်ကြည့်ရင်း ခေါင်းလှည့်၍ ယွင်လင်းယန်အား လေးနက်စွာပြောလိုက်တယ် '' ယန်အာ အမကမင်းကို ဖိအားပေးနေတာမဟုတ်ပါဘူး။ မင်းကောင်းဖို့အတွက် လုပ်တာပါ။ မင်းက အမေရဲ့သမီးဖြစ်နေပြီမို့ တရားဝင်သမီးတစ်ယောက်ပဲ။ နောက်မင်းလက်ထပ်တဲ့အခါကျရင် ဒီလိုအရာမျိုးတွေကို နားလည်ထားဖို့ လိုအပ်တယ်။ မဟုတ်ရင်မင်းအနိုင်ကျင့်ခံရရင် အခြေခံလေးတောင်မှ နားမလည်ထားရင် ဘယ်သူမှမင်းကိုကူညီမှာမဟုတ်ဘူး။ သဘောပေါက်လား? ''

အရင်ဘဝက ယွင်လင်းယန်က အရမ်းကို ထက်မြက်ခဲ့တာ။ အဘွားရဲ့အုပ်ထိန်းမှုအောက်မှာ တော်တော်များများကို သင်ကြားခဲ့ရတယ်။ ဒါပေမဲ့ သူ့ဘာသာအလိုလိုတတ်ကျွမ်းလာတာတော့ မဟုတ်ဘူး။

ယွင်လင်းယန်နားလည်သလိုလို နားမလည် သလိုလိုဖြစ်နေတယ်။ အမကသူမကောင်းဖို့လုပ်ပေးတာကိုသိတာမို့ သူမစိုးရိမ်နေတာကိုဘေးဖယ်ကာ သေချာပြောလိုက်သည်။
'' မမ စိတ်မပူပါနဲ့။ ယန်အာ ကျိန်းသေပေါက် သေချာလေ့လာမှာပါ။ မမကိုစိတ်မပျက်စေရပါဘူး! ''

'' အင်း..သေချာလေ့လာ။ နောက်ရက်အနည်း ငယ်အတွင်း မမ ဆရာတစ်ယောက်ငှားပြီး မင်းကိုသင်ပေးမယ် ဒါမှမဟုတ် အဘွားအိမ် ကိုသွားလို့လဲရတယ်။ ငါတို့ရဲ့ဝမ်းကွဲတွေမှာ ဆရာရှိတယ်။ အဲ့သွားပြီးလေ့လာလို့လဲ
ရတယ် '' လင်းရွှမ်သာ ယွင်လင်းယန်ကိုသေသေချာချာထောက်ပံ့ပေးမယ်ဆိုရင်  အနာဂတ်ကျရင် ယွင်မိသားစုအတွက် သူကအားကိုးရမယ့်ထောက်တိုင်ဖြစ်လာနိုင်တယ်။

'' ယန်အာ မမနဲ့မခွဲချင်ပါဘူး '' ယွင်လင်းယန် ငြင်းလိုက်တယ်။

'' အဲ့ဒါဆိုရင် မမမင်းအတွက် ဆရာတစ်ယောက်ရှာပြီး အိမ်ခေါ်ပေးမယ်။ အဲ့ကိစ္စကို  မမ အဘွားနဲ့ဆွေးနွေးလိုက်ဦးမယ် ''
ယွင်လင်းယန် သူမ့အပေါ်မှီခိုတာကို မြင်ရတော့ လင်းရွှမ်အရမ်းပျော်မိတယ်။

'' မမလေးရေ.. ပြဿနာအကြီးကြီး တက်နေပြီ! '' အပြင်ကနေ ချဲအာတစ်ယောက် အခြေခံကျင့်ဝတ်တွေကိုတောင်မေ့ပြီး ကမန်းကတန်းပြေးဝင်လာသည်။