روايه انا و هي

(الحلقه الثالثه ) ..( كله ضرب ضرب مافيش شتيمه )

(الحلقه الثالثه ) ..( كله ضرب ضرب مافيش شتيمه ) <3
............
(في الحلقه السابقه )
فاطمه : من يمتى انا ماشى من عنيا . لكن من يمة مراتك دى بقا محدش يضمنها
احمد : لا هى ساعتين بس وهقوم اخرج اروح المنصوره مش هظهر النهارده خالص .
فاطمه : وحياة امك هتتقفش . مراتك يابنى دى مش سهله والمصحف وهتنزل تجيبك وممكن تشيلك او تنزل بالبت هنا تتغدى معانا اسكت اسكت دانت روحت اتجوزت واحده بركه هههههههههههههه
احمد : لا هى بركه فعلا . اهى بترن اهى . اعوذ بالله من الشيطان الرجيم
................. ( الثالثه ) <3
فاطمه : طب ايه هترد ؟
احمد : استنى استنى !
ألو !!!
نوران : ايه يا حبيبى مطلعتش ليه
احمد : ايه ده انتى عارفه انى تحت من امتى ؟
نوران : اه انا شوفتك من فوق طالع البوابه .. ايه مطلعتش ليه
احمد : اطلع فين بقي . البت بطه بتقول ان عندك ضيوف
نوران : اه يا بابا دى هدير . بس جات بدرى النهارده عشان تقضى اليوم كله معانا
احمد : مع مين ؟
نوران : معانا . معايا يعنى مش انت طالع مع عماد المنصوره
احمد : اه ان شاء الله . هتغدى بس وهمشى عشان الناس هناك مستنيينا
نوران : ايه ده ؟ اطلع ياعم سلم على هدير عيب
احمد : يابنتى مش هلحق انا باكل اهو وانا واقف اصلا ف المطبخ .سلميلها بالنيابه عنى وان شاء الله نعزمها يوم تانى
نوران : طب خلاص خلاص انا جايباها ونازله انا وهى نتغدى كلنا سوا تحت . باى يا روحى
....
احمد : الووو ! الوووووووووووو ! يا حاج اسماعيل .. يا حاج اسماعيل انت روحت فين يا حاج رد عليا
فاطمه : ههههههههههههههههههه يانهار احوس . هى نازله ولا ايه ؟
احمد : اه شوفتى ؟ وقعتى مهببه ... دى قفلت السكه ف ثانيه
.........
نوران : تعالى يا دودو يلا هنتغدى سوا تحت
هدير : تحت فين يا نوران انتى بتهزرى ؟ انتى ايه يابنتى مخليه شكلى وحش كده
نوران : ههههههههههههههههه وحش ايه يابت دى عيله زى السكر . مامته حاجه كده فراوله ولا البت بطه اخته عسليه ... ومى اخته التانيه لسا ف الجامعه . يلا يلا عشان هو مش هيطول معانا وهيمشى
هدير : يا نوران اسمعينى
نوران : يابت يلا . طرحتك اهى عشان شعرك ده ماينفعش حد يشوفه . هههههههههههههه طول عمرك بتنافسينى ف الشعر الطويل الحلو الناعم هههههههههههه احمد دايما يقول عليه سايح ونايح
هدير : احمد ده عسل اصلا
نوران : ( بقلق ) فعلا من ناحية عسل ف هو عسل ( بتبدأ تشغل دماغها ) طبعا انتى بقالك كتير ماتعرفيش احمد ولا تعرفى عنه حاجه من ساعة ما كنا بنعاكسه سوا صح هههههههههههههه
هدير : اه . كنت اجى مخصوص اذاكر معاك فوق السطوح وهو يكون تحت ولا واقف بيسقى الزرع بتاعهم ولا حاجه ...
نوران : ههههههههههههههههه فاكره لما كنا عملنا اكونت فيس مخصوص عشان نعاكسه
هدير : هههههههههههههههه بس طلع مابيردش على حد
نوران : هههههههههههههههه فعلا ... كان اسمه ايه الاكونت ده عشان انا نسيته اصلا
هدير : ايه ؟ مش فاكره بقا لانى انا كمان مابقتش افتحه ....
