روايه انا و هي

(الحلقه السابعه عشر ) ..( قلبي هيقف )

(الحلقه السابعه عشر ) ..( قلبي هيقف ) <3
............
(في الحلقه السابقه )
مى : البت سمر جايه هى وامها عشان يباركولك عشان معرفوش ييجو الفرح
احمد : إلهى يسد نفسك ونفس اللى خلفوك ونفس الكلب اللى قاعد جنبى ده . غورى ف داهيه انتى واخبارك
مى : هههههههههههههههههه
.........
عماد : ايه ياعم بتبصيلى كده ليه ؟ وحياة امى انا كنت بخمن معرفش انها هتطلع بجد
احمد : ولا يا كريم ... هات الجردل اللى جنبك ده واملاه بأوسخ ميه عندك وتعالى
عماد : طيب انا قايم مروح بقي
............... ( السابعه عشر ) <3
احمد : قايم مروح فين يا حيلة ابوك تعالى ... تعالى فكر معايا هعمل ايه ف المصيبه دى
عماد : مصيبه ايه يا بقره انت قوم اجرى روح البيت لايحصل جنايه هناك
احمد : يانهار ازرق .. تصدق صح . انا ماشى ...
عماد : ههههههههه ربنا معاك
......
( بيت احمد )
ام احمد : جرا ايه يا سهير انا هعزم عليك انتى وبنتك ولا ايه ... مدى ايدك وكلى
سهير ( ام سمر ) : جرا ايه يا وليه انتى هتعزمى عليا ف بيتى ... ههههههههههههه باكل والله اهو
سمر : امال فين العرايس يا طنط عاوزين نباركلهم بقا
ام احمد : الدلعدى احمد جاى كمان شويه كان بيقضى طلب من بره وزمانه على وصول . وعروستنا بقي فوق مع اختها ... وزمانها نازله . ولا اقولكو ما تطلعوا انتو تباركولها فوق واهو احمد على وصول
سهير : لاحسن تكون على راحتها ولا حاجه
ام احمد : راحة ايه . الناس كلها من طلعة النهار جايين يباركو .. طلعيهم يا مى يلا وانا هصلى العصر وطالعه وراكو
مى : حاضر يا ماما
...
( ع السلم )
سمر : بقولك ايه يا بت يا مى ... هى البت نوران دى حلوه
(مى ف سرها) : الله اكبر قل اعوذ برب الفلق
مى : الحمد لله يا حبيبتى اهو نقاوة احمد اخويا بقي
سمر : هههههههه منا عارفه اخوك . طول عمره ذوق معدى ف كل حاجه خصوصا ف البنات ...
.....
( على باب شقة احمد )
مى : افتحى يا أمل انا مى ومعايا طنط سهير وبنتها سمر
امل : ( بتفتح الباب ) اهلا اهلا بحضرتك يا طنط اتفضلوا
سهير : ( بتزغرط ) ربنا يباركلكو ف بعض ونسمع عنكو كل سمع خير يارب . امال فين عروستنا
امل : ف الاوضه وخارجه حالا اتفضلوا . تشربوا ايه ؟ ولا تاكلو ايه بقي الاول
سمر : لا لا ولا اى حاجه احنا لسا واكلين تحت عند طنط ... فين العروسه بس جايين نباركلها
امل : حالا ثوانى ...
......
(اوضه نوران )
امل : يلا ياستى بسرعه مش عارفه ايه ده
نوران : مالك يابت . استنى بس بلف الطرحه
امل : مش عارفه . البت اللى مع الست اللى بره دى مش مستريحالها . نظراتها للبيت والشقه مش طبيعيه ههههههههههههههههه تحسي ان ف قلبها غل كده ايه ده
نوران : اه تقريبا قرايب . وبعدين انا اسمع انها مخطوبه
امل : مش عارفه بقي يمكن مستكتره عليك ولا على احمد كل الحاجات دى .. قلوبهم سودا اعوذ بالله
نوران : بطلى ظن وحش ف الناس يا جزمه انتى عيب دول قرايب احمد يعنى دلوقتى قرايبنا احنا كمان . يلا يلا نخرج
.........
