သားရဲလေ့ကျင့်သူ (ဘာသာပြန်)

အပိုင်း၁၄၁ အရေခွံလဲခြင်း

[Unicode]
အပိုင်း၁၄၁ အရေခွံလဲခြင်း

အဖြူရောင်ပင်လယ်စင်ရော်ငှက်ကြီးက အမိန့်ရရှိသည်နှင့် ကောင်းကင်ယံမှ ထိုးဆင်းလာတော့သည်။

၎င်းက သစ်ပင်များကို မုန်တိုင်းတစ်ခုလို လှုပ်ယမ်းသွားစေကာ အိပ်မက်တုတ်ချောင်းအင်းဆက်ပေါ်သို့ ဆင်းသက်လိုက်သည်။ ၎င်း၏နက်မှောင် ရှည်လျားသည့် အရိပ်ကြီးကတော့ အိပ်မက်တုတ်ချောင်းအင်းဆက်အပေါ် အုပ်ဆိုင်းလို့နေသည်။

ကောင်းဖန် ခေါင်းမော့ကြည့်လိုက်ချိန်တွင် အဖြူရောင်ပုံရပ်တစ်ခု ကောင်းကင်ပေါ်မှကျလာပြီး ကောင်းကင်ယံတွင် အရိပ်များပင် ကျန်ခဲ့လောက်သည်အထိ မြန်နေသည်ကို တွေ့လိုက်ရသည်။

အိပ်မက်တုတ်ချောင်းအင်းဆက်သည် မြေပေါ်တွင် ပျော့ခွေစွာလဲနေရာမှ ၎င်း၏လှံနှင့်တူသည့် ခြေချောင်းများကို ကောင်းကင်ပေါ်သို့ မြှောက်လိုက်ကာ အံ့ဩတကြီးအော်ဟစ်တော့သည်။

စင်ရော်ငှက်၏တောင်ပံများအပေါ်တွင်တော့ ဒိုင်းသဖွယ် ဖုံးအုပ်ထားသည့် အဖြူရောင်အလွှာတစ်ခုပေါ်လာခဲ့သည်။ လေဖိအားကြောင့် အိပ်မက်တုတ်ချောင်းသားရဲမှာ နောက်သို့ခြေလှမ်းပေါင်းများစွာ ဆုတ်လိုက်ရလေသည်။

အိပ်မက်တုတ်ချောင်းအင်းဆက်က ၎င်း၏လှံပုံစံခြေချောင်းများကို စင်ရော်ငှက်ဆီသို့ ပစ်လွှတ်လိုက်ပေမည့် ငှက်ကြီးက ထိုခြေချောင်းများကို ကျွမ်းကျင်စွာ ရှောင်တိမ်းလိုက်ပြီး အိပ်မက်တုတ်ချောင်းအင်းစက်နောက်ဖက်သို့ ရုတ်ချည်းဆိုသလို ဆင်းသက်လိုက်သည်။

သံမဏိများလိုမာကြောသည့် ခြေသည်းများဖြင့် အိပ်မက်တုတ်ချောင်းအင်းဆက်ကို ဆုပ်ကိုင်လိုက်ပုံက မြေတူးစက်လိုမျိုး ခိုင်မာလှသည်။

၎င်းက အားပြင်းသော တောင်ပံခတ်သံနှင့်အတူ အဖြူရောင်စင်ရော်ငှက်ကြီးသည့် အိပ်မက်တုတ်ချောင်းအင်းဆက်ကို ဆွဲကာ လေထဲသို့ အမြန်အဆန်ပျံတက်သွားတော့သည်။ အိပ်မက်တုတ်ချောင်းသားရဲမှာ စင်ရော်ကြီး၏လက်သည်းများကြားမှ လွတ်မြောက်အောင် ရန်းကန်နေခဲ့ပေမည့် အသုံးမဝင်ခဲ့ပေ။