نوران : تمام تمام .. طب تعالى يلا عشان هو زمانه كل ومش هيستنا حد .
هدير : يلا بينا
............
( تحت ف الشقه )
فاطمه : اهلا تعالو ادخلو
نوران : ماما خلصت الغدا ولا لسا
فاطمه : اه يلا بتغرف اهى .
نوران : امال احمد فين . تعالى يا دودو ادخلى
فاطمه : واقف جوه بيحمرله شويه بطاطس
هدير : ههههههههههههههههه ليه هو انتو طابخين ايه
فاطمه : ههههههههه والله ماما عامله فراخ مشويه وبسله واخر دلع بس هو لازم يحمر شوية بطاطس يغمس بيهم وهو بياكل .. كيف بقا نعمل ايه
هدير : هههههههههههههههه ماشاء الله ( عماله تبص على المطبخ وعاوزه تشوفه ونوران واخده بالها )
نوران : طب استنو انتو بقي اما ادخل اساعدهم
هدير : انا هنا اهو مع فاطمه هنجهز السفره
فاطمه : ههههههههههههههههه سفرة ايه لا . اخويا طالما هياكل هنا يبقى على الارض ...
هدير : والله احسن حاجه . طب يلا نفرش
....
نوران : بتعمل ايه هنا ياعم اخرج سلم ع البت عيب كده
احمد : ايوه ايوه خارج اهو ..
نوران : ايه يا طنط جوعنا والله ههههههههههههههه
ام احمد : ما خلاص يابنتى انتى وجوزك بقي روشتونى جنبكو . مش عارفه مالكو النهارده
نوران : ههههههههههههههه هاخد احمد نسلم على هدير بس
ام احمد : ماشى
......
احمد : اهلاااااااا . اهلا بيك يا هدير ازيك ؟
هدير : ( متنحه وشبه هتعيط ) تمام يا حم تمام يا احمد والله انت اللى اخبارك ايه
احمد : زى مانتى ماتغيرتيش بقالك سنتين اهو
هدير : وانت ماشاء الله زي مانت . الف مبروك على نوران .
احمد : الله يبارك فيك ... عقبالك كده . ايه مش ناويه قريب ولا ايه
هدير : ان شاء الله ... فيه موضوع كده ف بالى والله وشاغلنى هخلصه الاول وبعدين هفرحكو بيا قريب
احمد : ان شاء الله خير
نوران : ( مش متطمنه من الحوار وعماله تضحك واحمد بيبصلها وبيضحك )
احمد : ايه يا نونه الغدا زمانه خلص . قومو يلا اغرفوا
ام احمد : ولا تغرفوا ولا اى حاجه . انا خلاص جايبه الاكل وجايه اهو ... انزلو يلا
احمد : عنك عنك يامه
هدير : ( بتبصيله وهتاكله بعينيها ونوران متابعه وساكته )
نوران : امال مى هتتأخر ولا ايه يا بطه
فاطمه : اه وراها سكشن لسا .. يعنى فيها للساعه 4 على ماتكون هنا
نوران : طب تمام
هدير : بقولك ايه يا نوران انا عملت صفحه تانيه ع الفيس لان الاولى هبقى اقفلها . هبقى ابعتلك ادد بقا وهبعتلك يا بطه . عندك فيس ولا لا ؟
فاطمه : اه عندى
احمد : اه عندها فيس ومسمياه فاطمة دى أنا بالانجليزى . حاجه عيالى يعنى ههههههههههههههههههه اقسم بالله الفيس بقا بيلم
فاطمه : انت بتتريق عليا انا ههههههههههههههه ماشى ماشى . وبعدين انت مالك بالاسم
احمد : مالى بالاسم ايه . انتى بتأكدى ع الناس يعنى انك فاطمه .. ايه الناس العبيطه دى
نوران : هههههههههههههههههههههههههه
هدير : احححم وانت يا احمد بقا اسم صفحتك ايه عشان هبقى ابعتلك
