روايه انا و هي

(الحلقه الأولى ) ..( استهبال )

..........
الروايه رومانسيه كوميديه اجتماعيه ..
تناقش مواضيع الجواز المختلفه ..... الروايه للكبار فقط
(أبطال المسلسل )
أحمد : الزوج
نوران : الزوجه
المفروض ان الابطال جيران
( ومزيد من الاصحاب والاخوات هنقابلهم ف الروايه )
..........
( بتدور الاحداث ف احدى القرى القريبه من مدينة المنصوره )
..................... ( الحلقه الاولى ) <3
( احمد ونوران كل واحد واقف ف بلكونته )
نوران : بسبس ... واقف عندك بتعمل ايه ..؟
احمد : هه ! مافيش كنت بسقى الزرعه اللى زارعها ف البلكونه
نوران : اممممممم عاوزه اسألك ف سؤال
حمو : خير سؤال ايه اللى ف سؤال اللى عاوزه تسأليه ؟
نوران : احنا جيران بقالنا اد ايه ؟
احمد : ههههههههه وعينا ع الدنيا لقينا نفسنا جيران
نوران : تعرف انى عمرى ما شوفتك بتبصيلى ولا عينك تيجى ف عنيا
احمد : عشان ....... محرجكيش
نوران : اممممم .. بس ؟
احمد : وعشان امممممم احنا جيران ماينفعش ابص عليكى
نوران : بس بس ؟
احمد : اه ..
نوران : انت عمرك ما حبيت ..؟
احمد : انا عاشق يابنتى
نوران : طب احكيلى عنها
احمد : ‏ اقولك سر !
نوران : قول
احمد : كنت دايما ببص عليها من ورا الشيش
هى احلى من الورد اللى بتسقيه كل يوم
واكتر من مره اشوفها وقلبى يتخطف
وابقى هموت واتكلم معاها
لكن لما تيجى عينيها ف عنيا كنت بهرب
نوران : كنت بتهرب لفين ؟
احمد : ليها برضو ! بس في خيالى عشان بقدر اتحكم فيه واخليها معايا نفسي الزمان والمكان يقفوا ف اللحظه اللي بتكون معايا فيهم
نفسي قلبي يبطل رعشه ف كل مره بكون واقف بتكلم معاها
عارفه !
طيفها حواليا ف كل مكان
ف شغلي ف الشارع ف البيت وانا نايم وانا صاحي
مسيطره عليا بطريقه انا نفسي مستغربها
6 سنين ع الحاله دي ومش عارف ايه السبب
ايه السبب ف اني احبها واتعلق بيها التعليقه السوده دونا عن بقية بنات البلد
عيني بتتكسر لما بلاقيني طولت ف النظر ليها
زي ماكون مكسوف ابصلها
او خايف اجرحها بعيني
او خايف احسدها
واخداني من دنيتي ومن حالي ومحتالي لدنيتها
لبراح عينيها
تعرفي انها معروفه ف عنيا وانا وسط زمايلي
لما بيلاقوني سرحت وتنحت وقعدت من غير ما انطق بلاقيهم ف نفس واحد بيقولوا " ااااه الحاله جاتلك "
بس بيدعولها بالخير
لانهم بيشوفوا صاحبهم مبسوط وعينه منوره بس لما بيفتكرها
كل ده ومش عاوزاني اعشقها
اهي البت دي واخداني علي فين ..... الله اعلم !
نوران : (عينيها متأثره ) ممكن اعرف هى مين ...؟
احمد : مانتى عارفه هى مين ومافيش ف القلب غيرها بقالها 6 سنين
نوران : ههههههههههه هى حلوه ؟
احمد : يعنى ! مش اوى
نوران : بقا كده
احمد : هههههههههه دى اجمل ما ربنا خلق ، عارفه احلى حاجه فيها ايه ؟
نوران : احم .. ايه ؟
احمد : اكتر واحده تستعبط وتستهبل على أمى وتيجي تجرجرنى ف الكلام كل يوم عشان تعرف غلاوتها عندى زادت ولا قلت
نوران : طب ايه ؟ غلاوتها زادت ولا زى ماهى
احمد : لا انتى اسأليها انتى بقي مش فاضى انا لأمور الاستهبال بتاعتها دى
نوران : ههههههههههههه على فكره البلكونه بتاعتكوا مافيهاش زرع
احمد : ايه ؟ بجد
نوران : شوفت بقي مين اللى كان بيستعبط .. قولى كنت واقف ف البلكونه بتعمل ايه
احمد : كانت وحشانى ووقفت ف البلكونه وفضلت احدف شباكها بطوب عشان تطلع
نوران : هههههههه وطلعت ..؟
احمد : هههههههههه طلعت واتكلمت معاها كمان
نوران : طيب قولى بقي . مش هتبطل وقفه البلكونات دي تبصبص ع الجيران
احمد : وانتي مش هتبطلي تخرجي بلكونتك كل يوم الساعه 12
نوران : مش عارفه . حد مستقصدني كل يوم يحدف الشباك بطوبه .. بخرج مابلاقيش حد
احمد: اه تلاقيهم شويه عيال
نوران : اه صحيح النهارده شوفتك بتلم شويه طوب من تحت وانت راجع المغرب
احمد : هه ! شوفتيني امتي
نوران : وانا واقفه مع اختك فوق السطوح قولتلها اخوك بيعمل ايه ؟ قالتلي كل يوم يلم شويه طوب وهو طالع ولما سألته دول ليه قاللي بحدف بيهم الناس م البلكونه بالليل
احمد : لا دي اختي دي مجنونه . سيبك منها .. بيتهيألها حاجات غريبه . طب انا هدخل انام بقي
نوران ههههههههههه تصبح ع خير
احمد : وانتي م اهله يا ارخم خلق الله
نوران : ههههههههه الله يسامحك .. بس اسمع . انا ببقي واقفه ورا الشباك من الساعه 11 ونص مستنيه الطوبة
احمد : طب روحي نامي . عشان شكلي بقي وحش
نوران : هههههعههععهه ماشي ياعم تصبح على خير
احمد : نوران !
