Unicode.........
လေတိုးသံ တဟူးဟူးကို လျစ်လျူရှူပြီး စီးလာတဲ့taxiပေါ်ကနေ အသက်ပြေးထွက်သည်။Taxiသမားရဲ့ "ဟေ့...ဒီအချိန် လမ်းမှာ အန္တရာယ်များတယ်လေ" ဆိုတဲ့ စကားသံဟာ အသက်ကိုမတားနိုင်....။ဒီအချိန်မှာ အသက် အကြောက်ဆုံးအရာက မမှီလိုက်မှာကို။
အသက် လက်မှာပတ်ထားတဲ့ နာရီက ညမီးတိုင်မှိန်ပြပြအောက်မှာ 9နာရီရဲ့ မိနစ် 30တိတိကိုညွန်ပြနေသည်။
ညနေလောက်ကတည်းက ခြိမ်းခြောက်စာဟာ ည10နာရီထိပဲ အကျူံးဝင်သည်။အသက် မှီသေးတယ် ထင်သည်။
အေးစက်စက် ညလေတွေ တချက်တချက်တိုက်တိုင်း အသက်ကျောလေး ချမ်းစိမ့်သွားသည်။
သို့ပေမယ့် အသက်ဘေးပတ်ပတ်လည်မှာ တစ်စုံတစ်ယောက်ရှိလိုရှိငြား ရှာကြည့်သည်။ တိတ်ဆိတ်တဲ့ နေရာမှာမို့ အသံလည်း မပြုရဲ။
တံတားပေါ်ကို ရောက်တော့ တွေ့လိုက်ပါပြီ။ မီးမှိန်ပြပြအောက်မှာ ရပ်နေတဲ့ အနက်ရောင်Hoodieနဲ့ကောင်လေး။ ခေါင်းစွပ်ပါစွပ်ထားတော့ မျက်နှာမမြင်ရပေမယ့် ဇွဲမှန်း အသက်သိသည်။
"ကိုဇွဲ..!"
ခပ်တိုးတိုးလေး ခေါ်လိုက်ပေမယ့် ဇွဲကလှည့်မလာဘူး။ ခေါင်းက အရှေ့ကိုပဲ ငိုက်ကျနေတယ်။ ပြီးတော့ သူ့ရဲ့ခြေတစ်ဖက်က တံတားဘောင်ပေါ်ကို တင်လိုက်တော့
"ကိုဇွဲ...ရှင်ဘာလုပ်တာလဲ...! အသက်လာနေပြီလေ။"
ဇွဲဆီကို ခပ်မြန်မြန်ပြေးသွားကာ သူ့ခါးကို အနောက်ကနေ တင်းကျပ်စွာ ဖက်ထားလိုက်သည်။
"အသက်ရှေ့မှာ အဲ့လိုမလုပ်ပါနဲ့။ အသက် ရှင့်ကိုချစ်ပါတယ်။
အသက်တို့က မဖြစ်နိုင်တော့လို့ပါ"
အသက်ဇွဲရဲ့ကျောပြင်ပေါ်မှာ ပါးလေးကိုအပ်နှံထားလိုက်တယ်။ ဇွဲကို အသက်ချစ်သေးတယ်။ ဒါပေမယ့် အသက်တို့မဖြစ်နိုင်တော့ဘူး။ အသက်ကြောင့်နဲ့တော့ ဇွဲကို စောလျင်စွာ လောကထဲက ထွက်သွားခွင့်မပြုနိုင်ဘူး။
အသက်က အဲ့လောက် မတန်ဘူးလေ။
"အသက်အတွက်နဲ့ မိုက်ရူးရဲမဆန်ပါနဲ့။ အသက်က...အသက်က..အဟင့်.."
အသက် အသံလေးတိမ်ဝင်သွားပြီး ငိုရှိုက်မိတယ်။
"ငိုလို့ဝပြီလား"
BINABASA MO ANG
Preciously-"U" (Completed)
Romance*****Preview****** Unicode...... "ဦးရာ...ခင်ဗျားက ကျွန်တော့ထက် အသက်ကြီးမှန်းလည်းသိတယ်။ကျွန်တော့ထက်လည်း ရင့်ကျက်ချင်ရင့်ကျက်လိမ့်မယ်။ဒါပေမယ့်ဗျာ...။ ကျွန်တော် ခင်ဗျားကို ကာကွယ်ပေးချင်တယ်။လုံခြုံမှုပေးချင်တယ်။ တစ်စုံတစ်ယောက်ကြောင့်နည်းနည်းမှ မထိခိုက်...