( الصالون ) سهير : اهلا اهلاااااااااا بعروستنا . ماشاء الله زى القمر . ايه الحلاوه دى
سمر : ( بتبص ل نوران من تحت لتحت )
سمر : ايه ده ماشاء الله زى القمر مرات اخوك يا مي ... اهلا يا حبيبتى اهلا
نوران : ربنا يبارك ف عمرك يا طنط متشكره اوى ... ايه يا جماعه شربتو حاجه ولا ايه
سهير : هى صورة بقا هنفضل طالعين نازلين نشرب . ام احمد عملت الواجب تحت . امال فين احمد
نوران : احمد خرج يشوف واحد صاحبه كده وجاى
سهير : ايه بقي ماينفعش الكلام ده من اولها ولا ايه . لازم تحكميه وتربطيه جنبك شويه هههههههههههههه هو ايه ما صدق يطفش
نوران : ( بتبص بذهول ) لا والله يا طنط مش ما صدق ولا حاجه ده نزل كده يشوف عربيه عشان ان شاء الله رايحين المنصوره انا وهو
مى : ( بتوشوش امل ) : امل . الدنيا شكلها هتولع هههههههههههه
امل : البت الزفته دى هى وامها مش طايقاهم عينيهم وحشه ... امال فين اخوكى يابت
مى : احمد زمانه جاى على نار
امل : على نار ليه هو عارف انهم هنا
مى : اه منا كلمته وزمانه جاى عشان يسلم عليهم يعنى وكده
امل : ماشى
.............
( ام احمد بتدخل )
ام احمد : ايه يا نوران يا بنتى احمد جه ولا لسا ماسمعتش حسه يعنى
نوران : لا يا ماما لسا ماجاش
ام احمد : استنو بقي عشان تتعشوا معانا النهارده يا سهير انتى وبنتك
سهير : نتعشى فين بس احنا جايين نسلم ونعمل الواجب ونتكل على الله ... جايه اشوف الدلعدى احمد بنفسي واباركله عشان مايزعلش منى انى ماجيتش الفرح ... كنا ف اسكندريه عند اختى كانت تعبانه شويه
ام احمد : يا حبيبتى منا عارفه .... منال اختك عامله ايه دلوقتى
سهير : اهىة الحمد لله واحده واحده كده والدكتوير متابع حالتها وربنا يقومهالنا بالسلامه ان شاء الله
ام احمد : وانتى يا مورا هنفرح بيك امتى يا حبيبتى
سمر : لسا يا طنط بقي لما وائل يخلص شقته هنبدا نفرش
ام احمد : على خير يا حبيبتى .. وائل طيب وابن حلال
سمر : اه !! اه هو طيب
...
( احمد بيدخل )
احمد : اهلا اهلا يا جماعه . طنط سهير بنفسها ههههههههههه وحشانى يا طنط والله
سهير : بس يا بكاش . طول عمرك بكاش . من ساعة ما كنتش بتيجى تذاكر مع سمر وانتو صغيرين
احمد : ( بيبلع ريقه ) اه طبعا سمر طول عمرها اختى بالظبط ( بيبص ل نوران بخوف )
نوران : ( متابعه الحوار بشغف واهتمام )
احمد : كنا نروح بقا يا نوران نذاكر انا وعمر ابن عمتى وهشام وعبد الله وصبيان كتير .. كتير كتير يعنى مش انا بس كنا نروح عشان ابو سمر الله يرحمه كان الاستاذ بتاع الرياضه بتاعنا .. ياااااااااااااه ايام ... وانتى عامله ايه يا سمر . ووائل اخباره ايه
سمر : ( بتبص ل احمد وبتسهم )
احمد : ايه يا سمر مالك . للدرجادى مشغول بالك ب وائل خطيبك . ايوه ياعم هههههههههههه
مى : ( بتضحك ضحكة رقاصات من كتر كتمة الضحك )
احمد : ايه يا ميوي .. ايه يا قلبي بتضحكى على ايه
مى : مش قادره اصل افتكرت انى نسيت البراد ع النار تحت كنت بعمل شاى . هنزل بسرعه
ام احمد : يخربيت مطنك يا بعيده زمان البراد ولع .. واختك ف الدرس لسا ماجتش
مى : نازله يا ماما نازله
..
( مى بتقعد نص ساعه بتضحك تحت على منظر احمد اخوها )
مى : همووووووووووووووووووت اول مره اشوفك مزنوق الزنقه السوده دى يا حمووو
.......
احمد : امال ايه يا نوران بقي مقدمتيش حاجه ليه
سهير : لا ولا تقدمو ولا اى حاجه احنا خلاص قايمين ماشيين
احمد : تمشوا فين انتو هتتعشوا معانا
سهير : لا يا حبيبى احنا هنسيبك تروح المنصوره مع عروستك هههههههههههههه لسا قايلالنا الكلام ده ....