احمد : ( بيكح وبيبص لنوران ) هى الشوربه سخنه كده ليه يامه
ام احمد : اسم الله على حسك دى مش شوربه دى البسله . معملتش شوربه النهارده
احمد : ايوه منا قصدى على البسله
ام احمد : هى فين اللى سخنه دنا مطفيه عليها من نص ساعه
احمد : لا هى سخنه
هدير : ها يا نوران اسم صفحة جوزك ايه عشان ابقى ابعتله
نوران : ادخلى على صفحتى هتلاقينى عامله متزوجه من ... هتلاقى اسمه
هدير : خلاص اشطات . استنو الادد بقا انتو التلاته . بس لما اروح بالليل وافتح الحساب بتاعى
احمد : ان شاء الله ... اصلا الفيس بتاعى مش عارف ماله كده . شكلى هقفله
نوران : ليييييييييييييييييييه يا حبيبى تقفله ليه ؟ ده حتى مجمع الحبايب ( رافعه حاجبها )
احمد : ( ف سره ) روحنا ف داهيه روحنا ف داهيه ) ..... ابدا يا حبيبتى بس بقا مليان صفحات مالهاش لازمه كده ولا بقا فيه اخبار ولا اى حاجه . ماله الواتس ماله الايمو
هدير : اه صحيح هاتولى ارقامكو بقا عشان ابقى اكلمكو ع الواتس
احمد : حتى الواتس بتاعى مش عارف ماله كده بقاله كم يوم كل شويه يقولى عاوز تحديث عاوز تحديث لما قرفنى ... بفكر اشيله هو كمان ... بلا قلبة دماغ
فاطمه : هههههههههههههههه
ام احمد : يلا يا بنات مدو ايديكو وسيبو التليفونات دى .
نوران : حاضر يا ماما . يلا يا دودو مدى ايدك وماتتكسفيش . وانا هبقى اقولك على الفيس بتاع فاطمه وبتاع احمد .
هدير : ماشى .. تسلم ايديك يا طنط
ام احمد : الف هنا يا حبيبتى .. وبعدين معاك يا نوران انتى كمان
نوران : ايه يا ماما
ام احمد : هما كل اصحابك مزز زيك كده وعسل ... ماشوفتيش احمد ايام ماكان بيعاكسك ف البلكونات كان يطلع يتفرج عليك انتى واصحابك
احمد : ( بيكح وبيشرق وهيموت ) كفاية يامه
ام احمد : وكل يوم والتانى ينزل يقولى اصحابها كلهم حلوين ياماما انا محتار
احمد : ( الخضار وقع على رجله وقرب يتحرق من الكحه وهو قاعد ) كفاية يامه ابوس ايدك
هدير : ههههههههههههههههههههههههه لا ماشاء الله هو طول عمره عسل يا طنط
نوران : كملى يا طنط كملى ... يااااااااااااااااااه يا حمو بقا كده وماتقوليش
احمد : حمو مين لا انا ماليش دعوه بأى كلام من ده . دى امى بس اللى ساعات بتقول حاجات كده غريبه . مش كده يا حاجه ولا ايه
ام احمد : ههههههههههههههههه انا هسكت احسن
احمد : ايوه والنبى الله يكرمك .. وبعدين البت مى اتأخرت ليه ؟
نوران : مى اه ... طب كمل أكلك يا حبيبى كمل .. وانتى يا هدير كملى يا حبيبتى اكلك . انتى ايه مكسوفه ولا ايه
هدير : لا والله بالعكس انا حاسه انى ف بيتنا . تسلم ايديك يا طنط
ام احمد : بالهنا يا حبيبتى بالهنا لو كان عندى ولد تانى ماكنتش سيبتك والله ..
احمد : ( بيبوس راس أمه ) الهى يارب مايحرمنى منك يا غاليه
فاطمه : مى شكلها بترن الجرس اهو جات بدرى
احمد : يلا ماهى ناقصاها فعلا
.......
