Unicode........
"မမရေ...အားတင်းထားပါနော်...!!"
"အား....ရတယ်..ခလေး...မမ ဖြစ်ပါတယ်"
လူနာ trollyပေါ်မှာ ဗိုက်နာလွန်းလို့ ရှုံ့မဲ့နေတဲ့ မမကို ခ က လက်တွေဖျစ်ညစ်ရင်း အားပေးနေသည်။
မမ ကိုကြည့်ရင်း ဇွဲထက်ကတော့ ဘာပြောလို့ပြောရမလဲကို မသိတော့ပါ။
ချွေးဇောများ ပျံကာ ခြေတွေလက်တွေပါ အေးစက်ကုန်သည်။
မသိရင် သူကပဲမွေးရတော့မလိုလိုပင်။
"ကဲ....ယောက်ျားဖြစ်သူ တွေအကုန်အပြင်မှာ နေခဲ့..!
ကလေးခေါင်းတောင် ပြူနေပြီ..!"
သူနာပြုဆရာမများက သူတို့နှစ်ယောက်ကို အပြင်မှာ နေခဲ့ရန် တားမြစ်ကာ မွေးခန်းထဲသို့ တွန်းသွားလိုက်သည်။
ထိုနေရာမှာ ကျန်ခဲ့တဲ့ ခရော ဇွဲထက်ပါ ထိုင်မရ ထမရဖြစ်နေသည်။
ခ က ဇွဲထက်အနားကို လျှောက်လာကာ....
"မမ ဘာမှမဖြစ်လောက်ပါဘူးနော်..ကျားကျား..!
သားသားလေးရေ...မမကို အရမ်းမနှိပ်စက်ပါနဲ့နော်။
ဖေတို့က သားလေးကို စောင့်နေတယ်"
ဟုဆိုကာ ဇွဲထက်ရင်ခွင်ထဲ ဝင်ပြီး တင်းတင်းဖက်ထားလိုက်သည်။ဇွဲက ခရဲ့ကိုယ်လေးကို ပွေ့ဖက်ကာ
"ဘာမှဖြစ်မှာ မဟုတ်ဘူး။ကိုယ်ပြောတာယုံ...ယံယံလေးက ကိုယ့်သားလေးမဟုတ်လား..?
ဘယ်လောက်သန်မာ မလဲ..!ကိုယ်တို့ ကျက်ထားတဲ့ အင်္ဂုလိမာလသုတ် ရွတ်ရင်း စောင့်ကြမယ်လေ"
ညတိုင်း အတူကျက်ထားတဲ့ အင်္ဂုလိမာလသုတ်ကို နှစ်ယောက်အတူ ရွတ်ရင်း ထိုင်စောင့်နေပေမယ့် စိတ်တွေကတော့ ဂယက်ထနေလေပြီ။
အင်္ဂုလိမာလသုတ် က နှုတ်ကျိူးနေပြီ ဖြစ်သောကြောင့် အထေ့အငေါ့မရှိပေ။
မွေးခန်းက အရမ်းကို အသံလုံလွန်းတာကြောင့် တိတ်ဆိတ်နေသည်ကို ခ တကယ်ပံ ဘဝင်မကျဖြစ်မိသည်။
ဇွဲကသူ့ရဲ့ လက်လေးတွေကို ဆုပ်ကိုင်ထားနေပေမယ့် ဇွဲရဲ့လက်တွေဟာကို အေးစက်နေသေးသည်။
သူတို့နှစ်ဦးလုံးက ဘာအတွေ့အကြုံမှ မရှိတဲ့ ဖခင် နှစ်ဦး မဟုတ်ပါလား...?
သားလေးက တကယ့်ကို လိမ္မာသည်။မွေးခန်းထဲ ဝင်သွားပြီး မိနစ်သုံးဆယ် မပြည့်ခင်မှာပင် ဆရာမလေးက ပွေ့ချီလာပေးသည်။
ဆရာမ လက်ထဲက အထုပ်လေးကို ခ တကယ်ပဲ အရမ်းကို အူယားမိသည်။
ခရော ဇွဲပါ အတူတူ ပြေးရင်း ကြည့်မိကြသည်။
YOU ARE READING
Preciously-"U" (Completed)
Romance*****Preview****** Unicode...... "ဦးရာ...ခင်ဗျားက ကျွန်တော့ထက် အသက်ကြီးမှန်းလည်းသိတယ်။ကျွန်တော့ထက်လည်း ရင့်ကျက်ချင်ရင့်ကျက်လိမ့်မယ်။ဒါပေမယ့်ဗျာ...။ ကျွန်တော် ခင်ဗျားကို ကာကွယ်ပေးချင်တယ်။လုံခြုံမှုပေးချင်တယ်။ တစ်စုံတစ်ယောက်ကြောင့်နည်းနည်းမှ မထိခိုက်...
