បន្ទប់ជួលរបស់ លីលី ...
"អឺ...នេះមិនអីទេលោក ហកវេមម ! នេះខ្ញុំអាចរៀបចំបានណា៎! របស់ខ្ញុំក៏មិនច្រើនទេ! លោក ហ្វេម អង្គុយទៅ! កុំរវល់អី!"។ ងាកមកមើលបន្ទប់ជួលតូចមូយដែលជាកន្លែងស្នាក់របស់នារីដែលឡើងពីជនបទមកសិក្សានេះវិញពេលនេះកំពុងតែរើឥវ៉ាន់របស់នាងក៏ព្រោះទទួលបានបញ្ជាពី ជុងហ្គុក ដែលបានសុំនាងឲ្យនាងនៅជាមួយ ហានអុី ក្រោយនាងបានឈប់ទៅបើកហាងហើយដើម្បីឲ្យ ហានអុី អស់បារម្ភទើប ជុងហ្គុក សុំនាងមកនៅជាមួយហើយ លីលី ក៏ពិតជារីករាយនឹងសំណើរនេះមិនមែនព្រោះតែប្រយោជន៍ល្អទេតែនាងបាននៅមើលថែក្រមុំ ហានអុី នោះទេ ។
"នេះម៉េចនឹងសមទៅឲ្យ លីលី រៀបតែឯង! មានអីខ្ញុំក៏ជួយបាន!!"។ ហ្វេម ដែលទើបតែចេញពីពេទ្យក៏បានមកមើលនាងក៏ចូលមកជួយនាងហើយ លីលី ក៏ទើសទាល់ព្រោះគិតថាមិនល្អសោះដែរទៅរំខានគេទាំងគេជាអ្នកជម្ងឺ។
"ទេលោក! នេះជាលោកមានរបួសទើបតែជាមិនទាន់ធូរស្រួលផងកុំធ្វើបែបនេះអី! តិចប៉ះពាល់មុខរបួសទៅណា៎! ទៅអង្គុយទៅ!"។ លីលី ក៏ឃាត់គេហើយរុញគឹចេញបន្តិចហើយ ហ្វេម ក៏ញញឹមដាក់នាងមុននឹងគេស្រវាចាប់ដៃស្រឡូនដែលរុញដើមដៃនាយជាប់ទើប លីលី ត្រូវងាកមកមើលគេដោយភាំងៗ។
"នេះ លីលី បារម្ភពីខ្ញុំមែនទេ?"។ ស្នានញញឹមស្រទន់របដ់កម្លោះនេះធ្វើឲ្យ លីលី ក្រហមមុខក្តៅភាយៗត្រូវគេចចេញមុននឹងដកដៃហើយរត់ទៅរៀបឥវ៉ាន់។
"អឺម...នេះនរណាក៏គេបារម្ភដែរ! របួសលោកក៏គ្រាំក្នុងបែបនេះ! នៅមករៀបចំលើកឥវ៉ាន់វានឹងគង់តែប៉ះពាល់! លោក ជុងហ្គុក ក៏ផ្តាំថាឲ្យខ្ញុំជួយមើលថែលោកហើយនេះបើលោកឈឺថែមនោះច្បាស់ជាត្រូវលោក ជុងហ្គុក ថាឲ្យហើយ!"។ នាងតូចក៏រៀបចំឥវ៉ាន់បណ្តើរហើយមុខក្រហមទើបពេលនេះ ហ្វេម ក៏សម្លឹងមើលនាងដោយទឹកមុខស្រទន់មុននឹងគេក៏ទ្រានបាតដៃទៅលើសាឡុងដែកគេអង្គុយមុននឹងផ្អៀងមុខសម្លឹងមើលនាងពីក្រោយខ្នង។
" លីលី នាងមានមិត្តប្រុសទេនឹង?"។ សំណួរមួយនេះសួរចេញពីបបូរស្អាតដែលញញឹមជាប់ធ្វើឲ្យ លីលី ដែលកំពុងតែរៀបចំឥវ៉ាន់ក៏ទ្រឹងស្ងៀមភាំងនឹងសំំណួរគេហើយក៏ប្រឹងប្រមូលស្មារតីរៀបទំនិញជាថ្មី។
YOU ARE READING
អង្រួនបេះដូងអូន ( Shaking your stone heart ) រដូវកាលទី ៦ ( Season 6) Completed ✅
Romanceជារដូវកាលទី 6 ក្នុងចំណោមរដូវកាលទាំង 7 របស់ស៊េរី : សំណព្វចិត្តម៉ាហ្វៀ ( Mafia's sweetheart ) ❤️💐 ដែលនិយាយពីកម្លោះពាណិជ្ជករដែលមានជំនឿជឿជាក់លើមន្តរបស់ខ្លួនតែបែរជាត្រូវដាក់ទុនមកឆាឆៅនារីម្ចាស់ហាងបាយតូចតាចម្នាក់ដោយសារតែនាងមិនបានគិតមកលើគេដូចដែលគេធ្លាប់មា...