مى : سلامو عليكو . ايه ده هدييييييييييير مش معقوله
هدير : ايه ده ميوي . انتى ازيك يابنتى
نوران : ( باستغراب ) ايه ده . انتو تعرفوا بعض منين
هدير : ههههههههههههههههه لا هى هتبقى تقولك هى بقا
نوران : وليه مش دلوقتى
مى : اححححم مافيش حاجه مافيش حاجه انا كنت عارفاها لما كانت بتجيلك تقعد معاك . كذا مره شوفتها يعنى وهى طالعه وهى خرجه وكانت تسال عليك وكنت هاقولها اه هو ده البيت بتاعها ..
نوران : والنبى
احمد : ( مش مركز ف الحوار وعمال ياكل ويقول ف سره : اللهم اضرب الظالمين بالظالمين واخرجنا من بينهم سالمين ) . والنبى يارب انا غلبان وقاعد وسط تعابين يارب
نوران : كل يا حبيبى كل
احمد : باكل اهو مش متوصى
نوران : ( بتبص ل مى وبتبرقلها بعينيها ومى بتضحك )
مى : طيب انا هدخل اغي هدومى بقا واغرفلى اكل لوحدى
هدير : تعالى الاكل كتير اهو
نوران : لا سيبيها لسا هتغير هدومها وتغسل وشها
مى : حبيبتى يا مرات اخويا يا فاهمانى انتى
نوران : عيييييييييييب . دانتى حبيبتى
مى : ايوااااااا طب عن اذنكو بقي
.................
( عماد بيرن على احمد )
عماد : الو ايه يا حب مش رايحين المنصوره ولا ايه بقا
احمد :الو ! اه خارجلك اهو . حبيب قلبى انت
عماد : هههههههههه انجز . مستنيك ع القهوه ع المحطه
احمد : طالع اهو
...
احمد : عن اذنكو بقا يا بنات
نوران : رايح مع عماد ؟
احمد : اه رايحين المشوار اللى قولتلك عليه
نوران : ماشى يا حبيبى خلى بالك من نفسك . بقولك ايه
احمد : ايه
نوران : استنى ! دودو ماتيجى نروح المنصوره ونيجى شويه اهو نلف ع المحلات
احمد : ( بيكح )
نوران : ايه يا روحى مالك
احمد : مافيش
هدير : لا لا اروح فين بس ماينفعش . انا ماقولتش ل ماما وبعدين انتى هتموشرينى ليه يا بنتى انا جايه اقعد معاك واسلم عليك
نوران : اسمعينى بس دى احمد معاه عربيه واحد صاحبه يعنى على طول . هينزلونا احنا نتمشى وهو مع صاحبه
هدير : لا لا المره الجايه . ماتقلقيش هتلاقينى كل يوم والتانى عندك
نوران : بجد ؟
هدير : اه والله
احمد : هاااا رسيتو على ايه ..
نوران : خلاص بقا المرادى .. المره الجايه ان شاء الله .. روح انت بقا عشان ماتتأخروش والدنيا تليل
احمد : طب ما تليل . احنا اساسا مش هنروح الا لما تليل عشان المحلات هناك سوقها كله بالليل
نوران : ماشى . بايباى يا روحى
احمد : سلام .. سلام يا هدير وفرصه سعيده
هدير بتنطق بعفويه وبتلقائيه سريعه : سلام يا حمو
احمد : ( بيبص لنوران وبيخرج )
نوران : منورانى يا دودو
.......
( ع القهوه )
عماد : ايه يا رايق كنت مزنوق ولا ايه
احمد : يا اخى هو كله ضرب ضرب مافيش شتيمه ولا ايه ... دنا خدت علقه محترمه من شويه وكله بالادب . اقولك على حاجه . انا داخل على ايام زى الفل
عماد : هههههههههههه طب تعالى اغلبك عشرتين دومينو واحكيلى
......................
نوران : اححححم اخبارك ايه يا دودو بقا وحشتينى يابت انتى . ها قوليلى بقي
..............................
انا شايف ان معظم البنات شمتانين ف الواد والشباب بيقولوا يارب يتقفش . فيه ايه يا جماعه الشماته دى ؟