The Ultimate Business Lady [Myanmar Translation ]

Chapter 25

Unicode

Ch-25 မျောက်ကိုခြောက်ဖို့ ကြက်ကိုသတ်ခြင်း

'' ထောင်တိစားသောက်ဆိုင်ရဲ့စီးပွားရေး
မကောင်းတာကို ဦးလေးစိတ်ပူပေးစရာမလိုပါဘူး '' အခုဆိုရင်သူတို့တွေ အရမ်းနောင်တရနေလောက်ပြီဆိုတာကို လင်းရွှမ်ရိပ်မိလို့ စကားကိုရွဲ့ပြောလိုက်တယ်။ သူတို့က ဆန်ပြပြီး ကြက်ခိုးဖို့လုပ်နေပေမဲ့ အဆုံးတော့ လက်ထဲကဆန်ပဲရှုံးသွားတယ်။ ဒါပေမဲ့ အဲ့လိုကိစ္စတွေကို လင်းရွှမ်ဂရုမစိုက်ဘူး။ သူတို့တတွေ စိတ်ညစ်လွန်းလို့ နံရံကိုခေါင်းနဲ့တိုက်နေရင် သူမကပိုတောင်ပျော်သေးတယ်။ '' ဒီက ဆိုင်ရှင်တွေကရော ဆိုင်ရှင်ယွမ်လိုမျိုးစီးပွားရေးကအရှုံးပေါ်နေတယ်လို့ ခံစားနေကြလား? ''

ထိပ်ဆုံးကခုံမှာ မတ်တပ်ရပ်နေတဲ့ မိန်းကလေးငယ်ကို လူတိုင်းကြည့်လိုက်မိ သည်။ သူမ့ကလူတွေကိုရင်ဆိုင်ဖို့ မကြောက်တဲ့အပြင် ကိုယ်ဟန်အမူအရာကလည်း သြဇာလွှမ်းမိုးနိုင်စွမ်းရှိသည်။ သခင်မပျိုးထောင်ပေးထားတဲ့ကလေးတွေက လျော့တွက်လို့မရဘူးဆိုတာကို သူတို့သဘောပေါက်သွားတယ်။

သူတို့ကလေးတွေနဲ့မြေးတွေ ဒီအရွယ်ဆိုရင် ငိုယိုပြီးဂျီကျနေမှာ။ ဒီလိုလုပ်ဖို့သတ္တိတောင်ရှိမှာမဟုတ်ဘူး။ သူတို့ ဒီကိုလာပြီး သူတို့ကိုယ်တိုင်အတွက် ပြဿနာတွေဖန်တီးနေမိတာကို အတော်လေး နောင်တရနေကြတယ်။

'' မမလေးကိုပြန်ဖြေရမယ်ဆိုရင် ကျွန်တော်တို့ဒီကိုလာတဲ့ ပထမအချက်က  မမလေးကိုအရမ်းကြီးဝမ်းနည်းမနေဘဲ ကိုယ့်ကိုကိုယ်ဂရုစိုက်ဖို့လာပြောတာပါ။ နောက်တစ်ချက်ကတော့ ယွင်မိသားစုရဲ့ စီးပွားရေးလုပ်ငန်းတွေက ချောချောမွေ့မွေ့နဲ့အကုန်လုံးအဆင်ပြေတယ်ဆိုတာကို မမလေးကိုလာပြောပြတာပါ။ တချို့ဆိုင်တွေဆိုရင် တိုးတက်ဖို့ အလားအလာရှိပါတယ် '' ထက်မြက်တဲ့ဆိုင်ရှင်တစ်ယောက်က ပြောအပြီးမှာတော့ ကျန်လူတွေကလည်းခေါင်းတညိမ့်ညိမ့်ဖြင့် သဘောတူကြသည်။

သူတို့ကဆိုင်ရှင်ယွမ်လိုမဟုတ်ဘူး။ သူတို့ကဒီနှစ်တွေအတောအတွင်း ပိုက်ဆံတွေအများကြီး ဝင်နေပေမဲ့ မြို့တော်မှာတခြားအလုပ်တွေလုပ်ဖူးတာမျိုးလည်းမရှိဘူး။ အဲ့လိုဆိုရင် အနာဂတ်မှာ သူ့ကလေးတွေနဲ့မြေးတွေအပြင်ထွက်တဲ့အခါ သူများတွေကိုအောက်ကျို့နေရလိမ့်မယ်။