Unicode
Ch-40 ကြီးမားတဲ့ဖိအားအောက်ကအခြေအနေ
'' အစ်ကို ကြိုးတောင်မကြိုးစားကြည့်ရသေးဘူး။ မဖြစ်နိုင်ဘူးဆိုတာ ဘယ်လိုလုပ် ပြောနိုင်တာလဲ? '' လင်းရွှမ်မျက်နှာတစ်ချက်မပျက်သွားဘဲ ပြန်ပြောလိုက်သည်။
'' အဖေ အမေကိုခေါ်ပြီး တခြားနေရာကို ပြောင်းသွားခဲ့တဲ့အချိန်တုန်းက မပြောနိုင်တဲ့
အကြောင်းအရင်းတွေ အများကြီးရှိခဲ့တယ်။
အမေက စီးပွားရေးလုပ်ခဲ့တဲ့ အချက်တစ်ခုတည်းကြောင့် မဟုတ်ဘူး! အစ်ကိုဝမ်းကွဲ အိမ်ပြန်ရောက်ရင် တတိယဦးလေးနဲ့ သေချာလေး စကားပြောကြည့်လိုက်။ အစ်ကိုပြောရမှာက 'ကျွန်တော်က စာပေမှာရော စစ်ရေးမှာပါ အသုံးမကျဘူး။ နောက်ကျ မိန်းမနဲ့ကလေးတွေ ရလာရင် ဘယ်လိုလုပ်မလဲ? နန်းမြို့တော်မှာကျွန်တော် ဘယ်လိုရပ်တည်မှာလဲ?' ''ယွင်မိသားစုက နန်းမြို့တော်မှာ အမြစ်တွယ်ထားတယ်ဆိုတာ မှန်ပေမဲ့ အုတ်မြစ်က အဲ့လောက်မခိုင်မာဘူး။ ရှေ့တိုးဖို့ခက်ခဲသလို နောက်ဆုတ်ပြီး ပြောင်းရွေ့ဖို့ကလဲ မလွယ်ကူဘူး။
အဲ့စကားတွေကိုကြားတော့ ယွင်ပေါ်ရဲ့မျက်လုံးတွေပြူးကျယ်သွားတယ်။ သူ့ကို ဘယ်သူကမှ ဒီလိုမျိုး ပြတ်ပြတ်သားသား
မမေးဖူးဘူး။ သူတို့က နည်းနည်းပါးပါး မေးကြည့်မယ်။ သူပြန်ပြောတာကိုကြားရင်
ဒီတိုင်းလေးပဲ သက်ပြင်းချနေလိမ့်မယ်။လင်းရွှမ်ရဲ့စကားတွေက သူ့ကို ပြောမပြတတ်လောက်အောင် တုန်လှုပ်သွားစေပြီး သူ့တစ်ကိုယ်လုံး ချွေးစီးတွေထွက်လာတယ်။
ဒီနေ့ သူနန်းမြို့တော်မှာ သခင်လေးတွေရဲ့
အထင်အမြင်သေးတာကို ခံခဲ့ရပြီး သူ့ကြောင့် ယွင်အိမ်တော်တောင် မျက်နှာပျက်ခါနီးနီး ဖြစ်ခဲ့ရတယ်။ သူသာ ဒီလမ်းကို ဆက်လျှောက်နေမယ်ဆိုရင် နောက်ဆုံးအဆုံးသတ်က ဘယ်လိုဖြစ်မှာလဲ?
အဲ့လူတွေက သူ့ကိုတကယ့်စိတ်ရင်းအမှန်နဲ့ ညီအစ်ကိုလိုမျိုး ဆက်ဆံမှာတော့ လုံးဝမဖြစ်နိုင်ဘူး။စာပေရောသိုင်းပညာရော မထူးချွန်တဲ့သူက အနာဂတ်ကျရင် နန်းမြို့တော်မှာ သူခေါင်းထောင်နိုင်ဖို့ အရမ်းခက်ခဲမှာကို ကြိုမြင်နေပြီး အပြင်ထွက်ရင်တောင်မှ လူတွေက
ယွင်အိမ်တော်ကို လှောင်ပြောင်နေကြလိမ့်မယ်။
DU LIEST GERADE
The Ultimate Business Lady [Myanmar Translation ]
RomantikOriginal Author - Lan Mei Gui 懒玫瑰 Original Publisher - readnovel This story is not my own.This is just for Fan Translation. Full credit to The ORIGINAL AUTHOR and English Translators. Starting date - 29/8/21 Both Unico...