The Ultimate Business Lady [Myanmar Translation ]

Chapter 60

Unicode

Ch-60 အခက်အခဲတွေကြားမှရှင်သန်ရန်ကြိုးစားမှု

လူတိုင်းက လင်းရွှမ်ကို တုန်လှုပ်ခြင်း ၊မယုံကြည်နိုင်သလိုအကြည့်တွေနှင့် ကြည့်​နေကြသည်။ သူမရဲ့စကားတွေကြောင့် သူတို့တွေ တကယ့်ကိုထိတ်လန့်သွားတယ်။

လင်းရွှမ်ရဲ့စကားတွေက ရင့်သီးနေပေမဲ့လဲ အမှန်တရားဖြစ်သည်။

အမှန်ပဲ ဘယ်သူကများငွေကိုလျစ်လျူရှုနိုင်လို့လဲ!

လွန်ခဲ့တဲ့နှစ်တွေမှာ ယွင်အိမ်ကသူတို့ကိုငွေကြေးမထောက်ပံ့နေရင် သူတို့ယွင်အိမ်တော် ဘယ်လိုပုံစံမျိုးဖြစ်နေမလဲဆိုတာ ဘယ်သူသိမှာလဲ?

တခြားကိစ္စတွေကိုမပြောနဲ့ဦး.. နှစ်တိုင်း
ယွင်ပေါ်တစ်ယောက်တည်းယူတဲ့ပိုက်ဆံနဲ့တင် ငွေစပေါင်းသောင်းနဲ့ချီတယ်။
အဲ့တာကယွင်အိမ်တော်က တတ်နိုင်တဲ့ပမာဏမဟုတ်ဘူး။ ဒါနဲ့များ ကုန်သည်တွေကိုအထင်သေးဖို့ သူတို့မှာဘာအရည်အချင်းများရှိလို့လဲ!

'' မင်းပြောတာဟုတ်ပါပြီ။ ဒါမဲ့ ရွှမ်အာ မင်းရဲ့ပဉ္စမအစ်ကိုက ငယ်သေးတယ်။ ဒီလိုမျိုး အလျင်စလိုသူ့ကိုလွှဲလိုက်ရင် အဆင်ပြေပါ့မလား '' လင်းရွှမ်ရဲ့နည်းလမ်းတွေကို သခင်မကြီးယွင်ခဲ့လက်ခံပေးနိုင်တယ်ဆိုပေမဲ့
ယွင်အိမ်ရဲ့ပိုင်ဆိုင်မှုတွေနဲ့ပတ်သက်ပြီး သူ့စိတ်ထဲမှာဒွိဟဖြစ်နေဆဲပဲ။ အဲ့ပိုင်ဆိုင်မှုတွေက သူ့စတုတ္တသားနဲ့ချွေးမ ချန်ထားခဲ့တာတွေ လျှောက်ဖြုန်းတီးပစ်လို့မဖြစ်ဘူး!

'' အဘွား စိတ်မပူပါနဲ့။ သမီးမိဘတွေထားခဲ့တဲ့ပစ္စည်းတွေကို အစောကြီးကတည်းက သေသေချာချာ စီစဥ်ထားပြီးပါပြီ...သူတို့ကွယ်လွန်သွားပြီးတာတောင် ဘာမှပြောင်းလဲမှာမဟုတ်ပါဘူး ''
ဒီအထိပြောပြီးသွားတာနဲ့ လင်းရွှမ် အရေးကြီးတဲ့အချက်ဆီ စကားပြောင်းလိုက်တယ်။

'' ဒါပေမဲ့ ယွင်အိမ်က တခြားသူတွေမျက်လုံးကျနေတဲ့ အသားတွေပြည့်နေတဲ့ပေါက်စီတစ်လုံးဖြစ်နေတာ။ ရွှမ်အာ ပဉ္စမအစ်ကိုကို ပိုက်ဆံအများကြီး လူသိရှင်ကြားပေးရတဲ့အကြောင်းက နန်းမြို့တော်က လူတိုင်းကို
ယွင်အိမ်ကချမ်းသာတယ်။ ဒါပေမဲ့ ဒါကိုရအောင်ယူနိုင်တဲ့အရည်အချင်း ဘယ်သူမှာရှိလဲဆိုတာမူတည်သေးတယ်ဆိုတာကို
သိစေချင်တာ။ အဲ့လိုဆို မကောင်းတဲ့ရည်ရွယ်ချက်တွေရှိနေတဲ့လူတွေလည်း
တစ်ယောက်နဲ့တစ်ယောက် စိတ်ဝမ်းကွဲပြီးအချင်းချင်းသတိထားနေကြလိမ့်မယ်။ ဒီလိုမျိုးရန်သူတွေကိုအားနည်းချင်ယောင်ဆောင်ပြီး သိုသိုသိပ်သိပ်အသက်ရှင်ဖို့ကလွဲပြီး တခြားနည်းလမ်းမရှိဘူး! '' ဒီစကားတွေကို ပြောနေတဲ့အချိန်မှာ လင်းရွှမ်ရဲ့မျက်ဝန်းတွေက စိတ်သောကရောက်နေတဲ့အရိပ်အယောင်တွေပြည့်နှက်နေတယ်။