သားရဲလေ့ကျင့်သူ (ဘာသာပြန်)

အပိုင်း၁၅၆ အရိပ်ဂျဖာလူကာပုတ်သင်

[Unicode]
အပိုင်း၁၅၆ အရိပ်ဂျဖာလူကာပုတ်သင်

      “ဟုတ်တယ်, အဲ့တာ လီချင်းချင်ယိကျုံး(လီချင်းတစ်ယောက်နမ်းနေသည်)” လီချင်းက ဒီလိုမျိုးသံတူကြောင်းကွဲစကားတွေကြောင့်သိပ်ပြီးအနှောက်အယှက်မဖြစ်ပေ၊ သူနဲ့ ချင်ယိတို့အတော်ကြာကြာ ကောင်းမွန်တဲ့ဆက်ဆံရေးရှိပြီး, သူတို့ကကပ်ဆိုးကြီးပြီး ကတည်းက သားရဲအမဲလိုက်အဖွဲ့ကိုတည်ထောင်ခဲ့တာဖြစ်သည်၊ ထိုသားရဲအမဲလိုက်အသိုင်းအဝိုင်းမှသူတို့ကိုသိသောသူများသည်ထိုကဲ့သို့သော တူညီသောဟာသမြောက်သည့်အသုံးကိုသုံးကြသည်၊ တကယ်တော့ဒေါသထွက်ရတာ ဘာမှမရှိပါဘူး၊ သူတို့ကထိုစကားကိုကြားလေလေ,ပိုပြီးရယ်စရာကောင်းတယ်လို့ ထင်ခဲ့ကြတာဖြစ်သည်၊

            သူတို့က သူတို့စိတ်ထဲမှာဘာမှမထားပေမယ့် ကောင်းဖန်ကတခြားသူတွေရဲ့နာမည် တွေကိုဟာသလုပ်ဖို့အတွက်စိတ်ကူးမရှိပေ၊

“ကျွန်တော့်နာမည်က ချန်းရွှယ်ဟေးပါ”, ဒါရိုက်တာချန်းကဦးလေးလျိုကိုပြောလိုက်ပြီး, သူကိုယ်သူမိတ်ဆက်လိုက်သည်၊

ကောင်းဖန်သည် ဒါရိုက်တာချန်းနှင့် သူ၏ကုမ္ပဏီမှခေါ်လာသောသားရဲများကိုကြည့်လိုက်သည်၊ ဒါရိုက်တာချန်း၏ကိုယ်ပိုင်သားရဲသုံးကောင်လုံးသည် အုပ်ချုပ်သူအဆင့်ရှိသော သွားကျဲသံတီကောင်များဖြစ်သည်၊ တစ်ကောင်၏အဆင့်က အဆင့်၃၀, ပြီးနောက်ထပ်နှစ်ကောင်က အဆင့်၂၄နှင့်အဆင့်၂၅ဖြစ်သည်၊ သူတို့နှစ်ကောင်လုံး သည်အဆင့်၃၀ အကောင်ထက်သိသိသာသာပိုသေးသည်၊

လီချင်း၏သားရဲများသည်အဆင့်၂၄ သံဆူးဝှက်တောဝက်ဖြစ်ပြီး အဆင့်၂၁ရှိသည့် သွေးဆိပ်မြွေစိမ်းဖြစ်သည်၊

တစ်ဖက်ကချင်ယိတွင်လည်း, အဆင့်၂၇ရှိသည့်တစ်ကောင်တည်းသောမီးငှက်ရှိသည်၊ ၎င်း၏အမွှေးအတောင်များက မီးတောက်မျှင်များစီးကျနေသလိုဖြစ်နေပြီး ၎င်း၏မျက်လုံးများကတောက်ပနေသည်၊

သားရဲများကိုမြှင့်တင်ခြင်းသည် မလွယ်တဲ့ကိစ္စတစ်ခုဖြစ်သည်၊ သားရဲတစ်ကောင်ချင်း ၏ကွဲပြားချက်များပေါ်မူတည်ပြီး, ၎င်းတို့၏ပုံမှန်အဆင့်သတ်မှတ်ချက်ရှိသည်၊ ဤသို့အဆင့်ကန့်သတ်ချက်သို့မချဉ်းကပ်မှီတွင်, အဆင့်များကိုတိုးမြှင့်ခြင်းကလွယ်ကူ သည်၊ ဒါပေမယ့် တစ်ကြိမ်အဆင့်သတ်မှတ်ချက်သို့ရောက်သွားရင်တော့, အဆင့်တိုးမြှင့်ခြင်းတိုင်းသည်ကြီးမားသောအားစိုက်မှုကိုလိုအပ်ပြီး ကြီးမားသော ကုန်ကျစရိတ်လည်းလိုအပ်သည်၊