سمر : والله كنت لسا بقول ل وائل خطيبى عاوزه اروح المنصوره عشان نشترى شويه حاجات كده بس يا خساره .. جاله شغل ونزل مصر النهارده الصبح
ام احمد : طب وليه يا حبيبتى ما تروحى معاهم
احمد : ( بيبص ل أمه وهاين عليه ياكلها بسنانه )
سهير : معقوله يا ام احمد .... تروح فين بس دول عرسان رايحين مع بعض . لا لا ماينفعش
ام احمد : يا وليه انتى اسكتى هما يعنى غرب عن بعض .. جاهزه يعنى يا سمر ولا ايه
سمر : يا طنط مش عاوزه اضايقهم
ام احمد : لا لا ولا مضايقه ولا حاجه انتو طول عمركو اخوات . ولا ايه يا احمد
احمد : ( بيبص ل نوران ) اه طبعا .. سمر طول عمرها اخت فاضله اكيد ... خلاص نتوكل على الله .. انزلى بقي خلى بنتك تلبس وتجهز وامل هتروح تلبس وتجهز وهنستنى بطه تيجى م الدرس عشان تلبس وتيجى معانا هى كمان
م احمد : ليه يابنى انت مش قايل مش عاوزهم
احمد : مش عاوز مين ؟ لا وحياة امى لاييجو . دول اخواتى لازم افسحهم
مى : ( طالعه ع السلم وسامعه الكلام وبتقع من الضحك وبتكسر الكوبايات )
احمد : ايه اللى وقع بره ده ...ايه ده يابت كسرتى كل ده ؟
مى : ( بتضحك ) مش قادره والمصحف الحقونى
احمد : ايه العبط ده ... منين مش قادره والحقونى وعماله تضحكى ؟
مى : لا انا بضحك على حاجه تانيه هههههههههههههههه
ام احمد : النبى يارب تعوض عليا عوض الصابرين ... البت اتجننت
احمد : انتى تسكتى خالص يامه وتنزلى تروحى تكملى صلا .. روحى روحى صلى المغرب والعشا ان ابنك يطلع عايش النهارده
سهير : طيب يا جماعه انا هستاذن بقي . وانتى بقا يا سمر خلى بالك من نفسك وخليكى قريبه من احمد وانتو ف المنصوره محدش ضامن الظروف اللى هناك
سمر : حاضر يا ماما
احمد : طب ايه يا نوران هتقومى ولا ايه . العربيه زمانها جايه
نوران : ( بتبص ل احمد من تحت ل تحت ) حاضر ثوانى
......
( ف اوضة احمد )
احمد : ايه يا روحى خلصتى ولا لسا
نوران : اهو بلبس
احمد : مالك ؟
نوران : مالى يعنى
احمد : هو انا مش عارفك ... مالك يابت ؟
نوران : الله ! مافيش .. انت فيه انت حاجه ؟
احمد : حاجة ايه لا . مافيش اى حاجه
نوران : طيب يبقى انا مافيش حاجه
احمد : طيب الحمد لله !
نوران : بس حلوه سمر يا احمد . عسوله اوى وملامحها حلوه
احمد : ايه ! اه ! ماباخدش بالى بقي
نوران : ( بتبصيله )
احمد : ايه يا حبيبتى بتبصيلى ليه ؟
نوران : مافيش . بظبط الطرحه بس وعينى جات عليك .. انا جاهزه ... العربيه هتيجى ولا ايه
احمد : اه هو سابها تحت وادا المفتاح لامى
نوران : انت اللى هتسوق ؟
احمد : امال مين ؟ اه انا هسوق منا بعمل كده على طول لو فيه مشوار ولا حاجه .. عادى ماهو صاحبى بردو ...
نوران : طيب مين اللى جاى بقي
احمد : كله هييجى
نوران : غريبه !
احمد : ما غريب الا الشيطان .. غريبه ليه ؟
نوران : اصلك من ساعتين بالظبط ماكنتش عاوز حد ييجى
احمد : اهو الكلام كان قدامك اهو امى هى اللى مسكت ف البت انها تيجى معانا . وبعدين انا لقيت انه ماينقعش انها تيجى معانا لوحدها . قولت اجيب اخواتى واختك بقي معانا اهو يكونو هما مع بعض واحنا سوا يا بطتى
نوران : مش عارفه ...
احمد : مش عارفه ايه ؟
نوران : مش عارفه وخلاص ؟؟ فيه حاجه مش مريحانى ...
احمد : من ناحية ايه ؟
نوران : ماتشغلش بالك انا هخرج بقي اقعد معاها بره على مانت تخلص
احمد : ماشى يا روحى
نوران : ماتتأخرش ياخويا
احمد : من عنيا حاضر
.....
احمد ( بيكلم نفسه ) : قلبى هيقف منكو لله ..... معايا يارب انا غلبان وانت عارف
..............
الجماعه السناجل طبعا فشتكوا عايمه النهارده م الضحك والشماته ع الواد ؟
ماتنسوش التفاعل يا جماعه