Katatapos lang ng klase at diretso agad ako sa kwarto upang tapusin agad ang mga panibagong school works. Hindi ko na napapansin ang gutom dahil sa itinuon ko ang sarili muna sa pag-aaral.
Kaagad akong nagpalit ng damit, suot pa rin ang sumbrelo at mask. Nakalabas na muli ako sa school at dumiretso na sa abandonadong lugar na iyon. Diretso agad ang punta ko kung saan ako inaya nila Lito upang kumain. Hanggang ngayon ay hindi pa rin mawala sa isip ko kung paano nagbago ang trato nila sa akin, parang pakiramdam ko ay hindi na kami magkaaway na laging binabantaan ang isa't-isa.
"Oh, andito ka na pala.. Tagal mo yata?" kunot nuong salubong ni Lito matapos akong pagbuksan nang kumatok ako.
"Nag-antay ka pala sa akin?" sarkastiko kong sagot na ikinangiwi niya saka pinitik ang nuo ko. Tinalasan ko siya ng tingin.
Pinapasok niya na ako at saka ko pa lang nakita si James na kampante lang nanonood sa telebisyon. Hindi ko agad napansin iyon no'ng isang araw dahil sa may kaliitan lang kase ang tv at hindi siya mapaghahalataang tv. Kakaiba.
Naglakad pa ako, doon ko pa lang nakita si Ax na kumakain na naman ng popcorn. Nakaupo siya sa isang maliit na napaglumaang kutson na mula sa swivel chair, para bang natanggal na ang pang-upo na iyon sa upuan kaya iyon na lang ang natira. Kaya rin hindi ko siya agad nakita dahil sa ibaba siya nakaupo.
Sabay pa nila akong nalingong dalawa nang maramdaman ang presensya ko.
"Hi afternoon" binati pa ako ni Ax, para bang close kami kahit walang good sa pagbati niya.
Tinanguan ko lang siya bago nilingon si Lito matapos maglapan ng walis, dustpan at sako sa harap ko.
"Mag-umpisa ka na" anito.
Nakataas ang pareho kong kilay habang nakababa ang tingin sa inilapag niya sa harap ko.
"Anong gagawin ko d'yan?" taka kong pagtatanong.
"Titigan mo hanggang sa malusaw t angina mo, malamang gagamitin ano pa ba!?" pabalang niyang sagot, tumaas pa ang boses para bang ang iksi ng pasensya.
"Para saan?"
"G ago ka ba? Hindi mo alam paano gamitin ang mga 'yan?"
"Alam"
Napabuga siya ng marahas na hininga saka nagpamewang.
"Iyon naman pala bakit tinatanong mo pa?"
"Kase hindi paglilinis ang ipinunta ko dito, hindi ako kumuha ng trabaho para maging tagalinis—————"
Nahinto ako nang itulak niya ang ulo ko gamit ang daliri niya.
"Oh e anong gusto mo ha!? Turuan ka namin ng libre lang? Wala ng libre sa panahon ngayon t anga! Mamili ka, linis o gulpi!?" paulit-ulit niyang tinutulak ang ulo ko.
Kita ko sa gilid ng aking mga mata na nagpapalitan ang tingin nila Ax at James sa aming dalawa na nagbabangayan na naman.
"Gulpi" diretso ang tingin kong sagot. Nagkaisa ang mga kilay niya.
"Aba't talaga hinahamon mo ako ngayon ha!?" walang pasabing agad niya akong kinwelyuhan, iyon na naman ang mga mata niyang parang nagbabaga.
"Pinapili mo ako e" sagot ko pa.
"Gusto mo na ba talagang mamatay?!"
"Oo" walang kabuhay-buhay kong sagot.
"Lechugas ka!—————" aakma itong sasaktan na naman ako nang may umawat agad.
