Unicode........
ဒီနေ့ရဲ့ ရာသီဥတုလေးက ရွေးချယ်ထားတဲ့အတိုင်းပဲ။ အရမ်းကိုသာယာနေတာ။ နေရောင်တွေ ဖြာကျနေတဲ့ အသက်ရဲ့ သတို့သမီးဂါဝန်လေးတွေဟာ လက်လက်ကို ထလို့။
ချိတ်ဆွဲထားတဲ့ ပန်းနုရောင် ဂါဝန်လေးတွေနဲ့ အဖြူရောင် ဂါဝန်လေးတွေကို အသက်ဟာ မှင်သက်စွာကြည့်နေတယ်။
"အသက်...ကြည့်မနေနဲ့။မြန်မြန်ရွေးလေ။"
Pre-weddingရိုက်မှာ ဖြစ်တဲ့အတွက် အသက်ကို ဦးရာပဲ မြန်မြန်သတိပေးလိုက်တယ်။
"ဘယ်ဂါဝန်လှလဲဆိုတာ အသက်မကြည့်တတ်တော့ဘူး..လေးလေး"
အသက်စကားကြောင့် အရာခေါင်းကုတ်လိုက်ပြီးမှ
"ဒီမှာ ဒါလေးလဲ လှတယ်။ ဒါလေးရော"
အရာကိုယ်လေးနဲ့ တိုင်းပြီး ရွေးကူလိုက်တယ်။
"ဒါလေး ဆိုရင်ရော..အသက် ရိုးရိုးရှင်းရှင်းလေး"
ဂါဝန်ဖြူလွလွလေးက ရှေ့တိုနောက်ရှည်လေး ရင်ဘတ်မှာ ခေါက်ထားတဲ့ ရိုးရိုးရှင်းရှင်းပုံစံလေးကို အရာညွန်းလိုက်တယ်။
"လေးလေး..အသက် အထင် ဒါကသိပ်ရိုးမနေဘူးလား?"
"မရိုးပါဘူး။သူက မင်္ဂလာ ခြုံလွာလေးနဲ့ဆို ပိုလိုက်တယ်။ လေးလေး ပြမယ်"
ဘယ်သူမှ မရှိတဲ့ အခန်းလေးမှာမို့ အရာ မင်္ဂလာခြုံလွာလေးကို ခေါင်းပေါ်တင်လိုက်ပြီး ဂါဝန်လေးနဲ့ တိုက်ပြလိုက်တယ်။
"လှတယ်...!"
"ဟမ်..."
အခန်းဝဆီကနေ ထွက်လာတဲ့ အသံအောရှရှကိုကြားတာနဲ့ အရာ့ခေါင်းပေါ်က ပုဝါလေးကို ချက်ချင်းဆွဲဖြုတ်လိုက်တယ်။
"ကိုရှိန်း..!"
အသက်က အသံလာရာလှည့်ကြည့်ပြီးမှ
"ဒါဆို အသက်ဒါလေးပဲ ရွေးလိုက်တော့မယ်။လေးလေး"
"အင်း..အထဲမှာ အဝတ်သွားလဲ"
အသက် ဂါဝန်လေးကို ကိုင်ကာ အဝတ်လဲခန်းထဲကို ဝင်သွားလိုက်တာနဲ့ အရာ ရှိန်းခကို ခိုးကြည့်လိုက်သည်။
ဒီကောင်လေးက အနောက်တိုင်းဝတ်စုံနဲ့ အတော်ကြည့်ကောင်းသည်။ အနက်ရောင် ဝတ်စုံကိုမှ ရင်ဘတ်က အဖြူရောင်ပန်းလေး။မြင့်မားတဲ့ အရပ်မှာထင်ပေါ်တာက နှာတံချွန်ချွန် နဖူးခပ်မြင့်မြင့် မည်းနက်တဲ့ မျက်ခုံးတန်းလေး။
အရင်နေ့တွေနဲ့ မတူဘဲ ဆံပင်ကိုလှန်တင်ထားသေးသည်။
YOU ARE READING
Preciously-"U" (Completed)
Romance*****Preview****** Unicode...... "ဦးရာ...ခင်ဗျားက ကျွန်တော့ထက် အသက်ကြီးမှန်းလည်းသိတယ်။ကျွန်တော့ထက်လည်း ရင့်ကျက်ချင်ရင့်ကျက်လိမ့်မယ်။ဒါပေမယ့်ဗျာ...။ ကျွန်တော် ခင်ဗျားကို ကာကွယ်ပေးချင်တယ်။လုံခြုံမှုပေးချင်တယ်။ တစ်စုံတစ်ယောက်ကြောင့်နည်းနည်းမှ မထိခိုက်...
