Agape [ OC ] COMPLETED

၈

#Unicode
"အဆင်ပြေရင် ညီမလေး တိတိကျကျဒိတ်ကလေးပေး 🎶"

"ကိုယံ"

"ကိုကြီးစောင့်ခဲ့ရတဲ့ ပြဿဒါးတွေ🎶"

"ကိုယံ"

"ယတြာချေပြီး မင်းနဲ့လိုက်မယ့်နာမည်လေးရွေး🎶"

"ကိုယံ"

"ခေါ်ချင်ပြီ မင်းအတွက် ဘရန်ဒ်း နယူး...."

"ကို တိမ် ယံ ဦး ဝေ!"

" နိမ်း...နိမ်း....နိမ်း...အဲ"

မနက်ခင်းအစောကြီး စိတ်ပါလက်ပါ ဆံပင် သ ပြီး ဒူးနံ့ကာ သီချင်းဆိုကောင်းနေသည့် ကိုယံ့အား ကိုသော် အခါခါခေါ်ရသည်။

"ဘာလဲ ညီ"

" ဒီနေ့ ကျောင်းမတက်ဘဲ ဘယ်သွားမှာလဲလို့။ အရေးကြီးလို့လား"

ကိုယံ့မျက်နှာသည် အလွန်အကြူးရွှင်မြူးနေသည့်ဟန်။ ကိုသော်၏ မယုံသင်္ကာအမေးကို ကြားတော့ မှန်ထဲကနေ သူ့ဆီကြည့်ပြီး

" Only the brave , Are the pretty တဲ့ ကိုသော်ရ ဟဲဟဲ"

" အဲဒါ ဘာပြောတာလဲ"

" ရဲရင့်သူများသာ အလှတရားနဲ့ ထိုက်တန်ကြသည် ဆိုတာလေ"

ထိုအခါ ကိုသော်က အတန်ကြာ တွေ၍နေပြီး

" ဘာလဲ။ ကိုယံ စစ်ထဲဝင်တော့မှာလား"

ကိုသော့်စကားကြောင့်

" အာ... ညီရာ ပေါက်ပေါက်ရှာရှာ ။ သေနတ်သံဆို ကြားကိုမကြားချင်တဲ့ဟာ။"

ဟူ၍ ပြာပြာသလဲငြင်းချက်ထုတ်သည်။

" ဒါဆို ကိုယံက ဘာလုပ်မလို့လဲ။ ချိန်းရိုက်တာမျိုးတွေလား"

"ဟာ...ဖွဟဲ့။ လွဲပါစေ ချော်ပါစေ"

ကိုသော့်မေးခွန်းများ အတောမသတ်သလောက် အတွေးများသည်လည်း နယ်ကျော်သွား၏။ ထို့ကြောင့် ဖုန်းနှင့်ကားသော့ယူပြီး အပြင်သွားဖို့အဆင်သင့်ဖြစ်နေသည့် ကိုယံကပင် သက်ပြင်းချလျက်

" ညီ့အတွက် မရီးရှာပေးမလို့ဟေ့။ ကိုသွားပြီ။ နေ့လည်စာ အချိန်မှန်စားနော်။ တစ်ယောက်တည်း ဘယ်မှမသွားနဲ့။ တစ်ခုခုဆို ကိုယ့်ဆီ ချက်ချင်းဖုန်းဆက် အိုခေ‌နော် ။ တာ့တာ"