"Hoy" tawag sa akin ng kung sino.
Ibinaba ko na ang baso na pinaginuman ko saka humalukipkip at inikot ang upuan na kinauupuan ko paharap sa kanila. Blanko silang tinignan.
Balbas sarado pa ang mga ito at malalapad ang mga katawan pero may kulay link na hair clip pang suot ang nangunguna sa kanila. Ang tatapang ng mga itsura hindi na siguro kataka-taka kung bakit may lakas ng loob ang mga ito sa pagsapok sa akin kanina.
"Oh?" kalmado kong tugon saka sumandal sa mesa na nakapanlalaking upo lang.
Napapatingin na ang ilang tao dito sa banda namin pati na ang bartender na napapahinto-hinto sa gawa niya. Ang iba naman ay abala sa pagsayaw sa gitna.
"Ikaw ba si Kristine Jaspher Corpuz na nag-aaral sa UMS college building?" tanong ng nangungunang lalaki. Nagkatinginan kaming tatlo saka walang kasing talas na tinignan muli ang lalaki.
Paano niya 'yun nalaman?
Hindi ako sumagot at tinitigan lang siya ng diretso.
"Tumayo ka kung ikaw 'yun" ma awtoridad niyang sabi.
Walang nagbago sa reaksyon ko saka matunog na napangisi at bumalik sa malamig siyang tinignan.
Marahan akong unti-unting tumayo sabay pamulsa sa coat kong suot. Nakapolo rin kase ako isa pa, suot ko ulit ang contact lenses na binigay sa akin ni ate para hindi kapansin-pansin ang tunay na kulay ng mga mata ko.
Tumabi sila Lito, pinagbibigyan ako. Ako ang taya sa mga oras na ito kung magkagulo man. Sa pagsasama naming apat, laro na lang sa amin ang pakikipagbasag-ulo. Magpupustahan pa minsan ang tatlo.
Nakababa na ako ng tingin sa kaniya ngayon na nakatayo na ako bago paisa-isang hakbang na lumapit sa kaniya, hindi inalis ang tingin ko.
Hindi nakaligtas sa paningin ko ang paglunok niya nang tapatan ko siya.
"Oh?" wika ko pa ulit.
Doon pa lang siya napakurap ng ilang beses matapos labanan ang tingin ko. Muli siyang napalunok.
Ginalaw ko lang ang mga mata ko sa pag-angat ng dahan-dahan ng nanginginig niyang kamay na may hawak na phone, kulay pink pa ang casing at bulaklakin ang disenyo.
Pagdating sa mukha, tigasin sila. Mukhang mga wrestler. Pagtingin sa kamay, nanlalambot na mukhang maiihi pa sa paglapit at tingin ko lang. Pinagpapawisan pa siya kahit may aircon naman.
"I-Idol ka ng kapatid ko. 1st year high-school pa lang siya ngayon doon din sa UMS.. Birthday niya po bukas, pangregalo ko lang sa kaniya 'to, pwede pa picture po?" mahaba niya pang eksplinasyon at pagpapaalam sakay ngiti sa akin. Gumalang bigla.
Anyare? Idol? May fan ako?
"Grabe! Ang ganda plus ang gwapo mo pala sa malapitan!" tumili pa ito, ngumiti rin sa akin ang mga kasama niya na biglang bumaliko.
Bading?
Nalingon ko bigla sila Lito na parang nagtataka rin. Akala ko pa naman away ang gusto, piktur lang pala sinapok pa ako.
"Anong pangalan ng kapatid mo?" tanong ni Lito sa lalaki.
Sinisigurado kung totoo ba ang pinagsasabi ng mga 'to, baka kase mamaya kalaban pala namin ang mga ito. Wala sa mga itsura nila ang mga malalambot.
"Ah si Shyaine. Shyaine po pangalan niya"
Tinignan naman ako ni Lito na parang sinasabi kung may kakilala ba akong ganoong pangalan. Umiling lang ako sa kaniya, alam naman nilang hindi ako palapansin sa paligid kapag hindi ako interesado, maliban na lang kung pakiramdam ko ay kaaway ito.