نوران : اححم . نعم ياعم
احمد : دفى نفسك وانتى نايمه عشان الجو تلج . وسلميلى على عم على وبوسيلى الواد اخوكى الصغنن
نوران : ههههههههه من عنيا .. يلا باى بقي عشان انا بدأت ابرد
احمد : باي
.............
احمد : ( بيكلم نفسه ) يالهوى يانا يامه . ايه اللى بيحصللى لما بكلم البت دى .. مع غيرها ديك رومى وباجى اتكلم معاها كلمتين ببقي بطه بلدى . اعوذ بالله
....
نوران : ( بتكلم نفسها ) ياغواتى عسل .. هتطلع روحى يابن الجزمه قبل ما تنطقها وتقولها . ابو شكلك واد رخم ..
امل ( اخت نوران ) : ايه مالك يا حلوه بتكلمى نفسك ليه ؟
نوران : هو فيه غيره ! اللى مطلع روحى ومجننى ومش عاوز ينطق ..
امل : ههههههههههههه احسن . انا فرحانه فيك
نوران : طب نامى انتى كمان نامى . نامت عليكو حيطه انتو الاتنين
امل : طيب يلا انا هنام ... عشان ورايا محاضره بكره ومش فاضيالكو ..ههههههههه وماتبقيش تصحى الساعه 7 ونص والنبى عشان تسقى الزرع انتى كمان . نبطل هبل
نوران : هههههههههههه الله ! مش لازم اتطمن ع الزرع بتاعى كل يوم الصبح وهو رايح شغله
امل : ههههههههههههههههه مجانين .. بس شكلكو حلو وحياة امى .. يابختكو ببعض . ايه العسليتين دول . انتى قمر وهو قمرين هههههههههههه مستمتعه انا بنظام الاستهبال اللى ما بينكو ده .... اقولك سر
نوران : بقلق انا من اسرارك دى
امل : والله اعلم كده . امك شكلها على علم باللى بينك وبينه ..
نوران : نعععععععععم ؟ بجد ؟ ازاى ؟ يانهار اسود
امل : ههههههههههههههه ماتتخضيش اوى كده . هى عارفه احمد انه ابن ناس وفرحانه جدا بيكو ... بس اتلحلحى شويه وخليه ييجى يتقدم اهو يحجزك بدل العرسان اللى سيادتك بتطفشيهم دول كل يوم والتانى ههههههههههه
نوران : لا ماهو احمد اللى بيطفشهم
امل : نعم ؟ ازاى ؟
نوران : لما بيسمع ان اى حد متقدم بيروح هو يتكلم معاه ويفهمه اننا مخطوبين ... بوظ سمعتى ابن الهبله
امل : ههههههههههههه ياختى .... ايه العسل ده
نوران : مدوبنى ابن الجزمه معاه ...
............
( بعد ساعه البنات بتسمع صوت طوب ف البلكونه )
امل : اووووووووووووف دى مابقتش عيشه . قومى شوفى الحيله بتاعك قبل ما يكسر الباب على نافوخنا بالطوب بتاعه عاوزه انام انا .
نوران : ههههههههههههههه طب انسدى
......
نوران : ايه ده انت لسا صاحى ؟
احمد : ايه ده ايه اللى صحاك دلوقتى .
نوران : مش عارفه ... واد رخم بارد شكله مستقصد بلكونتنا عمال يحدف علينا طول .
احمد : رخم وبارد ؟ اه .. وايه تانى
نوران : واهبل كمان
احمد : ( بيعض على شفايفه من الغيظ )
نوران : ايه يا حمو انت بتعض على شفايفك ليه . مين اللى مضايقك
احمد : مافيش . اصل فيه ناموسه معفنه هطلع عين اللى خلفوها دلوقتى لو مالميتش لسانها
نوران : ياساتر يارب . اد كده مضايقاك ؟
احمد : اعملها ايه ؟ لسانها اد كده . متر وربع . مش سايبانى ف حالى عمال تمص ف دم امى
نوران : هههههههههههه معلش معلش تلاقيك انت اللى مرخم عليها بس
احمد : طيب ياختى . تصدقي ان الكلمتين بتوعك دول عن الواد الرخم البارد اللى بيحدفكو بالطوب خلانى ادفى ؟ الواحد صحته بتيجى ع الشتيمه هههههههههه
نوران : ههههههههه حرام عليك هتموتنى
احمد : طب يلا ياختى يلا ادخلى نامى . وانا واقف هنا شويه عشان لو حد رمى عليكو طوب ولا حاجه هخلى بالى
نوران : ههههههههه ماشى .. تصبح على خير بجد بقي .
احمد : وانتى من اهله يا
نوران : ايه
احمد : يا ناموسه يا غلسه
نوران : هههههههههه ماشى ماشى . بايباى
احمد : سلام
....................
( تانى يوم )
احمد : بقولك ايه يا حاجه .. انا قررت اخطب
ام احمد : البت نوران صح ؟؟؟
احمد : ايه ده ؟ هو انا باين عليا اوى كده
ام احمد : لولولولولى .. مبروك يا قلبي
فاطمه ( اخت احمد ) : ايه ده ... بتزغرطى على ايه يا ماما
ام احمد : هنخطب لاخوك
فاطمه : ههههههههههههه نوران ؟
احمد : دى مصيبة ايه دى ؟ امال لو ماكنتش بحبها ف السر بقي كان مين تانى عرف
...........